لحن الانتقام

البارت 1.

رواية لحن الانتقام

المقدمه

البطله
شوق معروفه باسم (بلاك Black) لي انها ديما تلبس في الاسود فا انعرفت باسم بلاك ،متخرجه من المحامه (محاميه)
بنت شخصيتها قويه و ماتحس في حد عندها نسبة بروود عاليه الكل ايقول عليها مغروره انسانه معتمده علي نفسها و كل شي ادير فيه بروحها
موصفاتها طويله (طولها 160) جسمها متوسط (وزنها 55) بيضه و شعرها اسود كيف الليل و طويل حواجبها سود و عراض عيونها لونهم اسود خشمها صغير فمها اصغير و منفوخ

اب شوق اسمه ناجي م 1970 مهندس
ام شوق امل م 1976 دكتوره
اخت شوق اسمها رنا م 1990 متخرجه من الطب مجوزه و تسكن في المانيا عندها بنتين و عيل راجلها اسمه عمران مهندس

(هي خلينا انخشو في الروايه)

شهد فتحت الضي ـ صباح الخير هي نوووضي
شوق فتحت عين وحده ـ شن تبي
شهد ـ محتاجه فلوس
شوق ـ افتحي الشنطه خودي منها و هي اقلبي وجك
شهد ـ شكراً شكراً
شوق ـ العفو اطلعي بس
شهد خدت الفلوس و عدت
بعد ساعه و نص ناضت شوق ادوشت و توضت و صلت و نزلت
شوق ـ صباح الخير
امل و ناجي ـ صباح النور
شوق قعمزت علي الكرسي متاع الطاوله و قعدت تاكل
امل ـ شن تبي جايه
شوق ـ شي جت اتهدرز
امل ـ هه جت اتهدرز واللهي اله كالعاده جايه تاخد في فلوس و تعدي صحبه مصلحه
شوق ـ باه
ناجي ـ لا حول الله
شوق ـ نستاذن
ناجي ـ ربي معاك
شوق باست راس امها و باتها و طلعت ولعت سيارتها و هوب ل البحر لعند الساعه 4 عدت ل المطعم تغدت و روحت لقت عمامها و عماتها الكل في حوشهم و مقعمزين صبايه و بنات و رجاله و شباب الكل معا بعض
شوق ـ السلام عليكم
الكل ـ و عليكم السلام
شوق تبي تركب لدارها
امل ـ شوق بنتي تعالي قعمزي معا عماتك و عمامك
شوق ـ مروحه تعبانه نبي نرقد (وركبت)
ادوشت و صلت و رقدت
الساعه 9 في الليل سمعت صوت رصاص قوي انزلت تجري
شوق ـ بابا شن فيي
ناجي ـ اطلعو من الحوش بسرعه
شوق ـ شن في يا بابا احكي
ناجي ـ اركبي لمي دبشك و اطلعي بسرعهه قتلك
شوق اركبت خدت دبشها و مبلغ بسيط من خزنتها و طلعت اركبت سيارتها و باتها ركب سيارته و طلعو من الجنان و هوب ايجي صاروخ ايطيح الفيله عليي بعضها
شوق قعدت اتشوف و مصدومه
ناجي ايعيط ـ اطلعيييي بسرعهه
شوق اعلقت مارشه و طلعت بعدين درسو في الطريق و قررو ان هما ايباتو في السيارات لعند بكره ايديرو حل
ثاني يوم الصبح شوق ناضت مفجوعه من الكابوس
ناجي نزل من سيارته و جا ل سيارت شوق ـ كلمني صاحبي هانعدو نقعدو عنده كم يوم لعند ربي ايحلها
شوق ـ مستحيل نقعد عند حد
ناجي ـ مانسالش فيكك انا نامر فيك
شوق تعصبت بس اسكتت
ناجي ركب سيارته و طلعو ل حوش صاحب ناجي
و اول ما وصلو لقو حسام صاحب ناجي و مراته ايراجي فيهم في الجنان متاعه
شوق ادخلت بالسياره و مقهوره
ناجي ـ شوق تعالي سلمي
شوق ـ زكرييي النممم
و نزلت
شوق مدت يدها ل حسام ـ خير
حسام ـ خيرات كيف حالك يا بنتي
شوق ـ تمام
امل ـ و هذي عمتك هند
شوق سلمت عليها ـ اهلين
هند ـ كيف حالك حبيبتي
شوق ـ تمام
حسام ـ اهوه حوشك الجديد
شوق ـ تمام (وعدت افتحت الحوش لقاته نضيف و كبير و مفرش و حلو مش كيف ما تخيلاته)