*ايه مالك قاعد سرحان في ايه
كنت بفكر في حاجه كده
*قول قول كنت بتفكر في ايه
تعرف الواحد فينا محتاج يستخدم النيه افضل استخدام
*ازاي ده مش فاهم
يعني مثلا يا سيدي انت وانت بتاكل مثلا بيبقي في بالك او نيتك ايه
*مش عارف الصراحه بس باكل وخلاص
ايواا شفت انا قصدي ايه
*طب وانا ممكن انوي ايه وانا باكل
ممكن مثلا تنوي انك هتاكل علشان هتتقوي علشان العباده او انك تعمل بقول الله في كتابه (كُلُوا مِنْ طَيِّبَاتِ مَا رَزَقْنَاكُمْ) وهكذا فكده تكسب حسنات حتي وانت بتاكل
مثلا وانت بتنام تنوي انك هتنام علشان تقدر تصحي تصلي الفجر فتاخد حسنات حتي وانت نايم
تعرف حتي لو مثلا روحت تلعب كوره تنوي انك هتلعب علشان تنشط جسمك علشان تتقوي للعباده
مثلا هتقعد تلعب علي الكمبيوتر شويه فتنوي انك هتلعب علشان ترفه عن نفسك علشان تعرف تُقبِل علي العباده
(خد بالك انا بقول ترفيه عن النفس شويه مش طول اليوم او انه اللعب يشغلك عن الطاعه او حتي انه يكون هدفك او يكون شاغل بالك )
الفكره انك في كل حاجه تعملها تدخل فيها الطاعه او تربطها بالطاعه بحيث تجمع اكبر قدر من الحسنات حتي وانت مش بتعمل طاعه
ودايما وانت بتعمل اي حاجه شوف نيتك وانت بتعملها بحيث يمكن تاخد حسنات بنيتك
ربنا رحيم وكريم اوي فوق تخيل اي حد وديننا سهل وبسيط فوق الوصف
*يا اخي انت القعده معاك ساعات بتبقي حلوه برده
ومتنساش تشوف المواضيع يلي فاتت وتستني المواضيع الجايه 😇😇😇
وشير في الخير لانه الدال علي الخير كفاعله 😍
هدانا وهداكم الله أجمعين❤❤
ورزقني الله ورزقكم الجنه ياارب ♥
احبكم في الله ♥♥
أنت تقرأ
مذكرات تائب 📓
Randomلا تتردد في العوده إلى الله مهما لوثتك الخطايا والذنوب فالذي سترك وأنت تحت سقف المعصية لن يفضحك وأنت تحت جناح التوبة ______ من رحمة اللّٰه أن جعل التوبة سهلة فيُتاب بأخف مضغة وهي اللسان مما فعلته كل الجوارح، وكلما كان القلب مع اللسان أشد حضورًا كان...
