ادرينالين

11

شكثر غنييتلك حبّني .
#ادرنيالين
#بقلمي رحمه أم وطن
رحيل
كعدت من النوم تنهدت وباوعت للساعه بايدي جانت بال-١١:٣٠ مساء توه بده الليل وأني نعسانه من هسه ااااه شراح يخلص الليل ياربي دخيلك صح اني اني انام بالنهار بس مع ذلك نعسانه كل الليل بس تجي العطله راح أنام يومين كاملات وما اكعد حتى أشبع نوم طبعاً إحنا نعطل الجمعه والسبت وأرتاح من السهر طول عمري اكره الدوام كبل أكره الدراسه وهسه أكره الدوام والله حيره شوفولي حل شلون أكعد بالبيت يعني. فتت على الغرفه الثانيه بيها طفله صغيره عمرها خمس سنوات بعدها بهل العمر وتعيش الألم والمعانات والله تكسر الخاطر خطيه الله يشفيها يارب عدها سرطان بالدم صارلها سنه تقريباً وينطوها جرعات كيماويّ بس ماكو تحسن للان بس يبقى اكوا أمل انشاء الله أنه تتحسن وتكوم على حيلها وتعبش حياتها وطفولتها انشاالله
جانت نايمه هماتين لأن أنطوها جرعه قبل ساعه وأكيد تعبت ونامت حبيبتي نايمه مثل الملاك ما تستاهل كل هل البهذله والمعانات بستهه من راسها الاملس ألي ما جان بي شعر لأن فقدت شعرها بسبب العلاج
دعيتلها الله يشافيها غطيتها زين وطلعت من الغرفه و
بعد مرور نص ساعه كملت فحص المرضى بالغرفه الثالثة والرابعه وجان وضعهم كلش زين والحمدلله
وأخيراً ضلت غرفه وحده دائما تبقى بالأخير
الغرفه الخامسه وما أدراك ما الغرفه الخامسه هههه
الغرفه الخامسه هاي الغرفه ألي أتمنى ما أفاركها أبد من أطلع منها أحس روحي تطلع وبنفس الوقت أتمنى لو أني ما دخلتها حتى ما أتألم بهطريقه  غرفه اول  مره دخلتها سرقت مني شيء ماتوقعت بيوم أخسره وأسلمه بأيد أحد مره ثانيه وأعيش خيبت أمل أخرى شفت بيها نظره شخص كدر يدخل لاعماقي بنضره وحده نظره گدرة تعرف كلشي بداخلي  تقرأني كأني كتاب مفتوح كأني زجاج شفاف تشوف كل شيء من خلاله
ولمسة شخص كدرت تحرگ أشياء بداخلي وتعيشني أحساس جنت أضن أني حسيته من قبل بس جنت غلطانه ألي عشته قبل ما جان حب الحب عشته وياه وعرفته منه وبس أله راح يبقه
وكفت كدام الباب وأخذت نفس عميق وزفرته
أيدي وگلبي يرجفن بفس اللحظه وكلش متوتره وخايفه ومتحمسه بنفس الوقت أريد ادخل وبنفس الوقت ماريد أدخل آه يا ربي شنو هل الأحساس الغبي ألي دا أعيشه مشتاقتله وأريد أشوفه بس هم أدخل وأشوفه وهو بهل المنظر اوففف ياربي ساعدني شلون بيه مسحت على شعري الأسود القصير وتنهدت بقهر خلص لتصيرين جبانه كولي يا الله وفوتي أنتي قويه أمل  تشجعت وطرقت الباب بهدوء عكس العاصفه ألي بداخلي أعرف بيه يبقى صاحي لهذا الوقت ينتظرني كل يوم ما ينام أله يشوفني
أجاني صوته بس ضعيب وتعبان.: "تفضل"
خليت أبتسامه عريضه على وجهي وفتت ما أريده    يشوفني ضايجة علمود ميضوج هو همين
دخلت جوه وسديت الباب وگلت بحماس مزيف
"مساء الخير كنان، شلونك اليوم"جان متمدد عالسرير
وجهه أصفر وتعبان كلش      
قابلني بابتسامه سرقت قلبي للمره المليون وگال:
"مساء النور. هسه ياله صرت زين" مساء نور. هسة صرت زين

ليش مانيم.

شلون انام واني ماشفت هل وجه الكمر
خجلت. من كلامه وحكيت  ركبتي بتوتر
شنو هل كلام. لازم اتنام اتأخر  الوقت
ابتسم. صار راح انام بعد ماشفت وجهج
توترت  عدلت سيروم  وكتله
تصبح على خير
كال.
شنو رأيج  تقريلي قصة حتي انام
كتله
ابتسمت بسخريه                              
ورفعت حاجبي
ليش انته طفل
ابتسم  تنهد وكال   بس أريد اغفي على صوتج خاف اموت
باوعت بعيونه بحزن
ورديت
تمام
فهذا واجبي إتجاهه

يتبع
..