قواعد الجنس العشرة

الفصل الاول 💄قبلات جريئة لا منحرفة 💄

💥 قواعد الجنس العشرة 💥
بقلم: Basma Mokhtari & Nohaila atzli
الفصل الاول 💄قبلات جريئة لا منحرفة 💄
بارت 6

جا الطبيب لعندهم و دخل على أحمد الي ناعس فوق سريره فالبيت ديالو بعدما نقلوه ليه و ياسمين ممفارقاش معاه هازة ايدو كدوز عليها بشوية و عينيها كلهم خوف و قلق عليه، كشف عليه الطبيب و قاس ليه الضغط و دقات القلب و هو باقي مغيب و كيتنفس بصعوبة
الطبيب شاف فياسمين بإستياء: ميس جاسمين باباك عيان بزاف و المشكلة حتى المستشفى مغدي ينفع معاه فوالو
ياسمين حابسة البكية: متقولهاش ادكتور زعمة قرب وقتو؟
الطبيب هز راسو بآه و بحزن
هي غطات وجهها بايديها كتنخصص بصوت منخفض، الطبيب حط ايدو على كتفها كيواسيها ومن بعد خرج فحالو، هي طلعت عينيها المدمعين فباباها الي غايب عن وعيه كتسمع لأنينه و معاناتو و كتشوف فيه كيفارق الدنيا و ما فايدها والو، شهور و هو صحتو راجعة اللور و مكانوش عارفين السبب حتى دار التحاليل و نزلت عليها النتيجة كي الصاعقة اما هو اكتفى بقول الحمدلله و كمل حياتو عادي كيتألم  و يعاني فصمت و ديما قدامها يدعي أنه صحيح و بخير، شدت فايدو مزيرة كتفكر فخاطرها كيفاش غدي تقدر تعيش بدونه كيفاش غدي تصبر على فراقو هي من نهار وعات فهاد الدنيا لقاتو غير هو ماماها ماتت و معمرها شافتها كيف دايرة غير فالصور، كانت اية فالجمال و لكن بيضة بشرتها كي الحليب عكسها هي الي سمرا كيف باباها و لكن ملامحها و عينيها خداتهم من ماماها، ماماها مكايناش و باباها حتى هو غدا ولا بعدو مغديش يبقا فهاد الدنيا و شكون بقا ليها؟؟ مارك فجأة تفكرت، مارك هو بوحدو الي بقا ليا و لكن حتى هو بعيد من عامين مبقاتش شافتو من الليلة الي تخرجت من معهد الفنون التشكيلية معمرو خطا خطوة عندهم، هديك الليلة كان باباها داير حفلة على قبلها و عرض على أي حد كيعرفو و هي عرضت على صاحبتها و حتى السيدة المغربية الي تعرفت عليها و ولات تعتبرها من العائلة و ديما كتمشي عندها دوز وقيت معاها و مع وليداتها فين تحس بالوحدة، ولات بالنسبة ليها اختها الكبيرة و ملجأ أسرارها الي كتنصحها ديما، تفكرت أنه فالنهاية هي مغديش تبقا بوحدها من بعد باباها و طمأنت نسبيا، حطت راسها حدا باباها و مشات بيها عينها لعالم تاني فيه غير هي و مارك
#عند_مارك
جالس فريسطو و قدامو قرعة ديال الشامبانيا الي مرة ياخدها صاحبو الي جالس حداه و يكب منها شوية فكاسو و مرة هو حتى وصلو فالنص
جوني (صاحبو) أصغر منه بعامين جذاب طويل شعرو كستنائي حريري و عينيه زرقين، لابس كوستيم كحل و شوميز بيضة، دائم الابتسام و عزيز عليه التقشاب خصوصا فين يكون مع مارك، موالفين كل ليلة يتعشاو فبلاصة و يتشاركو قرعة ديال الخمر حتى يفضيوها و كل واحد يكمل سهرتو مع وحدة تعرف عليها و يتلقاو النهار الآخر يعاودو لبعضهم على مغامرتهم الليلية، جوني كان كأي راجل فعمرو كل ليلة مع بنت و لكن مارك كان فينما يلقا الفرصة يمارس الجنس ما يفلتهاش يقدر يوصل ل5 بالنهار و هو و جهده واخا ديما السوفل عندو طالع، هدشي ما فراس حتى حد وحدو مارك محتفظ بهاد السر أو "المرض" كيما شخصو طبيب نفسي زارو مرة فايتة و كانت هديك آخر مرة يمشي عندو..
مارك ضور عينيه فالريسطو: جبتينا لريسطو كيصفر، دازت ساعتين و باقي ما شفنا بنت، كاين غير العائلات
جوني: غريب أنا ديما كندوز من حداه و كنشوف البنات
مارك: دابا ما شفت حد زيد نمشو فحالنا مليت من الانتظار
جوني: اوك تسنا أنا الليلة فيا النوبة باش نخلص ياك؟
مارك: اودي بحال بحال
جوني كيتمايل بدا يشد فيه مفعول الشراب: لا النوبة هي النوبة
ناض و مشا يخلص و هو يتبعو مارك، شوية بانت ليه بنت سكسي داخلة لابسة غوب قصيرة واصلة النص ففخدها فالاحمر كتبري و مكياج سموكي باينة فيها جاية من عند شي سهرة،  بشرتها حنطية و شنايفها منفوخين زينها عادي و لكن جسمها مثير، دخلت جاية جيهتو و وقفت عند واحد السرباي كان حداه: بليز ممكن تساعدني اللوطو ديالي وقفت و حلفت لا ديمارات و المشكلة داري بعيدة من هنا
مارك لقا راسو كيقول: أنا نوصلك الا بغيتي
هي ضارت عندو و رموشها الطوال كيتحركو بثقالة هو فهم هاد الحركة الي كيديروها البنات كتكون على شكل سؤال فضولي يدور فراس البنت فين كتشوف فواحد أثار انتباهها و باغية تعرفو مي كدير راسها ممعبراهش: اممم اوك