[Unicode]
" ခေါက်ဆွဲ၀ယ်ကျွေးမယ်ဆိုမှ မိုးကတစ်ရက်လုံးရွာနေတော့တာပဲ "
၀ရံတာမှာရပ်လို့ တံစက်မြိတ်ကစီးကျနေတဲ့မိုးရေစက်တွေကိုလက်ဖ၀ါးနဲ့ခံယူနေရင်းဂျီဆူးကပြောလာသည်။
ဒီဒေသမှာကိုယ်တိုင်စိုက်ပြီးကိုယ်တိုင်ကြိတ်ထားတဲ့Coffeeတွေဟာပုံမှန်ထက်အနည်းငယ်ခါးသက်သက်နိုင်သည်။
" ခေါက်ဆွဲ၀ယ်မကျွေးလည်းကျွန်မကသင်ပေးမှာပါ "
Rosieရဲ့စကားကိုကြားတော့ဂျီဆူးမျက်၀န်းတွေဟာလတ်ခနဲ။
တုတ်ကောက်ကိုယူပြီးဂျီဆူးကသူ့လက်ဖ၀ါးကိုဖြန့်လို့ပေးလာသည်။
သူ့ကိုစန္ဒရားဆီခေါ်သွားပါဆိုတဲ့သဘော။
" မနေ့က Rosieတီးပြတာလေးသင်ပေးနော်။တကယ်နားထောင်ကောင်းလို့ "
စန္ဒရားရှေ့ကခုံမှာဂျီဆူးကို၀င်ထိုင်စေပြီးRosieသူ့နောက်ဖက်မှာရပ်လိုက်သည်။
" စိတ်ကိုလျော့ပြီးလက်ချောင်းတွေကိုဖျော့ထား "
နောက်ဖက်မှအုပ်မိုးပြီး ဂျီဆူးလက်ချောင်းတွေကိုRosieလက်ချောင်းတွေနဲ့တစ်ထပ်တည်းကျစေရသည်။
[ River Flows in you လေးကိုBGအနေနဲ့ဖွင့်ထားရင်တော့ ပိုမိုက်တာပေါ့နော်။အိုင်ကစန္ဒရားလည်းမတီးတတ်ဘူးဆိုပေမဲ့ အတတ်နိုင်ဆုံးရုပ်လုံးပေါ်အောင်ရေးထားပါတယ်။but သံစဥ္နဲ့တွဲပြီးဖတ်ရရင်ပိုမိုက်မှာပါလို့ ]
" ဒီလိုမျိုး ... "
အထိအတွေ့တွေဟာလက်ဖျားထိပ်ဆီမှတဆင့်ရင်ဘတ်ထဲတိုက်ရိုက်စီး၀င်သည်။
ဂျီဆူးရဲ့ကျောပြင်ငယ်ငယ်ဟာ Rosieရဲ့ရင်ဘတ်နဲ့ထိတွေ့သွားတဲ့တခဏ ဆတ်ခနဲမတ်သွားတဲ့ကျောပြင်ငယ်ငယ်။
အညိုရောင်ဆံနွယ်တွေဟာ လေပြည်တွေရဲ့ဖေးကူမှုနဲ့Rosieမျက်နှာထက်ရစ်၀ဲနေသည်။
ဂျီဆူးလည်တိုင်နားတစ်ဝိုက်မှာရစ်နေတဲ့Rosieရဲ့နှာဖျား၀ထဲသို့ တိုး၀င်လာပြန်တဲ့အညိုရောင်ရနံ့တွေ။
ဂျီဆူးဆံနွယ်တွေဆီကနေ ကော်ဖီရနံ့လိုခပ်သင်းသင်းရနံ့ရတယ်။
လက်ချောင်းတွေကိုခပ်ဖြည်းဖြည်းလှုပ်ရှားလို့ စန္ဒရားခလုတ်တွေကိုတီးခတ်ရသည်။
ရုတ်တရက်ဘေးဖက်ကမျက်နှာလှလှလှည့်ငေးမိလိုက်တဲ့တခဏ ..
အလှတရားတွေအကုန်လုံးဟာဂျီဆူးရဲ့မျက်အိမ်ထဲကဖိတ်လျှံကုန်တာများလား။
ပြုံးယောင်သမ်းနေတဲ့နှုတ်ခမ်းတွေနဲ့မျက်၀န်းလှလှတွေ။
