رواية: صغيرة على قدري
للكاتبة: دوريمي
نبي نشوف دعمكم هي.. تصويت قبل ماتقرو و٣ كومنتات بعد ماتقرو أرجوووكم.. عندي هدية صغيرونة لما تنتهي الحلقة نكتبهالكم لوطا 😁♥️.
تعرفو إني نحب تفاااعلكم مع الأحداااااث؟؟؟؟
_____________
الحلقة الواحدة والعشرون:
متكي علي سيارته قدام المستشفى ويدخن.. وكلام الدكتورة يتردد في ودانه.. ..
"الدكتورة:إي عادي تصير هلبا.. في النهاية هوا مش سحر واللي مكتوب حيصير.. هلبا ياخدو في المانع ومع هاذا يصير حمل.. ألف مبروك وعلي سلامتها
معتز:بعد شوي سكوت.. الله يبارك فيك"
فاق علي صوت تليفونه يرن.. كانت امه ومكالمة فائتة من ديمة.. داره صامت لين انتهت المكالمة واتصل بي احمد طول
يرن يرن وميردش.. بعد مكالمتين فاشلات باش يوصل لأحمد اتصلت وردة من جديد.. فتح الخط
وردة:بلهفة.. ولدي؟؟ متردش علاش؟ شن صار في البنية شن قال الدكتور؟؟
معتز:كويسة كويسة.. دارتلها تغذية وعطتها منوم.. التحاليل مطلعوش مازال بس قالت هبوط سكر ودم
وردة:يحلييلي.. تو يجيبني سند ولا بوك تو نجيكم
معتز:بحسم.. ماتجيييش يام.. لما تكمل امورها تو نروح بيها مش طنطانة هي.. خلاص متجييش
وردة:ياولدي ماهو..
معتز:قلنا متجييش يا امي خيركك؟؟
وردة:باهي باهي زي متبي.. هي بسلامة دير بالك سلم ولدي
معتز:ماشي تمام
وسكر الخط.. ..
حدف الدخان وعفس عليه.. خش للمستشفى وهوا في الممر تلاقى مع الممرضة طالعة من غرفتي..
معتز:اشرلها.. لو سمحتِ!! فاقت؟
الممرضة:لالا.. طليت عليها مازال المنوم واخد مفعوله.. حيطول هوا لأنه قوي شوية
معتز:هز راسه.. نقدر نخش؟؟
الممرضة:اي تفضل والف لاباس عليها.. ومشت علي حالها
معتز:خش وسكر الباب خدي كرسي وقعمز سارح.. شن درت في روحك يامعتز؟؟؟ وشن بدير تواا؟؟.. شن بديرر وانتا لما قربت توصل للي تبيه طحت في موضوع اكبر من راسك؟؟ كيف بنطلعها من حياتي وهيا حامل مني الهم؟؟؟.. مسح وجهه.. اني يوم مش قادر نتحمله بدونها ونفكر نطلعها من حياتي!! الله يلعن الحب وطريقه شن لوحني فيه اني بسسسس شن لوحني عليه.. هي شد يابوالعز وحلها كان ليها حل !!!!!
استنى ساعة كاملة وجت الساعة١١.. لا اني فقت ولا احمد رد عليه.. طلع للممرضة
معتز:بنطلع شوية.. هيا امتى تفيق به؟؟
الممرضة:لا مش توا مستحيل.. مع ال٢ ممكن ومرات للصبح!!
معتز:فنص عيونه.. شن للصبح؟؟؟
الممرضة:استغربت لقطته.. هبوط حاد وراسها مفتوح المخلوقة ومع هادا جسمها ضعيف.. والضربة قوية نحمدو ربي ماوصلتش لدرجة العيبوبة
معتز:تمام تمام
طلع معتز بعد ما وصى الممرضات عليا.. وهوا في طريقه لأحمد اتصل بيه.. فتح الخط
معتز:انتا وينك ازف؟؟ شوف كم مكالمة
احمد:تليفوني كان في السيارة واني عالكورنيش.. صاير شي؟؟ خيرك؟
معتز:انتا يلي صاير معاك شي؟؟
احمد:موضوع تافه.. ضحك.. حرجان عالكورنيش تعالا كان بدرس جنبي شوركم طاحنينها
معتز:يولع في دخان.. بالله خليها ساكتة.. حاس روحي مخنوق بكل.. يارا كل شي خططتله فسد
احمد:بشوي بشوي فهمني؟؟
معتز:تو نجيك خليك مكانك
وصل لقي احمد يدخن ومتكي علي السور.. اتكى جنبه
معتز:شن موضوعك؟؟
احمد:ياصحيبي قتلك تافه فوتني توا خلينا فيك انتا
معتز:بهزوة.. جنى حامل تصدق؟؟
احمد:بعد فترة سكوت وصدمة تنفس وتكلم.. هذا يلي كان مقلقني.. شن بدير توا؟
معتز:يدخن.. منعرفش.. مش عارف يااحمد.. حاس روحي طحت كل شي كنت مجهزله خرب.. انتا قولي شن ندير؟؟
احمد:لوح الدخان من فمه.. هوا حل واحد يريح بالك وضميرك وباقي الحلول كلها عُقد
معتز:باهي شنو؟؟
احمد:ببساطة هكي قول الحق.. خليك صريح بكل حاجة.. قوللها كل شي من الاخير هكي.. وخليها تخت.. ..
معتز:قاطعه بعياط.. متخلف انتاااا؟؟؟؟؟ شن حق ماحق تبيها تكرهنيي؟؟؟؟ خير جدك معايا انتا؟؟ قتلك عطيني حل مش تزيد تخششها بعضها
احمد:ياحمااار.. البنات يحبو الصراحة.. يحبو الدغري مش اللف والدوران.. جيبهالها من نهايتها.. طبطب علي كتف معتز.. حتلين معاك خودها مني وصدقني حتكبر في عينها وحتتأكد انك تحبها صح مش بس دوة وهكي تكون وفرت علي روحك هلبا مشاكل
معتز:خدي نفس.. شوف ياحمد.. الموضوع اهوا تسكرهولي بكل.. لأني عارفها ومتأكد حتختار بوها وهلها وتمشي.. واني منبيش يصير هكي.. اساساً منبيهاش تعلم بشي بيني وبين محمود منبيش تتشوه صورتي قدامها خصوصاً وهي في بالها ان علاقتي بي بوها تحسنت
احمد:دفه من كتوفه.. انتا غبييي؟؟؟؟ تبي تغفلها مازال ومازال؟؟؟ تي لوح العفن عنك.. تووووب وبرا صارح البنت يلي تحبها بكل عيوبك وهيا مليون في المليون لو تحبك حتكمل معاك ولو..
معتز:فنص عيونه وعروقه طالعات.. ولو رفضتت؟؟؟؟ اه شن ندير وقتها اني؟؟
احمد:يشوفله لعيونه.. تحاول مرة تانية وتالتة وعاشرة ومليييووونن مرة لين ترجعلك.. مش هادا كلامك انتا؟؟ من يومك هكي كلامك ومتصعبش عليك صعيبة.. ولا خلاص بححح طار الحمام؟؟؟ .. ويحرك في يديه
معتز:اني مش حنقوللها شي.. من هني لين نحذف محمود في الحبس حنشوف كيف حنتصرف
احمد:خبطه علي دراعه.. عارف روحك علاش متقدرش تصارحها؟؟ لانك جبااااااااانن
معتز:دفه لين وخر واعصابه تلفت.. لا مش جبااانن.. ندير هكي لاني نحببههاااا.. حط يده علي قلبه.. لان يلي علي يساري اهوااا ميقدرش يعيش الا بيهاااا
احمد:قام يده يأشرله.. مادام تحبها هكي ياحماار.. خليك راجل معاها ولو مرة وحدة بس وقوللها الحق.. لأنها لو عرفت من حد تاني حتصبح في مشكلة اكبر من راسك
معتز:ولع دخان.. خليك ساكت انتا بس.. معاش نبي نصايحك
احمد:اوكي توا نسكت لكن لينا تقعميزة تانية بعدين ولا غدوا ولا حتى بعد غدوا.. مش ناسيك ره
معتز:قول.. شن صاير؟؟
احمد:تعاركت مع العيلة علي قصة تزوج ماتزوج.. وطلعت برا الحوش😒 قتلك موضوع تافه.. امي تبي بنت عمتي واني رافض
معتز:عندك وحدة انتا؟😒
احمد:قتلك مش وقته توا لين نهدرزو برواق
