كرونيك: 💔عاقر💔

03

❤حلقة03: 💔R★L💔
💔#عـاقر💔

تحل بابا الغرفة كلها ظلمة و نحنا في النص النهار ...تنهدت و دوحت براسها و بدات اسطوانتها متاع كل يوم
عبلة: قدك قد لبهيم و مزالك كيف لبزوز الصغار ليـّۓ ميعرفو شي ...شيعتك طبيب و قاري و فاهم و انت مسيب الخدمة و نهار كامل ملوحلي في الفرش كيف المرأة النافسة ...فيق يا هامل فيق
حك عيونو معصب و تقعد نفس الاسطوانة كل يوم يسمعها منها تحسو انو ولد صغير عمرو 10 سنين
عماد :الناس تصبح قبل تقول صبااح الخير ...رقدت مليح تُعباُنٌ مرتاح موش م̷ـــِْن الصباح نبداو بهاذ لكلام النرزي
عبلة: وراسك ابابا كي تتعدل نصبح عليك كيف الناس ...و كان علـّۓ. تُعباُنٌ و لٱ مرتاح ...هذا يبقى بيدك كان جيت مهتم لتعبك و تحب نصبحو بلا كلام مرزي متباتش تتهومل و تروح في الفجر لاتكون حاسبني بنية صغيرة مهليها في الدار و متحسش بيك ااه راني امك و تعرفني متغمضلي عين غير وانت في الدار و منتهنا غير لما نشوفك راقد
عماد: معنتها علاش معصبة عليا الرقاد لهاذ الوقت تعرفيني ماخذ عطلة باش نرتاح يا امي مش باش نزيد نتعب اكثر
قربت بعكازتها منو و قعدت بجنبو
عبلة :شوف ياولدي انا لٱ راني متقلقة م̷ـــِْن رقادك ولا شي ارقد قد متحب المهم راحتك ...لاكن طبايعك متاع التهوميل و السهرة للفجر مش عاجبتني ،لوقتاش راح تبقى هامل و ماكش مخمم في حياتك جيب وحدة تقوم بيك و تفرحك و تجيبلك ولاد يحملو اسمك
عماد: لواش هاذ الكلام يا أمي و تعرفي انو معادش عيني نعرس زهري و جربتو مرتين و معينيش نوجع راسي مرة ثالثة
عبلة: يا ابني ه̷̷َـَْـُذآ مكتوب ربي و مش كل مرة نجبدو نفس السيرة ...انا نحب نشوف ولادك قبل مربي ياخذ امانتو
عماد: امي خذيت برايك و قلت نعرس المرة الاولى و طلعت ماخذ وحدة مسخة موش عاملتلي عبرة و خلات الناس تحكي عليا، و الثانية بنت اختك المصونة ليـّۓ ماخذتني لفلوسي و بعد مخذات واش تحب طلقتني ....تحبيني نزيد نجيب بلية لروحي ياخي
عبلة: ربي يهديك يا ولدي ربي يهديك ...صباع ايدك موش كيف بعضهم
عماد: الهدرة معاك يا امي معندهتش فايدة ...و هاني نوضت بلاها نومت الهم هاذي و بلا عطلة بلا هم
وقف دخل لدوش و خبط لباب و خلا عبلة تدوح فراسها و تحكي مع روحها
عبلة: ربي يهديك يا ولد كرشي و يهدي بالك و تلقى بنت الحلال ليـّۓ تريحك م̷ـــِْن هموم قلبك

موش غير المرأة ليـّۓ تتوجع و تدخل في علاقات فاشلة كاين رجال دخلو علقات فشلت و يبقاو حاطين فشلهم حاجز قدام مستقبلهم