صرخه من الأعماق
بقلمي سجى الركابي
''محزن أن يكون البيت بلا اعمده وحيطان هالكه ''
.......................................................
سرى شبيج عمري منو وياج شكلج الدكتور احجي
بقت بس تناشق وتحجي بكلمات متقطعه
ي ي. كووو.. لل
لارين يك. ووو.. ل
عفتها ورجعت على ياس سئلته شبيها وشكللها الدكتور
لأن إذا ابقا عليها سنه ياللا تكمل الكلمه واني نشف دمي مو مال انتظرها
ياس شكللها الدكتور ليش هيج تبجي
-يكول ايدها حيل متاذيه وضاغطه عليها العظم مكسور زياده ومحتك بالاعصاب وماذيها فلازم متحركه
لا تخسر ايدها
كال راح اجبرها الها مره ثانيه ومن ايطيب الكسر انشوف
الأعصاب إذا متحسنه أو لا
وإذا متحسنت راح انسويلها عمليه للعصب وهذا احتمال قليل وان شاء الله اطيب ويه الكسر
وهي متخبله عبالها راح يكص ايدها
-رجعت ع سرى ومسحت ادموعها وفهمتها على الكاله الدكتور
رجعنا للبيت بعد مجبرنا ايدها وهي بس تبجي وتناشغ
نزلت سرى أتريد تحجي لأمي
سرى على الرغم هي مو زغيره صف رابع اعدادي بس دائما اتروح تشكي لأمي عن اليوجعها شكد مجان بسيط
نزلت وراها بعد متشكرت من ياس
هي دخلت واني بعدني امشي لاكاني رضا وهو يرفع حاجب وينزل الثاني
كلت بكلبي خير مصيبه جديده لو شنو هذا شبيه
- بعده ممات ابوج وضليتي تفرفرين اي وين آخذج ابن خالج
بس أكلج صدك اني اعرف الي يموت ابوها تتغير
اشو انتي بالعكس صايره تضوين وحليانه
ويعض باشفته
اني، شفته هيج سوا لو تخبلت هذا شكاعد يحجي الحيوان
هستوني ردت احجي احس عيوني صرت ماشوف بيها من كد العصبيه
ماحس بس صرخه دوت المكان من وراي عزه يمه احس دمي نشف وضليت ارجف من صوته
-حيوان شنو هذا الكلام انت ماعندك غيره ماعندك ناموس وضربه بوكس ع وجهه
صدك ارتاحيت من ضربه ياس بس بنفس الوقت حيل خفت لاتجي مصيبه من ورا هل حيوان
بقو واحد يضرب الثاني بس للامانه ياس سوه وجهه خريطة
ياس طالب كليه عسكريه وقوي مو مثل رضا ابوكسي اتفلش وجهه
. - شنطتك وهيج ادافعلها حيوان ماعليك بيها اني ابن عمها وشريد اسوي اسوي
كلش انقهرت وادموعي صارت توكع لا إرادي
ابن عمي هيج يكول عني جا الغريب اشون
طبعا هذا كلامه الحقير كدام النسوان
ولحسن الحظ النسوان قليلات بس اقاربنا اشكم وحده
يعني زوجه خالي وخالتي ساره وعماتي وبناتهن لا والمصيبه جايه ملاك هاي اشجابها مادري
- امشي ولي عار لو بيك خير متغلط هيج على بنت عمك وهي عرضك بس عار ماعليك عتب
أجا خالي ومحمد وعمي الشفيه فاككوهم
أنت تقرأ
صرخه من الأعماق
General Fictionعندما ذهبا ذهبت كل أحلامي كانا أشبه ببيتا مليئاً بكل مانريد كانا كل شيء صدمني وداعهما المفاجئ ومغادرتهما كانت دون موعد لم نتفق على هذا ياوالدي أردت أن تحضرا حفل تخرجي وزفافي كل هذا لم يحصل وتركتنوني في منتصف الطريق اتعلمون عندما تركتونا أصبحنا كبي...
