♡♡♡♡♡♡♡♡♡♡♡♡♡♡♡♡♡♡♡♡♡♡
وه بتعيطي ليه
بدموع= متعرفش اللى حصل
ضحكت وقولت_ أي عباس وقع واتكسر
عيطت= عااااااااا
_ خلاص ياعشم خلاااااص أي اللي حصل؟
= يوجين لقى الاميره المفقودة ورجعها القصر ومامتها أول ماشافتها عارف عملت أي
_ أيه؟
= أنزل شويه
نزلت زي ماقالت بركبتي وبقيت طولها لأني أطول منها
= قربت كدا
قلدت أم الأميره وحطت إيديها الصغننه ع وشي برقه وعيونها اللى بتلمع بسبب دموعها في عيوني وابتسمت بحب وفجاءة حضنتي وانا اتصدمت بس بعدين استوعبت وحاوطها بإيدي وهي همست= عملت كدا بالضبط يانجم وباباها كمان حضنها... هما ليه سابوني؟
قعدتها ع رجلي ومسحت دموعها _ هما مسابوكيش ياعشم هما بس راحو للجنه وربنا أخد امانته اللى نزلها ع الأرض من الأول واحنا كمان هيجي يوم ونموت وهتشوفيهم في الجنه وانا كمان هشوف أهلي وكلنا هنبقا في الجنه
= بجد يانجم؟
_ بجد ياصغنن
= يعني كدا أنا كمان هموت في حادثة زيهم وهروح عندهم
_ بعد الشر عنك أنشالله اللى يكرهك... أكيد بعد عمر طويل وهتشوفيني كمان
= بس انا ممكن أموت قبلك
_ وأنا بدعي ربنا إن يكون يومي قبل يومك لإني مش هستحمل بعدك عني أبدًا...
بصتلي بإستغراب وقالت= طب ليه متأكد إننا هندخل الجنه كدا مااحنا بنغلط واللى بيغلط بيروح النار مش صح؟
ابتسمتلها_ بس ياعشم ربنا قال انا عند حسن ظن عبدي بي وكمان الرسول صلى الله عليه وسلّم قال أسألو الله أعلى درجات الجنه يعني الفردوس الأعلى لذلك لازم نكون متأكدين إننا هندخل الجنه عشان دَ يحصل بس بردك مش معنى كدا إننا نغلط ونقول هندخل الجنه لأ غلط احنا مخلوقين للعباده لذلك لازم نجاهد ونعمل الصح ونحاول نبعد عن الغلط
بصتلي ببراءة= طب لو غلطنا؟
_ نتوب ياقمر ونطلب من الله المغفره حتى لو وصلت ذنوبنا عنان السماء وغلطنا كتير
= دليلك؟
أروبه عشم دِ... إبتسمت وقولت_ إن الله يحب التوابين يعني كل مانتوب ربنا بيغفرلنا كل ذنوبنا ومش بس كدا لا دَ بيبدلهنا بحسنات كمان وكل مانتوب ونسرع الرجوع ليه ربنا بيحبنا
= الله ربنا جميل أويي
_ وأنتِ كمان جميله ياصديقي الصغنن
جابتلى المشط= طب امسك مشطلي شعري يانجم
_ من عيوني
ابتسمت وقالت= أنا نفسي شعري يبقا طويل زي روبانزل
_ خلاص نهتم بيه ونخليه يكبر زي ماههتم بيكِ لحد ماتبقي أميره تفرّح وتملى العين
ابتسمت بطفوله وقالت= أنا بحبك أوي يانجم رغم إني مش فاهمه ولا كلمه منك بس شكرّا إنك في حياتي
_ وشكرًا كمان للقدر اللى جيه على شكل صدفه وجمعنا تحت سقف واحد رغم غُربتنا!
ضحكت وقلبي مال= مش قولتلك مش بفهم منك كلمه
خلصت وعملت شعرها كحكه شكلها يخطف القلب بالقصتين اللى على جنب دول وقولت_ لما تكبري هتفهمي ويلا ادخلي نامي عشان ورانا مدرسه بكره الصبح
= تصبح على خير يانجم
_ وأنتي من أهل الخير..... وقولت في سري وأهلي
أنا نجم عندي 15 سنه في أولى ثانوي ودِ بقا عشم عندها 9 سنين باباها ومامتها متوفين وأهلي كمان وللصدفه أهلى واهلها متوفين سوا في حادثة اتوبيس ع الطريق السريع ووقتها استلمت اجراءت الدفن وقلبي أعلن إستسلامه ليها
