أين الحقيقة 🎭🖤🎥
.
.
.
*الحلقهہ عشرهہ*🖤🔥
.
.
.
في الليل كان مصبي يتفرج من الروشن وماسك كاس يشرب ويفكر في الماضي وكل شي صار معاه
أينور : أنا الضحية الجاية صح
غمض عيونه وطاح الكاس أنكسر منه
أينور : تفضل الملف متاعك وشغلك تقدر تنفذه تواا
وقربت لعنده مسكت يده وحطت فيها موس
ورفعاته حطاته على رقبتها : هياا ديرها مش لازم أتعب روحك بالتمثيل الزايد
نور الدين : أينور
أينور أبتسمت : متنطقش أسمي أرجوك أنهي القصة وأقتلني
نور الدين :أنتي عن شنو تحكي فهميني بس
أينور : تفضل اقرا الملف مش هذينا معلومات الضحية الجااية
نور الدين خذا الملف فتحه وأنصدم الملف كان في ثلاث صور لأينور وكل المعلومات عليها وين تسكن ووين تقرا من صحباتها والناس يلي ديما تمشيلهم
كل شي بالتفصيل حتى علاقتها ب نور الدين
أينور : مشاء الله بابا مش مقصر دازلك معلوماتي كاملة
نور الدين غمض عيونه وخبط الساس بكل قوته
في الماضي
الزعيم : موفق أها نسيت الشخص يلي بتقتله قابلته من قبل
نور الدين : شن قصدك
الزعيم : خليتك تقابله في الماضي اول ماتشوف صوره
هتعرف سلام
من كم شهر
الزعيم : نور الدين هتمشي اليوم لكلية الهندسة
وهتقابل أهم ضحية لازم نتخلصو منها
ونور الدين فعلاً مشى
وقعمز تحت الشجرة ينتظر في أي علامة أتدله ع هذا الشخص بس مشافش حد لين جت
أينور : اا أهلاا
شافلها ومردش
أينور : كيف حاالك
شافلها وبرضو مردش
أينور : أناا أينور وأنت
شافلها ومردش
أينور : باااهيي أحكي معايا ع الأقل
أينور : أنت دبلل كئابةة على فكررةة
أينور : بااهيي شوفليي
أينور : أنا نحكي معااك
أينور : باهي أسمع نحنا نلعبن في لعبة تحدي او صراحة والتحدي نتاعي نخليك تضحك
نور الدين فهم ان كل شي كان من تخطيط ياسر
وفهم لما قاله هتقابل الضحية كان يقصد أينور
أينور نزلن دموعها : ومزالت قصة زبير
نور الدين بحت فيها بصدمة
أينور : عرفت كل شي
نور الدين : أينور
أينور : متقولش ولااشيي متحكييش ومتتبررش طوول الوقت هذاا كنت تخدع فيااااا كل يلي عشته معاك كذبة وحبك ليااا وكلامك وكل شيي حلم أنت مش انساان أنت مجرم حقيير قاااتل مأجوور
أنت قااتل مأجوور يشتغل مع أكبر مجرم في العالم
هه حبيبي يشتغل مع بوي ويبو يقتلونييي
أنا كنت عايشة في أوهاام بااهي وين الحقيقة
ويين الحقيقةة إذا كان كل شي عايشته كذبهه ويين الحقيقة
نور الدين حضنها بكل قوته
وأينور قعدت أدف فيه لكن فشلت وتعبت ومعش قدرت تتحرك
نور الدين : اهدي ونوعدك نفهمكك كل شيي
أينور ببكا : شن بتفهمنيي شنوووو
نور الدين : نفهمك نور الدين اللغز يلي مقدرتيش تفهميه
أينور غمضت عيونهاا : أبعد عني وبس أبععد عن طريقيييييي أنت وبوي وكلكم أبعدوو
نور الدين : لااا مش هنبعد لين نفهمكك القصةة كاملةة وبعدين أمشي ويين ماتبيي
أينور : احكيي قولوشن عندكك وريحنيي وبعدها معش نبي نحق خلقتك أبداً
نور الدين :
القصة كانت في الماضي من قبل عشر سنين
كنت شاب زي أي شاب عايش حياتي بالطول والعرض نحب الضحك والبصارة ونحب الحياة والألوان كنت عايش في حوش جدي أنا وخويا وأختي وولد أختي
بس مكنش من نفس الأم أنا أمي ماتت من وانا صغير وربتني مراة بوي وكانت أمي الثانية وأكثر
عشنا مرتاحين ومبسوطين وراجل أختي كان ميت لذلك ربيت ولدها كأنه ولدي بالضبط وسموه نور الدين على أسمي وكان خويا اللاخر عايش حياته بتفاهة
وصياعة ومش همه غير نفسه بس كان صاحبي والوحيد يلي نثق فيه كان توأمي وروحي الثانية كان مش خويا بس كان أكثر بواجد
