أين الحقيقة 🎭🖤🎥
🍓🍒الحلقةة❤
❤8🍒🍓
عند زبير طلع من الحمام لاف منشف
ومستغرب كيف ريهام سكتت فجأة
وأنصدم
كانت راقدة زي الملاك
وشكلها كان حلو ومغري بمعنى الكلمة
زبير أبتسم وقرب منها : ريهام ريهام
ريهام بصوت ناعس : ياماما بنرقدد تعبانة
زبير ضحك : والله ماهاين عليا نشوفك هكي لكن نخاف نفكك تقتليني وأنا راقد
وصبا غير ملابسه وجا فكلها كراعيها وفمها وحط راسها ع المخدة ورقدها بس خاف أديرله شي 😂😂 لذلك ربط كراعها في السرير وربطلها يدها للأمان
وناض طفى الضي ورقد جنبها بس بعيد عليها
.
.
.
●*#رواياات بنت الذيب*●❤🔥🔥
في الليل
ناضت أينور عطشانة تبي مية
طلعت سمعت نور الدين يكلم
وأنصدمت
نور الدين : ديري بالك عليه كم يوم ونجي نروح بيكم
## : ياريت بسرعة والله مليناا ورايفنالك
نور الدين أبتسم : خلاص تأخر الوقت شن قتلك ع السهر
## : أمرك هنرقد
نور الدين : خلاص أميرتي الغالية تصبحي على خير
## : وأنت بألف خير ياتاج راسي
نور الدين أبتسم : سلام بنيتي السمحة وسكر
وألتفت لقى أينور مصبية وراه
نور الدين : شن نوضك
أينور دموعها في عيونها : اا ولا شي عطشت وكنت نبي مية
نور الدين : تمام
أينور جت تبي تخش للمطبخ بس ردت من جديد
نور الدين : في حاجة
أينور : أنت تحبها
نور الدين تنهد : تصبحي ع خير
أينور خبطت الطاولة : فهمنييي تحبهاا صح
نور الدين : أي هيا زوجتي أكيد بنحبهاا
أينور : معاك حق وأنا توا قاعدة مع راجل متزوج أعذرنيي وفتحت باب الشقة
نور الدين : أينور خشي وين طالعةة في هالليل
أينور : مدخلكش فيني أن شاء الله نموت
ونزلت
نور الدين غمض عيونه بعصبية وكسر التلفيزيون
وقعمز وهو يغلي بسبب تصرفات أينور الطفولية
.
.
.
عند أمير ناض من النوم مفجوع بعد ماتذكر موضوع مهم بخصوص الشركة
وطلع من غرفته يبي يحكي مع بوه عشان الموضوع
وجا بيخش لغرفة المكتب متاع بوه
وحس بحد ضربه من الورا وفقد الوعي
بعد ساعات فتح عيونه
وكان قاعد في داره
أمير بتعب : شن يلي صاار
رفع راسه وكان ملفوف بشاش
صبا طلع من الغرفة لقاهم كلهم راقدين
مشى لغرفة كاميرات المراقبة يلي مركبينهم
وقعد يتفرج لين وصل للقطة يلي كان ماشي لبوه
ولما وصل للغرفة أنقطع الفيديو
أنصدم أمير وحس في شي قاعد يصير
مشى يبي يقول لبوه لقاه راقد تنهد
وقرر يحكيله في الصبح
وخش لغرفته بس مقدرش يرقد بسبب ألم راسه وبسبب الضربة يلي خذاها من مجهول
.
.
.
عند أينور مقعمزة في دروج العمارة
متاع نور الدين وتبكي بسبب غيرتها الزايدة
كانت مش متقبلة فكرة نور الدين يهتم بغيرها ويحكي مع غيرهاا مع أنه هو ميحبهش وحبها له من طرف واحد فجأة حست بحد حط يده على كتفها
ألتفتت لقاته نور الدين
أينور لفت وجها عشان ميشوفش دموعها : ممكن تسيبنيي
نور الدين : لالا مش ممكن
أينور : أفففف بعد عنيي يارريتت
نور الدين : عمارتي تقريباً
أينور : صح عمارتك والمفروض نطلع من عمارتك وحيااتك كلهاا وصبت سيباته
نور الدين : تي مغير أصبري نحكو
أينور لفت : معندنش شي نحكو فيهه
نور الدين : عندنا
أينور : معندنش وخطانيي
نور الدين : توا وين بتمشي في هالليل
أينور : بنروح لهلي وبنقول لبابا أني موافقة نتزوج ولد صاحبه بااهي
نور الدين : يعني عشاان زعلانة مني تبي تتزوجي
أينور : أهاا عشان حتى نا نكلمه قدامك ونقولك راجلي
