الرواية/صغيره على قدري🧸💔
للكاتبة/Doremy
_____________________
-
💙قـراءه مـمـتـعـه💙
-
الحلقة الخامسة عشر:
اني:بس تعرف عجبتني كيف صريح هكي ومتلفش وادور
معتز:مش صريح نعطي فلوجه عشان انتي ولا شي وولا حد فحياتي عباره عن زوجه علورق فقط
اني:ابتسمت باستفزاز .. انت واحد كداب
معتز:نفخ الدخان في وجهي .. اي صح كداب
اني:شقلبت عيوني .. ومادامك معترف علاش متقولش الحقيقه وتريح روحك
معتز:جبد دخان .. حقيقة شنو؟
اني:انت ادرى🤷🏻♀️
معتز:ههههههههه مليحه كيف اديري فالجو اهوا وتستفسري وتسألي ههههههه عجبتيني
اني:شن قصدك؟
معتز:متشغليش بالك يا حلوه اني كداب فكل شي اوكي لاكن فمشاعري🙄 منعرفش نكدب😂
وكمل يدخن ومش عاطي اي اهميه لوجودي
اني:ساكته ونتفرج عليه اوكي مننكرش ان بديت نميل ليه شويا لاكن.. كيف وحده زيني تعرضت للخذلان من اقرب ناس ليها امها وبوها كيف تقدر توثق في الناس بسرعه؟ منقدرش حتى لو مش غير نميل ليه حتى لو نموت فيه مستحيل نوافق نكمل معاه بلا ما نوثق فيه ! لاكن الثقه تجي مع الوقت ممكن!
افففف توا خلاص رفضت ومشت الامور لاكن! لاكن هوا مش حيرضى بهكي اكيد حيرجع ويفتح معايا الموضوع؟ ولو مرجعش! حيضيع منك يا جنى
ياربيي كلهم يقولولي هادا قدرك ومتعارضيش حكمة ربك وحتندمي ووو باهي تمام هوا شاب حليوه وقنين لاالاالا تي طرف بكلااوه يهبلل🤤 لاكن حقير هلبا ويكره بابا! مدخلنيش فيهم يطربقو باهي هوا صايع ومتاع نتايات! عادي نربيه اني
لاكن مرات يطلع كداب ووهمي ياخد يلي يبيه ويحدفني! اي صح اكيد هكي! اي اي هكي نيته واااضحه تي حتى ميحبنيش! صح مقالش يحبني وموعدنييش بشي! اي صح مفروض يكون يحبك يا هبله! لاكن هوا مقالش انه يحبني معناها نيته خرا زي وجهه تفو عليه الحيوان يبي يلعب بيااا
معتز:يدخن وسارح
اني:من عز تفكيري .. تفوو عليك يا حيوااان
معتز:مخلوع .. اعوذ بالله من الشيطان الرجيم
اني:مفنصه عيوني بصدمه
معتز:يأشر بيده ع راسه .. مجنونه؟ جايبك من قرقارش اني؟
اني:نفخت .. منقصدش عليك انت
معتز:مفيش حد هنايا غيري الا انتي
اني:اني مقلتش تفو عليك يا معتز اني قلت تفو عليك يا حيوان اعتقد صح؟
معتز:حدف السبسي .. بلااا جو مفرخخ ترا
اني:فنصت عيوني .. قلت منقصدكشش انتااا
معتز:شقلب عيونه .. يعني؟
اني:احني في مزرعه وهلبا حيوانات معانا واني دفلت علي واحد منهم بس🤷🏻♀️
معتز:لااا حاله نفسيه انتي ره .. وخش وهوا يتمتم .. تدفل ع الحيوانات شن الحاله هادي
اني:سمعتكك راااهه
معتز:زراته ضحكه .. خشي خشي بالله تو يضربك الصقع وتزيد الحاله النفسيه
اني:خشيت ونقلد عليه .. نننننننننن تزيد الحاله النفسيه
معتز:يضحك .. بطلي حركات مفرخ الابتدائي شني نننن هادي؟
اني:شبحتله هك😑 وخشيت للدار
معتز:هز راسه .. مجنونه
دقايق وطلعت من الدار
معتز:ستاحشتيني
اني:هاهاها ضحكتني
معتز:مبرد وجهك لاكن سمحه
اني:مخديتش رايك
معتز:حط رجل ع رجل .. نقولك حاجه توجع شويا لاكن ميا ميا
اني:لا
معتز:لالا بنقول
اني:مدخلنيش فيك
معتز:تعرفي قريب بكيت لما بوي قال خطبتلك بنت محمود وربي كانت حاجه كابووس
اني:به ضحكت
معتز:تي كنت نتخايل فيك محمود بلا لحيه وتخايلي انتي هي محمود الراسي ومعنده لحيه تقول قرد بكستاني😂
اني:شاده ضحكتي .. احترم نفسك هادا بووي
معتز:نكدب يعني؟ هادا الحق
اني:باهي تحشم
معتز:وزياده حاولت نحرق لفرنسا كم مره باش الجوازه هادي متمشيش لاكن هالعيسى شايب النحس طايح فكل حاجه وعيونه ميغمضوش
اني:طلعت مني ضحكه مقدرتش نشدها
معتز:اي تضحكي لما نعلق على عيسى لاكن محمود لالا تحشم
اني:نتمالك في ضحكتي .. لا مش هكي طبعاً الزوز عيب تقول عليهم هكي يعني رجاله كبار
معتز:شني سبيتهم اني؟ وبعدين عادي هما ميندروش😂
اني:تعرف كان يندري عليك عمو عيسى شن حيصير؟
معتز:حيطردني من الشركه واني فمي مسكر ويجيني بعد كم يوم يزمزك يبيني نتمله صفقه من صفقاته الخايبات
اني:ماشاءالله متعود😂
معتز:مصلحجي للوح بوي اهوا والله
اني:بطل تقول علي بوك هكي وين الاحترام
معتز:خطرها ع الاحترام بوك عنده السرطان؟
اني:وقفت مصدومه .. شنووو؟؟
معتز:تي قعمزي واهفتي نسأل فيك اني
اني:يا غباارتي من قالهولك الكلام اهواا؟
معتز:سألتك اني سؤاال بس مقلتلكش قالولي
اني:وو وعلاش تسأل انت شايف شي شاك في شي؟
معتز:الصبر يارب صكريفمك خليني نعرف ندوي
اني:تنهدت .. ادوي ادوي قوول
معتز:ماهو امبكري عزمني علي طاسة عصير وهدرزته رايحه قنينه مش مسمومه فا قلت مرات يودع
اني:خديت وساده من الصالون وحدفتها عليه .. خزي عليك
معتز:😂😂 قريب جاتك جلطه
اني:حدفت عليه وحده تانيه .. علاش ادير هكي قريب متت وانت تتسهوك يا تافه
معتز:تي ياسر خربتي الصالون😂
اني:وقفت .. وين الكوجينه الهم
معتز:هوينها قدام عيونك غير انتي متكنطيه حبه
اني:حركاتك بايخاات معاش تعاودهم .. ومشيت للكوجينه
معتز:خش للكوجينه
اني:نشرب ف اميه
معتز:اتكا ع الباب .. تعرفي تركبي الخيل؟
اني:حطيت الطاسه .. مدخلكشش وحول من قدام وجهي
معتز:وقف قدام الباب .. ندوي جديات والله
اني:منعرفش وعمري مشفتهم
معتز:الله!
اني:وحق ربي
معتز:ربع يديه وحول من قدام الباب .. الحقيني مالا .. ومشي للدار
اني:نلحق فيه .. علاش؟
معتز:فتح الدولاب والتفتلي يشوف فيا ومركز
اني:ارتبكت .. هييييهه خيرك؟
معتز:ملابسك مناسبات مش لازم تبدليهم بري اطلعي وتو نجيك
اني:بانفعال .. لالااالاا شني بري اطلعي هادي؟ والراجل يلي برا؟ لالاا لاااا مستحيل رجلي ع رجلك
معتز:مجنونه انتي؟ تي شايب اكبر من بوك بري زي الفالحه واستنيني غادي اصلا اكيد راقد
اني:أ ب د اً رجلي علي رجلك
معتز:طلع من الدولاب دبش ولوحه ع السرير .. بتطلعي ولا كيف انتي؟
اني:نشوف للدبش .. لالا منيش طالعه وبعدين شن الدبش اهوا؟ و .. شبحت فيه
معتز:مش لابس تيشرت خدي التوب من السرير ولبسه .. عادي اقعدي .. خدي البنطلون من السرير
اني:ءه ءءءء اني بنطلع .. وطلعت وجهي رايح الوان
معتز:بصوت عالي .. ياا مؤدبه😂
اني:واقفه قدام الدار خبطت راسي بيدي .. انشالله نمووووتت
معتز:طلع .. انتي قاعده هنايا؟
اني:ءه ءء هيا الخيل؟
معتز:شاد ضحكته .. هي
وصلنا للإسطبل
معتز:فتح البوابه .. خشي!
اني:اي اكيد😍
معتز:يلعب بشعر حصان لونه اكحل كله على بعضه .. هادا زورو حصاني
اني:الفرحه فعيوني .. ن نمس شعره عادي؟
معتز:خدي يدي وحطها ع شعر الحصان كان ناعم هلبا وغزير
اني:ضحكت وقمت راسي فيه .. محلاااه يا معتز
معتز:قرص خدي بشويا .. محلاك لما تضحكي
اني:زدت نضحك .. نبي نركب عليه
معتز:يفتح ف الباب متاع الحصان .. اوكي
اني:بعدت شويا
معتز:فتحه وخش وكان الحصان هادي هلبا .. جنى!
اني:قربت شويا .. نعم اني هنايا
معتز:جاني وفي يده سرج .. عندي ليك مهمه
اني:فرحت .. جديات؟ مهمة شني؟
معتز:مدلي السرج .. هاكا اطلعي بيه تو نجيب زورو ونلحقك
اني:صفقت بيديا وخديته منه وضحكتي مسيطره عليا .. حااضر ومهمتي الجايه حتكون اصعب صح؟
معتز:حط يديه ف جيوبه ويضحك .. اي صح
اني:طلعت بيه البرا رغم انه كان رزين شويا لاكن فكرة ان بنركب ع حصان منسيتني ومخليتني نحس اني حاجه كبيره هلبا
حطيته ع الارض وطلعت فوني من جيبي وبعتت للجين مسج "نحبك هلبا وبطلي تبكي يا خوافه" ، كنت عارفتها تبكي عخاطر ترقد بروحها فالدار البنت هادي احلا شي صار في حياتي كلها .
معتز:شاد الحصان من لجامه وفي يده تفاحه يوكل فيه
اني:جيته نجري .. هات هات نبي نوكله اني
معتز:يضحك .. ياكل يدك مدخلنيش فيك
اني:وخرت يدي وبعدين ضحكت .. عادي عادي ابرتين وننساها
معتز:عطاني التفاحه .. ابرتين وتنسيها؟ شدي شدي
اني:خديتها منه وحاولت نوكله ميبيش ياخد مني
معتز:ربع يديه .. للأسف ميحبكش
اني:ابتسمت .. حيحبني وغصبن عنه
معتز:اوكي نشوفو
اني:نمدله ف يدي ونوكل فيه كأنه بيبي .. يا زورو هاكا كوول هيا افتح فمك يا زورو .. بعدت شويا ورجعتله .. زورو حبيبي خود نتشه وحده بس علي خاطري هي مما هي افتح فمك همم هممم
معتز:يشبح فيا بشماته .. شن تحسابيه مفرخة اختك .. ويقلد عليا .. هي همم هم يا زورو يا حبيبي
اني:كشخت وجهي فيه وضربت رجلي فلوطا .. يا دراااهه تسمسم انشالله سم
وهادا كله وزورو مبرد ع الاخر ويشفشف ف شعره مره مره
معتز:يضحك ومتشمت
اني:تنرفزت .. بطل تسهويك ميضحكش
معتز:زيدي زمزكيله خليه يحقرك زياده
اني: انشالله عمرك ما تسمسمت .. وحدفت التفاحه ع الحصان بكل غل ونطيت مخلوعه نجري من ردة فعله
وناض هبل هداكا الحصان ويرفس وحالته تخوف ومعتز يسب ويشتم ويهدي فيه ويقوله في كلام بالانجليزي لين همد في مكانه
اني:نراقب فيهم من بعيد وجسمي بدي يرعش لا ارادياً لما شفت معتز جاي جيهتي ومنظره ميبشرش بخير
معتز:حدف السرج ع طول يده ويعارك .. طبيعيه انتي؟
اني:خايفه نرعش ودايره روحي عاديه .. اي طبيعيه
معتز:ازز$$*#"/€ عاجبك شن درتي توااا؟ اهو نزعتي دين امم ال$$&€*#
اني:بب تت تحشم شن الكلام اهواا
معتز:ضرب السرج برجله .. خليتيه يحرن معاش يبي يتزعزع من مكانه
اني:زمطت ريقي .. يعني مات؟
معتز:وواااااكك ازز$$#€
اني:غمضت عيوني .. بلا كلام شوارع ترا
معتز:بتصكريفمك ولا نحدفك تحت رجليه يجيبك مفترشه لـمليون
اني:اوكي اوكي سكتت .. وحطيت يدي ع فمي
معتز:ضرب السرج برجله مره تانيه ومشي
اني:ضربت راسي .. خربتي علي روحك بروحك وتستااهلي يا حماره
خديت نفس وشفت يمين يسار ملقيتش معتز .. هادا وين طار؟ .. قدمت شويا لقيته مقعمز ع كرسي وقدامه طاوله خشبيه ويدخن
اني:خلي نمشي نعتذر بالك يركبني ع الحصان لاخر ! مشيتله وخديت كرسي وقعمزت بهدوء
معتز:يدخن ومش معدل
اني:معتز!
معتز:نفخ دخان .. مش رايقلك وبنبدا نخرط في الدوه معاك فا نوضي خيرلك
اني:حطيت يديا ع خدودي ومرافقي ع الطاوله ونتفرج عليه
معتز:نفخ الدخان بقوه ويعلي في صوته .. انتلفي ال$$## متخلينيش نخرط معاااك
اني:قاعده علي نفس حركتي مديت يدي وسحبت طرف الدخان من فمه بسرعه
معتز:يا#*€££¥$$ .. خبط الطاوله بيده قريب كسرها وحبدني من دراعي من فوق مرفقي
اني:ااه معتز توجع فياا
معتز:تعرفي يا فرخه ممكن نقتلك علي الحركه هادي
اني:اااه .. وضغطت ع يده بقوه .. وجعتنيي
معتز:جبدني ليه وهوا ضاغط عليا ووجهه في وجهي .. تعاوديهاا؟
اني:من بين سنوني .. ايي نعاودها ومش خايفه منك
معتز:بصوت واطي ويخوف .. تبي نقتلك انتيي؟
اني:ساكته ونشوف لعيونه
معتز:سارح فعيوني ويده بدت ترتخي من عليا
اني:لما بدي يرخي فيده سحبت يدي وطبست عيوني ويدي علي دراعي من فوق المرفق ونحرك فيها
معتز:بصوت واطي .. اززف
قرب مني .. هاتي نشوفها
اني:شديته من رقبة التوب .. غصبن عنك بتشوفها ولو لقيتها دايره علامه حتمسحها ودبر كيف ملياش دخل اني
معتز:باسني ع خدي عالسريع
اني:دفيته .. تمسني مره تانيه نقتلك فااهم؟
معتز:شقلب عيونه .. ع اساس مش عاجباتك
اني:ضربته ع كتفه .. اي اي مش عاجبتني ومش ميته عليك
معتز:ايزي سيورك تموتي .. وخدي يدي
اني:مغرور
معتز:يقيملي في كم الجاكيت .. تي قعمزي وريحيني
اني:قعمزت ع الكرسي ومادتله يدي
معتز:مقعمز ركبه ونص وقاملي كم الجبوطي لعند المرفق وميبيش يرقا اكتر من هكي .. اسلحي الجبوطي خير
اني:جبدت يدي وحاولت نقيم كم الجبوطي مقدرتش فا سلحته حطيته جنبي ومديتله يدي
معتز:قاملي كم الجمبر لعند الكتف .. مفيش اثر هه
اني:به حول .. وجيت بنوض
معتز:قعمزني غصب .. استني قاعد نشوف فيها اني
اني:سكتت ونتفرج عليه
معتز:يمس ف المكان بشويا .. هكي توجع؟
اني:لالا
معتز:واهني؟
اني:لا
معتز:باهي واهني؟
اني:ضحكت .. تؤ تؤ
معتز:مالا علاش دايره الجو اهوا كله اهو مفيكش شي
اني:قصتي طايحه علي وجهي .. باش معاش تمد يدك مره تانيه
معتز:مبتسم وغمازاته واضحاات وقاملي قصتي باطراف صوابعه .. مديتها يدي هاه
اني:هزيت راسي كأن نبي نستاقض .. باهي خليني نركب ع الحصان التاني
معتز:قرن حواجبه .. اي باش ترزيني فيه حتى هو ولا؟
اني:ااففففف يعني خلاص؟
معتز:وقف وعطاني بالظهر .. استني هنايا نشوفه ونجيك
اني:ضحكت .. يس يسس
شويا وجي معتز بالحصان التاني
خدي السرج واللجام وركبهمله
اني:قربت منهم
معتز:ركب عليه ومدلي يده .. تعالي
اني:مسكت ف يده وهوا زاد قامني وقعمزني قدامه
معتز:ماسك اللجام بيد واليد التانيه لفها ع خصري
اني:تلخبطت هلبا من لقطته وريحته دخان وبارفان تحشمت نقول اي كلمه قعدت ساكته ومتشنجه بس
معتز:كان طويل عليا هلبا طبسلي ويدوي .. هكي تمام؟ ولا تقعمزي ورايا وتشدي روحك كويس؟
اني:التفتتله ووجهه قريب مني .. مشعارفه مرات نطيح .. وعضيت فمي
معتز:ساكت وعيونه علي فمي
الحصان تحرك فجأه لصقت فيه وهوا مطبس عليا باسني جنب فمي بهدوء وبعدين قعد يضحك
معتز:شفتي كيف جابك ليا الحصان
اني:سكتت ومصدومه من روحي مدرتش اي رد فعل
معتز:رجع لف يده علي خصري وقربني ليه لين خشيت فصدره
اني:ساكته وهاديه هلبا عقلي مستك مشقادره نتحرك بكل
معتز:يمشي بالحصان شوي شوي كأنه حاسني متلبكه
طبس علي وذني وانفاسه سخونه .. ارخي روحك مش ضروري تتشنجي بتضي....
اني:رديت بسرعه قبل ميكمل كلامه باش يبعد عليا خلاص .. لل لالا عادي مش متشنجه
معتز:اوكي .. باس كتفي الي كمه طايح وزاد من سرعة الحصان
اني:فلبدايه ساكته ومتشنجه وبعدين عجبني الجو وبديت نضحك وانطلقت خصوصاً كان المكان واسع هلبا وفيه عوارض ينط منهم الحصان حلو الشعور ❤️
بعد فتره طويله شوي ..
اني:اففف علااش باهي
معتز:ماشي بالحصان جيهة الاسطبل .. خلاص نعست عيوني بدو يغمضو بروحهم
اني:ووااككك
قدام باب الاسطبل
معتز:نزل ومدلي يديه الزوز .. تعالي
اني:مديتله يديا ولف يده ع خصري ونزلت
معتز:رجع الحصان لمكانه وصكر الاسطبل وطلع
اني:واقفه نراجي فيه .. خلاص؟
معتز:اي امشي
خشينا للحوش
اني:ييييي نسيت جبوطيا برا
معتز:يحك فعيونه .. تو نجيبهولك اسكتي
اني:لالا اصلا احني طالعين طالعين تو ناخده واني ماشيه
معتز:ماشيه؟ وين؟
اني:قصدك مش حنروحو؟
معتز:خش لدار النوم وسلح التوب
اني:لحقته .. نسأل فييك؟
معتز:خدي البنطلون متاعه .. تؤتؤ قاعدين
وجبدني ليه بسرعه .. توا بجديات تبي تروحي؟
اني:سكتت شويا وبعدين تكلمت .. معتز!
معتز:قاملي راسي .. عيونه
اني:وخرت .. غير ملابسك بعدين نحكو
معتز:قام حاجبه .. تمام بري للصاله
اني:طلعت طول بلا ولا كلمه
معتز:تنهد .. ناويه بتعبني معاها هادي
لبس وطلع للصاله قعمز جنبي
معتز:شن تبي تحكي؟
اني:بنسألك سؤال جاوبني بصراحه ارجوك؟
معتز:اسألي هي ماه واضحه ليله حمرا من البدايه
اني:نهى!
معتز:اززفت بدينا عاد تي غير من قالهولك الكلام اهوا؟
اني:محد قالي شيي
معتز:مش ضروري تعرفي شي اصلا فتره قصيره وتمشي فحالك .. وخش للدار
اني:مصدومه وندوي فداخلي
توا علاش نصدمت هكي! ماهو كلامه صح مدخلنيش فيهم
مسحت وجهي بيديا وفتحت شعري لأن راسي برم .. مشعارفه علاش لازم نعرف شن كان بيناتهم مستحيل نهى تطلع تكدب اكييد كان معاها ف علاقه ودااس
باهي علاش بيدسها! وهو فاضح كلشي ع الشارع ولا يتحشم لا يخاف جت فهادي بس بيدسها؟ اففففف شن هادا ياربي
خشيت للدار لقيت ضيها طافي ومعتز ع السرير راقد
بمجرد مفتحت الضي حط مرفقه علي عيونه
معتز:طفيه الزقاق هاادااا
اني:بصوت واطي .. قلة ادب
وقعمزت علي حاشية السرير .. نوووض
معتز:قعمز يحك فعيونه .. الليله الحرفه هادي معاش بتم ولا كيف
اني:باهي اسمع بنقولك
معتز:رجع حط راسه ع المخده .. شن هالترتره في عقاب الليل
اني:ماترقدشش نووض
معتز:حدف البطانيه وقعمز .. خير....
مكملش كلامه الا وراحو عيونه يلمعوو
اني:خيرك؟
معتز:يده ع لحيته .. شن هالجمال في عقاب الليل
اني:حطيت يديا علي وجهي .. خليني ندوي شن هادا
معتز:اتكا ع السرير .. ادوي ادوي خليك طول الليل تدوي واني نتفرج عليك هكي باهي
اني:نبي نبدل دبشي منقدرش نرقد بجينز
معتز:ربع يديه .. منين نطلعلك دبش اني توا هي
اني:معناها نوض روح بياا علاش من البدايه مقلتليش ان بنقعدوو
معتز:حط راسه ع المخده .. خلاص اسكتي وخودي اي شي من الدولاب مشي بيه
اني:شنييي؟ نقولك منبيش الجينز تقولي خودي من دولابي؟ خيرك انته؟
معتز:انتي غير شوفي بس تو تلقي اي شي بنتمرقد اني متكلمينيش .. ورقد
اني:لاكن...اففففف باارد
فتحت دولابه وقعدت نفتش لين طلعت توب اكحل فيه طربوش خشيت للتواليت لبسته جاني فوق الركبه
فتشت سروال ملقيتش وكلهم طوال وكبار نخش فيهم كلي مع بعضي
استسلمت للأمر الواقع وحطيت دبشي ع الكرسي وقعدت متردده نرقد بحداه عادي ولا لا! شفت الساعه لقيتها4 طلعت جبت الجبوطي متاعي وخشيت
اني:واقفه قدام السرير .. مصح وجهه راقد عريان قلة الادب
معتز:راقد وعاطيني بالضهر
اني:قليل ادب .. رقدت ف الجيها التانيه وعاطياته بالضهر
.
.
يوم جديد
اني:فتحت عيوني ببطئ ونخلعت
كنا راقدين قبالت بعضنا وراسي لاصق فرقبته اول مفتحت عيوني نخلعت من الوشم بعدت شويا وقعدت مركزه فيه كان ع شكل نار مشتعله ومغطي رقبته من جيهة اليمين كلها
قمت راسي شويا وجهه قدام وجهي وخشمي ع خشمه
غمضت عيوني بقوه وفتحتهم
اول مره نركز فيه هكي شعره وخصله طايحه علي جبهته رموشه الكثيفات لحيته فمه والسلسله الفضيه فرقبته ونازله علي صدره عضلاته والوشم رسمته من رقبته لكتفه وصدره حسيت بشعور غريب ممكن عشان اول مره نكون قريبه من راجل هكي ومكانش فيه بيناتنا مسافة بكل
قمتله خصلته مع باقي الشعر ونمشي فيدي على لحيته بهدوء نزلت باطراف صوابعي على رقبته ونتلمس ف الوشم والسلسله وهوا كان هاادي وراقد فسابع نومه تمنيت للحظه ان نقعد نشوف فيه هكي طول العمر ع قد ما منظره جذااب
ترررن ترررن
اني:بعدت عنه بسرعه ورجعت عطيته بضهري ودرت روحي راقده
ترررن تررررن
معتز:يحك ف عيونه ويدوي .. تي هااا وين بلاه اهوا
قعمز وجبد تليفونه
اني:دايره روحي راقده
معتز:يتاوب .. ايواا بوي
ع عيسى:متقوليش وين واخد وجهك انت؟
معتز:توا متصل باش تسألني هالسؤال
ع عيسى:علا صوته .. مرتزع مع المفرخه الضالين ولا؟
معتز:نفخ .. فحوش المزرعه اني فحوش المزرعه
ع عيسى:بلاش منه الكدب
معتز:مش مصدق اتصل ببشير تو يفلقلك الشكاره كلها
ع عيسى:وشن ادير غادي
معتز:تحقيق هو تحقييق؟ منيش فرخ صغير اني ومحدش دخله فيااا واطلعو من راسي ترا
ع عيسى:تدوي مع بوك راه وبعدين علاش ماشي غادي؟ ومرتك وين؟
معتز:معايا وجايين هك وخلاص وبطل الجو اهوا عارفني منحبش حد يدخل فخصوصياتي
ع عيسى:سكت شويا .. باهي مليح وامتا بتجي للشركه؟
معتز:ناض من السرير .. مشعارف تو بعدين نمر عليها
ع عيسى:تمام وموضوع المبنى؟
معتز:واقف قدام المرايه ويساوي فشعره .. تميت الامور مع الراجل والايامات الجايه بنتقابلو
ع عيسى:مليح بكل. مالا هي بسلامه تبي شي؟
معتز:لا منور طيرتها النومه سلاام
حط الهاتف ع الشكماجه ورجع للسرير
معتز:حاط يديه ورا راسه ومتكي .. جنى جنى!
اني:مغمضه عيوني وساكته
معتز:ابتسم بالخفيف ويقول فداخله اول مره انوض بنت طول عمرهم ينوضو فيا هما😂 .. نوضي يا جنى
معتز:قام البطانيه .. تي نوضي شن هادا
اني:مدايره روحي راقده
معتز:جبد المخده من تحت راسي .. قتلك نوضيي
اني:ااااهه
ووقفت متعفلقه .. شنتحس انته شن الحركات البارده هاادي؟
معتز:قاعد ع حركته ويشوفلي من فوق للوطه .. ااححححح يريتني توب🤤
اني:وجهي انحمر جبدت البطانيه وحدفتها عليه .. قلة الادب
معتز:يضحك .. وسيقانك العريانات هادو مش قلة ادب😂
اني:متتحشمش انت وربي هي .. خديت دبشي بقوه من ع الكرسي وخشيت للتواليت
معتز:اتكا ع السرير بكل راحه .. عادي المهم منقعدش نايض بروحي
