كنت نازل من على السلم وفجاءة شوفتها فعملت نفسي طالع تاني، فوفت ع صوتها وهي بتنادي وبتقول_ نجم أستنى
غمضت عيوني بأسف وبعدين إبتسمت ولفيت ليها= عشم إزيك؟
إبتسمت بهدوء_ أنا بخير الحمد لله المهم أنت؟
= أنا بخير جدًا الحمد لله
_ يارب دايماً
= هو كان فى حاجه ولا أي اكمنك ناديتي يعني
_ لأ مفيش أنا كنت بس بطمن عليك.. هو أنت كنت رايح فين كدا وفجاءة غيرت رئيك وكنت طلعت
= أنا أصل هو يعني آه أصل كنت رايح عند واحد صاحبي وكدا بس نسيت حاجه كنت طالع اجيبها.. حطيت إيدي فى جيبي وطلعت المفتاح وقولت= كنت بحسب إني ناسي مفاتيح العربيه بس لقيتهم أهو وشك حلو يلا فى رعاية الله اشوف وشك بخير...
نزلت بسرعه وهي عملت باي بإيدها بهدوء وقالت بصوت يكاد مسموع في حفظ الله ومن بعدها اتنهدت تنهيده جامده يالهوي لما بشوفها ببقا عاوز الأرض تنشق وتبتلعني واختفي من قدامها.. أنا لازم أشوف حل للموضوع دا، لازم أغير مكان سكني وأعيش فى مكان تاني ولازم أبعد... أبعد تمامًا عنها
*" أنا نجم وعايش فى عماره فى ٦ أكتوبر وفي كلية طب أطفال وكليتي تبقا قريبه من المكان إللى ساكن فيه لكن شكلى كدا هضطر اسكن فى مكان تاني عشان ست عشم آه أنا بحب عشم وعارف أنها بتحبني ومتأكد من أحساسي زي مامتأكد من حُبي ليها هتقولو ليه عايز أبعد عنها، أنا بصراحه شخص لسه بداء إنه يلتزم وقربت من ربنا وبدأت فى حفظ كتاب الله ومش مستعد أبدًا اضيع كل دا بسببها لإني بضعف قصادها وأنا مش عاوز أضعف بل بالعكس عاوز اثبت عشاني أنا قبل ما أثبت عشانها لأ بل عشاني ودا عملي لوحدي وبصراحه هي مابتصدق تكلمني اكمنها ساكنه جمبي وأنا كدا بشيلها ذنوب وبشيل معاها ولفي بينا يادنيا....
Flash back
كنت قاعده مهمومه ومش عارفه أعمل أي حياتي بقت ممله ومبقتش طايقه نفسي بصيت للسما واتنفست بصوت عالي وقولت وأنا ببص فى السما للنجمه_ وبعدين يانجم هنعمل اي
لقيت صوت جميل بيقراء قرآن فى البلكونه اللى جمبي واللى هو بيقراء من ساعتها وبحسبه تسجيل بس عرفت إنه شخص إللى بيقراء لما كح فجاءة وقال *( ولا تقولن لشيءٍ إني فاعلٌ ذلك غدًا إلا أن يشاء الله واذكر ربك إذا نسيت.. وقُل عسى أن يهديني ربي لأقرب من هذا رشدًا)*
ياااه أد أي صوته مريح وجميل هروح أصلي قيام وأكيد ربنا هو الأقرب لقلبي وهو إللى عالم بيه بس القيام بيتصلى إزاي تؤ أسأله ولا بلاش لا لا هبحث عن النت واصلي بلاش حجج ملهاش لازمه
وصليت فعلًا القيام أول مره ركعتين وبعد كدا هزود... تاني يوم طلعت البلكونه ع صوته واللى لفت انتباهي وهو بيقول *"الا بذكر الله تطمئن القلوب"*
اتكلمت وقولت بإبتسامه_ صوتك لطيف أوي ع فكره
لقيته بيلف وهو بيرجع إيده لورا بخجل= تسلمي إنتي إللى لطيفه
برقت جامد جموده أي دا يالهوي لحيه ووشه كله نور اللهم بارك. فوقت ع صوته وهو بيقول= إحم مالك
_ ها أنا بخير صحيح إسمك أي
= نجم وأنتِ
تنحت طبعًا وبصيت للسما وبصيت للنجمه وقولت_ هو كمان إسمه نجم يانجم
لقيته بيقول بعدم فهم= أي!؟
_ أي دا كنت بفكر بصوت عالى معلش بس عاشت الاسامي أنا إسمي عَشَم
= جميل إسمك طب متعشمه في أي بقا؟
_ أرتاح والاقي شخص يفهمني ويقدر يحتويني بجد واه كمان التزم
= أمانيكي مُحققه بإذن الله قولى يارب
_ يارب.. تصبح على خير
= وانتي من اهل الخير
Back
آه آه أنا عشم وفي كلية دراسات إنسانية قسم خدمه اجتماعيه ودا نجم ومن يومها وإحنا شبه صحاب لااااا مفيش صداقه بين ولد وبنت يوه.....
******************
_نجم يانجم
لقيت طفل صغير طالع اي دا هو اتجوز وخلف وأنا معرفش ولا أي!!
فوقت ع صوت الولد وهو بيقول: إحنا إللى ساكنين جديد هنا إنتي مين بقا
ابتسمت وقولت_ أنا عشم ياقمر وانت
: أنا إسمي حمزه
_ عاشت الاسامي ياحمزه إنتو ساكنين من أمته
: النهارده أول يوم واللى كان هنا مشي لمكان تاني
إبتسمت ودخلت تاني هو إزاي يمشي من غير مايودعني! تؤ يعني إيش تكوني إنتي عشان يودعك كنتي اخته ولا صاحبته ولا أيش تكوني مراته وأنا معرفش ونساكي أوف بقا أنا هعيط هو معقوله مشوفهوش تاني خالص خاااالص يعني آه ياني... وعيطت. آه أنا عيوووطه
Flash back
_ نجم يانجم
= ها؟
_ ليه اختارت طب أطفال!
ابتسم= عشان بحب الأطفال أوي بصراحه وبفرح بيهم حوليا وكفايه إني هفرحهم وهخليهم يخفو بفضل من الله
فكرت بصوت عالى_ شكلك قمر وأنت بتتكلم
فوقت على صوته وهو بيضحك وبيقول= بتفكري بصوت عالي تااني
اتكسفت وقولت_ وه متفهمنيش غلط أنا قصدي شكلك فرحان وأنت بتتكلم عن الأطفال يعني
إبتسم بهدوء وقالي= تصبحي على خير
إبتسمت_ وأنت من أهل الخير
دخلت صليت القيام ودعيت ربنا يطمن قلبي ويجعل نجم ناجح فى حياته دايمًا ويحميه ويختارلي إللى فيه الخير ......
عدى أسبوعين ع تلك الحال مليش اختلاط بنجم غير بالصدفه لو شوفته ومعرفش تفاصيل حياته بصراحه ولا هو يعرف تفاصيلي إحنا قولنا إن مفيش صداقه بين ولد وبنت حرام حرام حرااااااااااام إحنا بس كنا بنتكلم من باب إننا جيران وأنا الغبيه إللى بتتكلم كتير... ببقا حاسه إنه نفسه يهرب مني ويمشي بصراحه يعني الولا بيحاول يلتزم وصوته قمر وأنا العبيطه عليا كلام ياجدع خلاص هحاول امسك لساني ولا أعرفه صباح الخير ياجاري أنت فى حالك وأنا في حالي
...... كنت طالعه ع السلم الصبح فلقيت كتاب واقع إسمه *"ولنا في الحلال لقاء"* هو صراحة بسمع عن الروايه دي وأنا بحب الكتب أوي ونفسي حد يجيبلى كُتب بس مجربتش أقراء نوع الروايات الدينيه وكدا! طب ياترى كتاب مين دا.. فتحت غلاف الكتاب لقيت مرسوم عليه نجمه☆ أكيد بتاع نجم
وقفت فى البلكونه لحد مالقيته طالع بفنجان قهوه كبير وأول مالمحني كان هيدخل بس ناديت عليه أنا مهزئه بس أنا عاوزه اديله الكتاب والله!
= عشم ازيك
_ الحمد لله. رفعت إيدي بالكتاب وقولت_ لقيته ع السلم الصبح وبصراحه لقيت مرسوم عليها نجمه فقولت يمكن يكون ليك
لقيته أخده بلهفه كدا وقال= كنت بدور عليه بجد شكرا أوي
_ الشكر لله ياسيدي
نجم بتفكير... اديهولها طيب تقراءه ولا أي بس لأ لو اديتهولها أكيد هتفتكرني بيه ومع كل صفحه هكون بين صفحات عقلها وقلبها وتبتسم وتقول ياريت نقراء الكتاب دا سوا ونتشارك كلماته مع فنجان قهوه وكوبليه من أغنية الست وهي بتقول *"يا حبيب إمبارح، وحبيب دلوقتي، وحبيبي لبكره ولأخر وقتي"* اي اللى بقوله دا كدا مش هعرف اخليها تنساني وأنا مش عاوز أقرب بالطريقه دي
فاق على صوتي وأنا بقوله بضحك_ متخافش مش هقولك هاته أقرأه
إبتسم بهدوء= لأ أنا أساسا مقرئتهوش بس أكيد فى يوم من الأيام هخليكي تقرئي من نوعيات الكتب دي وكتب الفلسفه والمنطق كمان
_ في يوم من الأيام إللى هو أمته
= في يوم من الأيام بقا
إبتسم ودخل بعد ماشكرني تاني.. بس ليه فى يوم من الأيام مش دلوقتي بس مع ذلك كل الأيام بكره لحد مايجي اليوم
Back
كفايه نفتكر فيه بقا عدى اكتر من شهر على الحال دَ خلينا في مستقبلنا إللى ضاع دا آه ياني ااااه
قومت الصبح لبست وروحت جامعتي وخلاص بقا قررت اسكن مع صحابي فى الزقازيق بعد موافقة بابا لأنه كان بيخاف عليا جدًا وخلاص أنا فى تالته كليه وأنا تعبت من المواصلات بصراحه خلينا نشوف أيامنا هتودينا لفين
****************
:عشم انا تيجي نخرج
اعرفكم دي تبقا صديقي الصدوق إسمها نعمه وساكنين سوا في نفس الشقه
_ تمام يلا ألبسي على ماألبس بس هنروح فين
: هنمشي بلا هدف المهم أنا زهقت من المذاكرة والورق وعاوزه أتمشى...
خلصنا ولبسنا كانت الساعه 6 اتمشينا وشربنا عصير قصب وكل وفجاءة عدينا على مكتبة كتب
_ نعمه شامه إللى أنا شماه
لقيتها بتتنفس بعمق وبإستغراب: في أي أنا شايفه إن مفيش حاجه
_ لأ أنا شامه ريحة كتب كتب يانعمه يلا بينا نشتري كتاب
دخلنا وقعدت أقلب فى الكتب كتير وصادفني كتاب ولنا فى الحلال لقاء وافتكرته وافتكرت جملة فى يوم من الأيام طب أجيبه ولا أستنى فى يوم من الأيام دي الصراحه أنا جيبته
_ هجيب دا
نعمه: اشمعنا
_ حلو هنستفاد منه يلا بينا نكمل شحططه
مشينا واشترينا كام سلسله وأكسسوارات جميله كدا وبعدها روحنا خلاص فرهدنا
عدي أسبوعين وكنت خلاص هنزل القاهره أجازه وكدا
قرأت الكتاب ولقيته جميل بشكل يخبل حتى إني قررت قرار ويعتبر أجمل قرار ممكن أخده في حياتي... نزلت وجيبت خمار آه خماااااار يانااس لأ ومش بس كدا دا أنا جيبت ادناء ونقاب مفوقتش لنفسي غير وأنا قدام مرايتي بالخمار والفيونكه إللى على جمب دِ أي الجمال دا لا ربنا يحميني بجد... قررت ابداء بالخمار الأول وبعدها بالنقاب خلينا واحده واحده وأهلي طبعا فرحو بالقرار دَ
مش قادره أقول أد أي نجم واحشني.. واحشني صوته وخجله وهروبه مني اتمنى يكون بخير
تاني يوم نزلت أتمشى على الكورنيش وبفكر فى بكره_ ياترى أي ممكن يحصل بكره وهل لو مجاش يوم من الأيام دِ هقدر اتخطاه!
فوقت ع صوته وهو بيقول= ولو مخطتيهوش هتعملي اي
وه بعد شهرين لأ 3 شهور معقول لا مش هو لأ هو يالهوي هو غمضت عيوني وفتحتها بصيت جمبي لقيته واقف بيبص للنيل_ ن نجم
إبتسم بهدوء= عامله أي
ضحكت بدموع وقولت_ معقول أنا بحلم صح
بصلي بإستغراب وضحك= متفكريش بصوت عالي الله يكرمك الناس رايحه جايه
_ وه أنت بجد
= لا خيالى
_ معلش أصلك اختفيت فجاءة ومشيت وو اللى هو يعني أنت ليه مشيت
= سكنت مع صحابي بقا وكدا الوحده وحشه بردك
_ المهم إنك بخير
= الحمد لله.. مبارك ع الخمار
ابتسمت بهدوء_ الله يبارك فيك... ليه مشيت
= عشانك
_ عشاني!! ليه مش فاهمه
= انتِ فاهمه كل حاجه بس بتضحكي عن نفسك وعليا بس أنا فاهم وصدقيني مش كنت حابب كلامنا حتى لو صدفه.. كنت بحس إنك حابه فكرة وجودي بس مش أكتر مش عارف بقا بس حبيت اختفي عشاني وعشانك
بصيتله بهدوء_ هو أنا مستاهلش.. هو أنا أصلا ليه معنديش شخص مُفضل يجيبلي الكتب المفضله عندي واللى نفسي أقرئها ليه معنديش شخص كل ماينزل يجيبلى كُتب كتير ويقولي دول عشانك وميضيعش اللحظه ويقول فى يوم من الأيام ولّا أنا مستاهلش، لا أنا استاهل... أستاهل يانجم حد يحبني زي مابحب الكُتب ويجيبلي كام كتاب ومعاهم ورده ويقولي بحبك
بصلي جامد وأبتسم بهدوء وقالي= تستاهلى كل دا بس في يوم من الأيام
_ إللى هو أمته فى يوم من الأيام دي
= في الحلال ياعشم صدقيني ليها طعم أحلى وانتي تستاهلى إني اكسبك فى الحلال
_ يعني أستني في يوم من الأيام دِ وأنا مطمنه
هز دماغه وهو بيبتسم بمعنى نعم فإبتسمت وسكتت شويه وقولت بعدها= همشي بقا عشان متأخرش في حفظ الله
_ ورعايته
مشيت وأنا كنت حاسه إني بحلم مش مصدقه إني شوفته فعلًا واتكلمنا
بتمنى مشوفهوش تاني لو مش من نصيبي فعلًا لأني مش هقدر أعلق قلبي بشخص عابر قلبي غالى ومش أي حد يستاهله بس منكرش إن كلامه طمني أوي
مر السنتين التانين ع خير واتخرجت وبقيت دكتورة تخاطب اللي هو لو الطفل متأخر فى الكلام بعالجه وكدا... وفعلا مشوفتهوش تاني بس كنت مستنياه بردك بلاش يأس ياست عشم آه نسيت أقول إني انتقبت بعد ماشوفته آخر مره وبصراحه كنت فرحانه بالخطوه دي أوي ومرتاحه
*"ألا بذكر الله تطمئن القلوب"*
رجعت من الشغل مره لقيت ماما عماله تروق جامد وبابا تحت
_ أي دا مين جاي عندنا
أمي: فى عريس متقدملك جهزي نفسك شويه وهيوصلو
_ وجايه تقوليلى دلوقتي
: الموضوع جيه فجاءة والله يابنتي شوفيه وإن شاء الله خير
غمضت عيوني بضعف وفتحتها وقولت_ تمام
دخلت على اوضتي واترميت ع السرير وفتحت عيوني وأنا ببص للسقف ياترى أي إللى مستنيني يارب حلها من عندك واختارلي ولاتخيرني
