ادرينالين

9البارت

شتريد اتگول
واليهواك مامر على جفنه النوم

عزيز عسكر. .............................

مصطفى
رجعت البيت ميت تعب السنتين المرن جنت ساكن المستشفيات من الألم بس الحمد لله هل سنه خف الألم وعندي يقين انو ربي يشافيني وارجع لحيلي وأكمل دراستي واشيل الحمل عن اهلي وهسنه وقبل سنه طلع راتب ابوي تقاعدي وخفف الحمل عن يأسر اتاخر الراتب لهواي أسباب رجعت لغرفتي وتمددت ونمت مثل نومت أهل الكهف ماصحيت لا ثاني يوم الجمعة وراح يجون أصدقائي لي تعودت كل جمعة همة هنا كعدت ونزلت بحذر سلمت ومددت على غنفه اشوف امي وعسل مخبوصات بل تنظيف والأكل

امي:صباح الخير وليدي

مصطفي:صباح نور

عسل:صباح الخير وهذا أحلى ريوك

ابتسمت ورديت:صباح العسل

امي:يلا ماما عسولة كملي شغلج يلا نلحك

تريكت وردت اساعدهن ماقبلن بقيت أحجي ويا  عمار  بتلفون وكال العصر يجي هو باقي الزملاء
كمت فوك سبحت حتي اصير نشط لأن العلاج مسوي عندي نحول وعدلت لحيي لي هاملها وكعدت انتظرهم

...........................................
المشفي الخميس

رحيل
كاعد اتفقد غرف مرضي سرطان لي خطف هواي أرواح بس بنفس الوقت أكو ناس كدرت تقاوم ويتشافون من المرض ويوكفون على حيلهم ويعيشون حياتهم مثل قبل وكدروا يزرعون الامل والتفاؤل لباقي المرضى واحنا كأطباء وممرضين كلش فخورين بيهم وباصرارعم وعزيمتهم بمحاربت هذا المرض الخبيث وكدرو ينتصرون عليه. من أشوف واحد من المرضى يطيب من المرض كلش أفرح من أشوفه يخرج من المستشفى وهو واكف على حيله وراجع أقوى من قبل كلش أفرخ لأن المرضى هنا احسهم مثل عائلتي الثانيه أحنا كاطباء و كممرضين دائما متواجدين وياهم بحزنهم بألمهم بفرحهم نكعد نسولف وياهم نزرع بيهم الأمل نساعدهم كممرضين بقسم الأمراض السرطانيه مو بس ننطيهم العلاج وخلص لا احنا نكعد وياهم ننطيهم القوه والامل حتى يحاربون وما يستسلمون بسهوله لازم نوكف وياهم نزرع الأمل بداخلم ومنحسسهم ان هم ضعيفين او عاجزين لا أحنا ننطيهم القوه والدعم حتى يتحملون الألم لان هذا واجبنه تجاهم وهذا حقهم تذكرت مصطفي اتمني يجي يتعالج هنا
بأجر جمعة نروح كلنا نزوره وهاب أصبحت عاده عدنا نخفف عنه وبنفس الوقت نحسسه مو وحيد كملت جولتي ورجعت للغرفة أكمل باقي الأوراق وتحاليل المرضي لكيت ريناد وكارو

رحيل:ها بنات شلونكم

ريناد:تمام ولج تعتب

كارو:تمام  تعبنا ولج

رحيل:يلا مابقه شيء ساعة ونطلع

كملنا كلشي وطلعنا سويه بسياره ريناد
قررنا نتعشي ونرجع رحنا الأقرب مطعم اكلنا ورجعنا ميتين تعب كلب سبحت ونمت كعدت بل عشره بدلت ونزلت سلمت على اهلى وبلغتهم وهمه عدهم علم بهل شىء صارت عشره ونص اجته ريناد سلمت وطلعنا مرينا على كارو وباقي البنات اكو بيهن اعتذرن مايرحن وكلش عادي حقهن اتصلت على عمار كال بطريق مرينا على سوبر ماركت اشترينا أشياء بسيطه واتوجهنه للكاضميه
وقلبي يتشوق للقاء فعيون اشتاقت إلى معشوقي وقلب ينبض بالحياة