صرخه من الأعماق
بقلمي سجى الركابي
الأمر يصبح أكثر إيلاماً عندما تنغرز السهام بنفس المكان المؤلم
............................................................................
باوعتله بعيون مدمعه كتله
لارين :كتله هذا رقم صديقتي نور والله العظيم هذا رقم نور بس ماعرف هايه الرساله شنو لأن جنت نايمه
وداعه امي هايه نور
حجيت آخر كلمتين واجتني ضربه ع وجهي والايد الثانيه لزم بيها شعري بحيث دخل أصابعه بفروه راسي ويجر بيه بقوه
ياس :احجي الصدك لا اموتج وداعه امج التحلفين بيها
إذا كلامج هذا يعبر على امج المسكينه فمايعبر عليه
لاربن :بس فك شعري ياس والله ماجاي اكذب عليك وروح أبويه ماكذب عليك
عاف شعري واتصل بنفس الرقم
وطلع مغلق حاول وياه مره ثانيه نفس الشي مغلق اهنا هو تأكد اني جاي اكذب عليه تصرفه وكل معاني وجهه اتأكد هذا الشي
ضربني على شفتي وحسيت بحراره الدم بدأ ينزل
واستمر يضرب بيه حد ماتعب تركني وكعد مقابيلي وهو يلهث
رفع عينه عليه كال
ياس :ابد ماتوقعتج هيج ك..... ه وصلفه وعار والله انتي عار علينا انتي اوسخ انسانه عرفتها بحياتي
والله لو ما العالم تاكل وجهنه وامج وتوسلاتها جان كتلتج وطميت عارج ياقذره
كام ودفرني برجله
كلامه حيل اذاني أكثر من الضرب الضربه الي
مرات كلمه وحده طالعه من شخص عزيز عليك تكسرك
صح ياس مو قريب عليه بس كلامه واتهامه إلي مينسي
بس ماعتب عليه حقه
اعتب على صديقه عمري الي وكفت وياها بحزنها قبل فرحها
ودمعتي توكع قبل دمعتها ولا فد يوم استعانت بيه ومالكتني وياها دائما اوكف وياها واسندها
هذا جزاء الثقه والوضوح الزايد وطيبه الكلب البلا حدود
ماكول بس حسبي الله ونعم الوكيل على الجان السبب
مراح ادعي عليها لان ممتاكده هي الي دازه الرساله
جنت اخلق الأعذار الها واطلع الف عذر النفسي
بطبيعتي مااظلم اي احد إله هو يحجيلي واحكم واصدك بعدين
وهذا الشي اني اشوفه كلش حلو بيه
من بعد ماطلع ياس اشويه ونفتح الباب
ودخلت امي
اتراجعت للخلف مو خوف لا تضربني لا لا ابد جنت خايفه من الكلام الراح دكوله ومن موقفها اتجاهي
ليش هيج لارين ولج يااما ربيت ويا ما تعبت وسهرت
هيج تجازينا بكسره وجه شكول للعالم شكول للناس بنتي تلعب من وراي بنتي صارت مو بنيه ليش هيج
لارين :يمه والله العظيم مو ذنبي وروح ابوي مو ذنبي جيبي القرآن احلف عليه وين متردين اخذيني احلفلج مو ذنبي
أنت تقرأ
صرخه من الأعماق
General Fictionعندما ذهبا ذهبت كل أحلامي كانا أشبه ببيتا مليئاً بكل مانريد كانا كل شيء صدمني وداعهما المفاجئ ومغادرتهما كانت دون موعد لم نتفق على هذا ياوالدي أردت أن تحضرا حفل تخرجي وزفافي كل هذا لم يحصل وتركتنوني في منتصف الطريق اتعلمون عندما تركتونا أصبحنا كبي...
