လူသားကောင်ကိုစောင့်ရှောက်ရမယ် // လူသားေကာင္ကိုေစာင့္ေရွာက္ရမယ္

Intro

  လွန်ခဲ့သောနှစ်ပေါင်းသုံးသောင်းခန့်က မိစ္ဆာနတ်ဆိုးဘုရင်ကြီးဟာကောင်းကင်မှနတ်မင်းကြီးရဲ့အချစ်ဆုံးသားတော်လေးကိုသူနဲ့လက်ရည်ချင်းယှဥ်ပြိုင်ရန်ကောင်းကင်သို့သွားကာတိုက်ရိုက်စိန်ခေါ်ခဲ့တယ်

မိစ္ဆာဘုရင်ဟာ လူမှုရေးခေါင်းပါးပြီးမောက်မာသွေးအေးလွန်းတဲ့ထိုနတ်ဘုရားအားကြည့်မရခဲ့ချေ

ထို့ကြောင့်အားလုံးရဲ့အရှေ့တွင်အနိုင်ယူပြပြီးအရှက်ခွဲပစ်ချင်တာကြောင့်ထိုသို့စိန်ခေါ်ခဲ့ခြင်းဖြစ်သည်။

ကောင်းကင်နတ်မင်းကြီးဟာသူ့ရဲ့အသည်းသက်ညှာချစ်လှစွာသောသားတော်လေးအားပျက်ရယ်ပြုကာလာရောက်စိန်ခေါ်တဲ့အတွက်အလွန်အင်မတန်ဒေါသထွက်သွားခဲ့သည်။

မိစ္ဆာနတ်ဆိုးဘုရင်ကြီးအားတိုက်ခိုက်ရန်ပင်သူကအသင့်ဖြစ်နေတော့သည်။

ဒါပေမယ့် စိန်ခေါ်မှုကိုလက်ခံလိုက်တဲ့သားတော်ကြောင့်ကောင်းကင်နတ်မင်းကြီးဟာလည်းအောင့်သက်သက်ဖြင့်ပင်လက်ခံလိုက်ရတော့သည်။

နတ်ဘုရားငယ်လေးရဲ့အစွမ်းအစအားမည်သူမှမမြင်ဖူးသေးတာကြောင့်မိစ္ဆာနတ်ဆိုးဘုရင်ကြီးအားအနိုင်မယူနိုင်မှာကိုစိုးရိမ်နေခဲ့ကြသည်။

သို့ပေမယ့်မထင်မှတ်ထားစွာပဲနတ်ဘုရားငယ်ဟာမိစ္ဆာနတ်ဆိုးဘုရင်ကြီးနှင့်လက်ရည်တူစွာတိုက်ခိုက်နိုင်ခဲ့ပြီး ထင်မထားလောက်သောတိုက်ပွဲတစ်ခုကိုပရိတ်သတ်အပေါင်းဟာကြည့်ရှူခဲ့ကြရလေသည်။

ပြိုင်ပွဲရဲ့အဆုံးသတ်မှာတော့မိစ္ဆာနတ်ဆိုးဘုရင်ကြီးဟာသေဆုံးခဲ့ရပြီး နတ်ဘုရားငယ်လေးမှာတော့အပြင်းအထန်ဒဏ်ရာရသွားခဲ့လေသည်။

ထို့နောက်တွင်တော့မိစ္ဆာနတ်ဆိုးဘုရင်ကြီးရဲ့သူမသေခင်ချန်ထားခဲ့သောဝိဉာဥ်ဟာနတ်ဘုရားငယ်လေးရဲ့ကိုယ်ထဲဝင်ရောက်နေခဲ့ပြီးမျိုးစုံဒုက္ခပေးလာခဲ့တော့သည်။

နတ်ဘုရားငယ်လေးဟာနတ်ဆိုးအကျင့်တွေကူးစက်ကုန်ပြီးအခြားသောနတ်ဘုရားတွေကိုပါတိုက်ခိုက်ရန်မူလာတော့လေသည်။