صرخه من الأعماق
بقلمي سجى الركابي
وعدتني أن لاتلامس خداي الدموع أين وعدك ياسندي
...............
متحس بمراره الحياه إله تفقد شخص عزيز عليك مغطيك بحبه وبحنيته مغطيك بالأمان
جنت دائما ماخذه الدنيا بضحكه وبنكته وممهتمه لأي شي واضحك ع اي شي حتلو ميضحك اضحك
بس هسه لا الفقدته شي غالي ومستحيل يتعوض ميتعوض
شايف احد فقد العموي الفقري واتعوض بيه شايف احد اتعوض هل تعويض اني متعوضت بيه ولا راح اتعوض
لارين :علي شبيها ام لارين حبيبي احجي
علي :ابو لارين اتوفه
ابو لارين اتوفه هايه الكلمه جانت كفيله حت تخليني افقد كل احساسي واروح العالم مابيه بس والدي وحنيته وأمانه
سمعت هل كلمتين وكعت فاقده الوعي بعد دقايق حسيت بماي يرش ع وجهي صحيت واني فاتحه عيوني بدون لاارمش وتتردد ع مسامعي كلمتين هي ابو لارين اتوفه
بقيت مصدومه بدون اي رده فعل بس اشوف نور وبقيه البنات بيهم يبجون وبيهم مقهورين وبيهم يواسون بيه صيري قويه هذا يومه
اتقرب عليه الأستاذ وحجا
بابا لارين هذا قضاء الله وقدره لااعتراض ع حكمه هسه امج ابحاجتج كومي واسيها ابوج ابحاجتج يريدج دائما قويه لضعفين هو معافج لا هو راح يبقا مساندج ميعوفج
صرخت ولأول مره اضرخ بصوت احس بلاعيمي تشرحت
واااااني واااااني منو يواااسيني منو الي منو يسندني
لك يأبه شون تعوفني مو كلت اني سندج وينك ياسندج هسه كسرتني يااارب يكون الخبر جذب اموت ورا أبويه ماكدر اعيش ياابه فدوه لتعوفني
بقيت اصرخ وابجي وشكد حاولو يهدوني مكدرو اخذني الأستاذ بسيارته البيتنه اني ونور
وصلت للبيت واني اتعثر ابملابسي واشوف الناس متجمعه والبيت مليان نسوان الجوارين والأقارب
دخلت واني ادفع بيهم اريد اجذب الخبر اريد اشوف امي هي الوحيده الي راح دكول جذب ابوج عايش هياته نايم مثل مخليتيه
بس لا هيهات الخبر جذب واني اشوف امي ثنين نسوان لازماتها وهي بحاله يرثى لها والله العدو يبجي ع حالتها
كعدت مقابيلها واني احاجيها
يووم صدك ابوي مات وعافنا يوم صدك لو يجذبون فدووه حاجيني شفت امي مبيها اي استجابه لطمت ع وجهي واني اصرخ واملخ ابوجهي واني منهاره
ركضت ع الغرفه بلك الكا ابوي نايم وهمه مسوين بيه مقلب
باوعت ع السرير فارغ وكعت اباب الغرفه بقيت ادك والطم ملخت نفسي تملخ بس شيفيد
ركضت فتحت الكنتور طلعت ملابس أبويه واني ابجي واحضن بيهن وكعت بنص الكنتور مغمى عليه
فتحت اعيوني واني بحضن امي واختي كاعده يمي تبجي وحالها مو احسن من حالي
واني ع هايه الحاله صارت ضجه عاليه واسمع النسوان ايكولن جابو الجنازه ركضنا اني وامي واختي واستقبلنا جثه أبويه بنحيب وصريخ بس عمره مراح يفيد صريخنا للأسف
كشفت وجه ابوي اخخخخ اهموم الدنيا وكسرتها اتجمعت بهل لحضه واني اشوف أبويه جثه هامده وروحه صاعده الربه كعدت اعاتبه واحاجيه شون عافني ابوحدي بدون سند
ابوو لاري يأبه اكعد والله محتاجتك والله مشبعت منك بعدني محتاجه الحنانك والأمانك بعدني محتاجه الحضنك الدافي بعدني محتاجه ارتمي ع صدرك بعدني محتاجه سند ليش كسرتني ليش يأبه مو كلت اريدج اطلعين معدل عالي وافرح بيج مو كتلي نحتفل سوا بنجاحج يااابه كووم فدووه
اجو محمد وياس اوياهم اربع زلم شالو واني صارت روحي بيه ظليت افرفح اكولهم لياخذو بقو بس اليوم يمي بعدني مشبعت منه
بوقتها صارت عندي قوه ماعرف منين اجتني مادري من قوه الصدمه أو الكسره لزمت محمد من دشداشته ودفعته
عووفه لتاخذو هو وعدني يبقا وياي هو ميخلف بوعده
شفت ابن عمي اسمه رضا ركضت عليه ظليت اضرب بيه
هاا ارتاحيتو مووتو لك الله ليوفقكم وعساكم لشفتو السعاده والفرح طول عمركم حقراء مات من مصايبكم يوميه هاجمين عليه هسه ارتاحو مات عساكم لتهنيتو بحياتكم بجاه كسرتنا وحركه كلبنه
هو مصدر اي رده فعل بس حاول يلزمني بس مكدر
أجا ياس سحبني منه
شنو انتي اتخبلتي اهدئي لارين اهدئي الله يخليج
هذا قضاء وقدر كولي انا الله وانا اليه راجعون لتجزعين
وخر انت معليك هذا ابوي الميت محد ايحس بيه محد يحس ابوجعي
ياس كدر يلهيني والبقيه طلعو الجنازه
اني شفت التابوت ماكو لو تخبلت ملخت نفسي تملخ
جيبوو ابوي جيبوو لجج يووم اخذو ابوي
صاح ياس على أخته ريم وزوجه اخو لزموني ع مود لا اطلع وراهم للشارع
اباوع امي واكعه بيد النسوان اختي ماخذه زاويه وتصرخ وملخه نفسها اتملخ وتضرب بكصتها بيدها المجبسه فاتحه التجبيس وحالتها لاتوصف وهمين لازماتها ثنين نسوان حيل اماذيه نفسها
بعد ما عرفت السيارات اتحركت اتقربت ع اختي حضنتها وبجينه سوا على كسرتنا وعلى ملاذنا
نصبو الجوادر وبدت النسوان وإلزلم تحضر بالأكل ناس على الأكل ناس توزع ماي وجاي والسالفه جدا طبيعيه
جانن بنات عمي ابو رضا كاعدات الغرب يعطفن علينا وع حالنا وهنه لا يحسسنا احنا اعدائهن
ومكابلات الاكل وياكلن حالهن حال البقيه ولا جنا إلميت عمهن
احنا علاقتنا مو زينه أبيت عمي ابو رضا دائما عرك
وابويه انسان فقير وهمه لا عكسه ناس ماليها الحقد والجشع
ماجنت اعرف ليش هل كره بيناتنا ليش همه ميحبونا
ودائما يجون الابوي للبيت يحجون عليه جنت اسئل امي وابوي بس ميجاوبوني يكولون سوالف كبار بين اخ واخو
وكل نار وبيها دخان مشاكل عاديه لتهتمين بنيتي
حت بناته ميحبونه ولاجنا نحتك بيهن عازلات نفسهن عنا ايحسسنا هنه مستعرات منه
كلش مغرورات وانانيات كونهم بيت عمي أفضل منه بالحالة الماديه وميدرون الرزق إلي يملكو يروح بلمح البصر
اشكد حاولن النسوان ويانه حت ناكل بس مكدرنا
كاعدين اني وسرى يم امي كل وحده من جهه حاضنيها خاف نخسرها مثل مخسرنا ابوي
باليل وكالو اجو الدفانه
غركت اعيوني بالدموع ولو هي اعيوني اشوكت جفت
شهكت بعبره كسرت روحي
يعني عافو ابوي جوا التراب واجو خاف يختنك شون بيه
خاف يخاف خاف حاس بالوحده
كمت واني اتعثر حاجيت ريم بنت خالي كتلها صيحي خالي
اريد احاجي
أجا خالي اولده تلكيته واني اشهك
خالي صدك عفتو ابوي ابوحده شون خاف يخاف
موصاكم عليه من دفنتو شكالت روحه مكللكم رجعوني ااَلبناتي بعدهن بحاجتي اخخخخ لك يااابه عمت عيني عليك متلوكلك النومه ابو لارين ياشمعه بيتنا وضحكته
خالي احتضني وهو يبجي ويصبر عليه
يأبه لارين استهدي ابرحمانج هذا يومه يبعد خالج كسرتي كلبي اني اعرفج قويه امج بحاجتج محتاجه للي ايصبرها
لتزيديها عليها
خالي مو أبويه عفته مثل الورد ليش مات وعافني شنو سبب موته ياريت ميته ابمكانه
بويه صارت عنده جلطه الله يرحمه برحمته الواسعه
عمت عيني عليك يأبه ياريت بيه الجلطه ولا بيك شون انعيش بدونك
عزوني اولاد خالي وخالي خلاني جوا جناحه ودخلني جوا
يريد يعزي امي
بعد بكاء ونحيب بيناتنا ع فراغ الغالي
ماحس بس وحده طلعت من المطبخ اتعيط وتسب.
...... يتبع
أنت تقرأ
صرخه من الأعماق
General Fictionعندما ذهبا ذهبت كل أحلامي كانا أشبه ببيتا مليئاً بكل مانريد كانا كل شيء صدمني وداعهما المفاجئ ومغادرتهما كانت دون موعد لم نتفق على هذا ياوالدي أردت أن تحضرا حفل تخرجي وزفافي كل هذا لم يحصل وتركتنوني في منتصف الطريق اتعلمون عندما تركتونا أصبحنا كبي...
