❤حلقة165: 💔R★L💔
💔#عـاقر💔
كملو عماد و حنان يتناقرو حتى قاطعت كلامهم زيكة
زكية :اسكتو وجعتولي راسي ..انت تقعد وجد سيارتك خلين نروحو و اطلب خوك شوفو قريب يجيو احسن مراك ماسكلها جنبها تقول انت ليـّۓ حامل
عماد: ميما
حنان: قوليلو يا ميما و•اللّـہ̣̥ ميخلينيش نتحرك
زكية :قوم قوم بقدرت ربي بنيتي ميصيرلها شي نحنا بكري كنا فشهرنا نمشيو و نخدمو حتى تكون ولادتنا ساهلة مش وقت تو محسوب جاجة خايفة على بيضتها
عماد: ههه معليش يا ميما لاكن مش غالط نخاف علـّۓ. مريتي و ولدي لي جاي في الطريق راني مستنيه بالثانية
زكية :ربي يسلك وحلها و يجيبو لهاذ الدنيا بخير و علـّۓ. خير
رن تلفون عماد لقاه ادم قالو انهم قريب يوصلو
عماد: يلا يلا قريب يوصلو خلينا نمشيو و نوصلو معاهم في الوقت
حنان :دعاء مبدلتلهاش
زكية :امشي تو نبدللها انا كي نوصلو
خرجو و ركبو سيارتهم و كملو طريق الصالة مع ادم و احلام حتى وصل عماد نزلهم و بقاو يستناو فعرسانا دخلوهم لصالة و رحبو بيهم و كل واحد شايخ فجو موسيقى و شطيح
اما زكية ماسكة حنان و تدور بيها م̷ـــِْن وحدة لوحدة تفوخ بكنتها و غير لي تقولها وين لقيتوها يعرفو لالة زكية صعيب تتقبل كنة و تحبها كيما تحب حنان
حنان: ههه تعبتيني يا ميما حاسة روحي راح نولد
زكية :مليحة ليك هكذا تجيك ولادتك ساهلة كان تبعي راي راجلك ليـّۓ زعما طبيب متولديش غير لما يحلولك كرشك
حنان :ههه ميما يسموها قيصرية
زكية :هذيك هي انا منعرفش كيفاش تسموها انا نقولها يحلولك كرشك
حنان: تعرفي ميما احسن حاجة اني جيت لهاذ لبلاد وين تعرفت عليكم و صرت وحدة منككم و ربي كرمني براجل كيف عماد نساني همومي و خلاني نعيش من جديد
زكية :نحنا لي كرمنا ربي بكنة كيفك مخدمتش باش تفرقنا و حابة غير تلمنا
عماد قاطعهم: يلا معايا بابا يحوس عليكم نعملو صورة مع العرسان قبل ميروحو
مسك يد حنان يعاون فيها و زكية تمشي قدامهم و تصًلّيےّ علـّۓ. النبي
وصلو تصورو مع عراسانا و خلاوهم روحو كانو مستعجلين هههه و زكية قعدت بجنب محمود و عبلة و تحكيلهم علـّۓ. فلانة وش قالت و فلانة وش عملت
جـــــــــــاامـــ + تـــــعــــلــيــــــــق فــــيـه تــوقـعـــــــــــاتـگــــم
أنت تقرأ
كرونيك: 💔عاقر💔
Romance#منقولة #باللهجةالجزائرية #عـــاقــر بقلمي: R★L ♥واقفة مقابلة القاضي تستنى في حكمو عليها و علـّۓ. حياتها ،منزله راسها و دموعها محبوسين بين شفارها مستنيين تسريح حتى يسيلو و يسيل معاهم قهرها و ضلمها القاضي: متأكدين م̷ـــِْن قرار ا...
