لحن الانتقام

البارت 7.

لحن الانتقام
الحلقه 7

معليش ع التاخير لكن نزلتلكم حلقتين

في الحوش الكل فرحان ب شوق
شوق اركبت ادوشت و نزلت دارت نسكافي مثلج
شوق - شنو امتى التخرج
غزل ... بكره
شوق .. باه تمام
هند .. تعالو اشربو قهوة العشيه
و انزلن
شوق .. مافيش داعي اتعبي روحك يا اعميمه
هند .. مافي تعب يا بنتي
حسام دخل و وجه اصفر .. بلاك يبوك اعمامك في الجنان
شوق ناضت اطلعت اتشوف فيهم شن يبو
و لحقتها سمر و هند و غزل اطلعن ل المربوعه ايشوفن من الروشن
شوق اطلعت لقت ارسولان و اصحابه و اصحاب اوس و اوس

كرم .. انتي كيف اتسافري بدون علمنااا
شوق تشبحلهم ببرود
فتحي .. ردي علي علمككك
علي .. خلاص انا هانجوزك ولدي
شوق اضحكت ضحكت الرقصات و شبحتله ببرود😂🙂
فتحي .. بطليي استفزاز
شوق .. من جدكم انتم امتى عمركم دورتوني امتى عمركم قلتو عندنا بنت خو حتى يوم يلي ماتو بابا و ماما عزقتوني عند راجل غريب عنده اثنين شباب في الحوش احاااا و توا جايين اتقولو كيف و امتى يا عليك لعب عيال صغار و خلاص
ولا واحد فيهم عرف شنو بيرد عليها لين علي نطق كلمه
علي .. بكره احمد هايقره عليك الفاتحه
ارسولان .. اول مره نسمع وليه مجوزه و مقريه فاتحتها ايردو يقرو فاتحتها
فتحي .. كييف
ارسولان .. انا قريت فاتحتها
شوق .. ماجبت شي من عندي💁‍♀️🙋‍♀️
فتحي .. كيف!!
كرم .. امتى؟!
ارسولان .. طلبت يدها من عمي و عمي وافق و قرينا الفاتحه
علي .. كيف خويه ايدير هكي بدون مايشورنا
شوق .. امتى عمره بابا سالكم وراس امك بطل نفاق زايد!!
حسام .. تقدرو اتفضلو
كرم .. انت عارف اني نقدر نرفع عليك قضية خطف
شوق .. و انت عارف اني نقدر انلفقلك اول قضيه اتجي في بالي!
فتحي .. يعني اناي اتهددي فينا
شوق .. تقدر اتقول تهديد و هي تفضلو و اها قبل ماننسى انا مانعترفش بيكم
علي .. تمام
و خدو بعضهم و طلعو
شوق .. تعال يا عمي تريح ماتعبش روحك
حسام .. حاضر يا بنتي
شوق اوصلت لعند الباب و ردت تجري .. ارسولان كذبه يلي قلته صح؟
ارسولان .. بعدين تو انتفاهمو عليه الموضوع هذا
شوق .. نعمممم!!
ارسولان.. خشي بس
شوق ابرمت و دخلت ل الفيله
و عدت ساعه و اثنين لين جا الليل
شوق .. ارسولان
ارسولان .. نعم
شوق .. قولي صاح الكلام يلي مبدري
ارسولان .. لا
شوق .. متاكد!
ارسولان.. اكيد
شوق .. تمام و ركبت ل غرفتها
ثاني اليوم الصبح ناضو ايجهزو ل غزل
غزل .. شكلي تمام
شوق .. تمام
سمر .. مشاءالله
شوق .. هي عدو نحن تو نلحقوكم
حسام .. تمام ماطوليش
شوق .. حاضر و طلعو العيله و ركبت شوق البست بنطلون جينز اسود و تيشرت اسود مكتوب عليه I'm sad و جاكيت جينز اقصيره و سوده بوت متاع العسكريا بس لونه اسود و دارت شعرها ذيل حصان و طلعت هيه و سمر ل الجامعه
غزل .. يا ماما وينها بلاك
هند .. تو اتجي اكيده في الطريق
اوس .. تو انرن عليها
حسام .. تمام
اوس .. ها يا سوده وينك
شوق .. في الطريق
اوس .. باهي بسرعه بس
شوق .. تم تم
اوس صكر .. اهيه قالت في الطريق
هند .. ارسولان وين ماشي
ارسولان .. تو انجي
هند .. باهي باه
غزل اتصور هيه و حسام .. كنا ولدك جوا تغير فجأة
هند .. ما كنا شي
ارسولان امقعمز ايدخن معا قصي
قصي .. انت اتحبها!
ارسولان .. لا يا راجل
قصي .. تي هااا باهي عليش ترقالك لما خوك يدوي معاها و عليش امس ادخلت و قلت انا قاري عليها الفاتحه عطيني سبب مقنع
ارسولان سكت
قصي .. ماتكذبش علي روحك انت اتحبها
ارسولان .. باه خلاص
شوق .. كنكم قاعدين هنا
ارسولان .. شي
سمر .. بلاك هيا
شوق .. ناخد مكياطه و لاحقتك
سمر .. تمام
شوق ادخلت ل الكافي .. السلام عليكم
الشاب .. و عليكم السلام
شوق .. وحده مكياطه
الشاب .. تمام
شهد .. خير
شوق .. شهد هه شن اديري هنا
شهد .. ولا شي كيف حالك
شوق .. تمام
شهد .. حي صاح عظم الله اجرك في بابك و مامتك
شوق .. اجرنا و اجرك ع الله
شهد .. وجعتيني قلت اكيد قاعده عايشه بروحك
شوق .. بالعكس ربي رزقني ب عيله و صحبه جديده
شهد.. يعني نسيتي صحبتنا
شوق .. من قالك ان نحن اصحاب لا حبيبتي صحبتك ليا كانت مصلحههه فقط كل ماينقصنك فلوس اتجيني هذا الغرض من صحبتنا
شهد .. و شوفي توا كيف قعدتي ع الحديده
شوق .. من قالك اوبس نسيت انقولك اني انتقلت لتركيا و ثروتي زادت اكثر
الشاب .. تفضلي
شوق .. كم حقك
الشاب .. دينارين
شوق طلعتله 5 دينار .. احتفظ بالباقي (و شبحت ل شهد) تشااو
و طلعت و خلت شهد مصدومه
شوق خشتلهم في القاعه
صورو التخرجين و عزقو قبعاتهم و كل واحد روح ل حوشه اله شوق و سمر و غزل
شوق اعزمت سمر و غزل ع تدهويره طوول اليوم
غزل .. تعالن خلينا نلعبو هنا
شوق .. اوك
سمر .. تمام
و ركبن ل اللعبه العبن و نزلن
سمر .. هيا نركبو ل هذي
غزل .. هذي احلا
شوق .. لا حول ولا قوة إلا بالله
غزل .. نبي هذيي
سمر.. لالا هذي
غزل .. هذي احلا
سمر.. لا هذي احلا
غزل .. لا هذييي
سمر .. نبي نركب في هذيي
شوق .. تعالو نركبو في يلي قالت عليها سمر و بعدين يلي قالت عليها غزل
سمر .. ياااس
غزل .. باه اوك
المهم و بعد تدهويره سمحه روحن ل الحوش كل وحده ادوشت و رقدت اله شوق انزلت ادير في نسكافي مثلج و طلعت ل الجنان اتشم في هواء
ارسولان.. شن اديري هنا
شوق .. انشم في هواء نظيف
ارسولان وقف يلاها .. امممم
شوق .. خيرك
ارسولان .. شن السبب يلي خلاك اتسافري
شوق .. ولا شي
ارسولان .. في شي انتي داستيه علينا
شوق .. لا
ارسولان.. بلاك سمعتك و انتي اتقولي في اللايف مش قادره حتى انروح لبلادي لي اني خايفه علي الناس يلي معتبرتهم هلي
شوق .. لا كله كلام فاضي
ارسولان.. شوق احكيلي شن فيي
شوق .. مافي شي
ارسولان.. خلاص هانعدي ندوي ل باتي
شوق .. استنى
ارسولان .. ها باهي احكي
شوق .. في واحد ايهدد فيا
ارسولان .. كيف
شوق طلعت تليفونها.. اها شوف المسج هذا قبل ما يموت بابا بيوم و المسج هذا قبل مايصير الموضوع متاعك ب 10 تقريباً
ارسولان .. تمام عطيني رقمه
شوق .. لا شن بدير
ارسولان .. عندي صاحبي يعرف في تطليع المواقع و هكي
شوق .. متاكد يا ارسولان
ارسولان.. اي
شوق .. تمام امسك
ارسولان .. تمام توا عدي ارقدي و انتي متريحه
شوق .. حاضر دير بالك بس
ارسولان .. تمام
شوق .. سعيده
ارسولان.. سعيده
و عدت شوق ارقدت و هيه متريحه لي انها عندها ثقه في ارسولان ان هوا هايحل موضوعها
ارسولان .. ايوه مهيمن
مهيمن .. اوووو الهيبه
ارسولان .. شن جو
مهيمن .. لوز الوز و انت
ارسولان .. تمام نبيك في موضوع
مهيمن .. تمام شن هوا
ارسولان .. بكره الساعه 11:30 انتلاقو في كافي لاتينو
مهيمن .. تمام يا هيبه
ارسولان .. تم
مهيمن .. تم
و صكر
قصي.. شن بدير
ارسولان ايدخن .. بنحدد موقعه و بنجيبه الها لعند كرعيها
قصي .. مرات يطلع مش ساهل
ارسولان .. مش عليا
قصي .. براحتك دير بالك بس
ارسولان .. تمام
قصي .. ارسولان
ارسولان.. نعم
قصي .. جايك في موضوع مهم
ارسولان ببرود .. يلي هوا؟
قصي .. انا طلب ايد علي دين الله ورسوله
ارسولان .. من اختي
قصي .. كم عندك اخت انت؟
ارسولان .. وحده!
قصي .. خلاص هيه هذي
ارسولان ينفخ في الدخان .. و هيه لك بس نسال البنت و نرد عليك
قصي .. تمام
ارسولان.. خلاص هي عدي روح
قصي .. خزي
ارسولان .. راهي مانعطيهش لك
قصي .. بذل دين امي
ارسولان .. هههههههه
قصي يضحك .. هي سعيده يا شقيقي
ارسولان .. سعيده يا عشيري
و طلع قصي و ارسولان عزق دخانه و ركب رقد
ثاني يوم الصبح ع صفرة الفطور كانو الكل مقعمز يفطر
ارسولان .. يا حاج
حسام .. نعم
ارسولان .. قصي صاحبي طلب يد غزل و انا عطيتها لاه بس قتله نسال البنت قبل
حسام .. قصي مشاء الله عليه وين نلقه راجل كيفه لبنتي
اوس .. خلاص بنفتكه من وجك
غزل وجها حمر
سمر بصوت واطي .. خزي قطع
اوس .. شن رايك نخطبك حتى انتي؟
سمر .. انا معقه ناقصتني كراع
الكل قعد يضحك
شوق .. اهدو انت وياها من امس و انتم شدين في بعضكم
اوس .. و احلا شده
هند .. تحشم يا ولد
ارسولان .. لا حول ولا قوة إلا بالله
حسام .. بلاك بنتي
شوق تاكل .. نعم يا عمي
حسام .. جا طلبك ولد صاحبي انسان اكويس و خلوق قتله انشوف البنت قبل
شوق .. يا عمي انا توا مش مفكره في الكلام هذا
سمر .. باهي انتي ديري معاه مقابله بلكي تريحي
غزل .. اي صح ماتلطيش علي روحك واجد
هند .. خلن البنت في حالها ماتقعدنش اتنقن علي راسها كيف الشياطين
سمر .. يا عمتي بنجوزهن خلاااص خاطري ندير الصوره متاع اخت العروس
اوس .. شن رايك اديري صورة انا العروس
سمر .. هاهاهاها دمك شربات
حسام .. شنو يا بنتي
شوق .. اوك موافقه بس بندير مقابله شرعيه
حسام .. تمام يا بنتي
ارسولان ناض .. الحمدالله (وشبح ل بلاك) نوضي نبيك (وطلع)
سمر و غزل شبحن ل شوق
شوق دارتلهن بكتفها مش عارفه شي و ناضت
شوق .. نعم
ارسولان.. بعدين اسالي غزل موافقه ولا لا علي قصي
شوق .. تمام
ارسولان شبح في عيون شوق .. متاكده انك موافقه علي العريس
شوق .. انشاء الله انشوفه قبل
ارسولان .. تمام
شوق ادخلت ل الفيله و ارسولان ركب سيارته و عدا ل الكافي
شوق اركبت ل غرفتها و لحقنها البنات
سمر .. شن قالك
غزل .. احكي
شوق .. قالي بعدين شوفي غزل ع قصي و ردي عليا
سمر .. بس!
شوق .. اي
غزل .. اهمممم!
شوق اتغير في الموضوع .. شنو انرد عليه
غزل .. اكيد موافقه
شوق .. تمام

عند ارسولان

ارسولان .. عندي الرقم هذا نبيك اتجيبلي موقعه
مهيمن .. تمام يا هيبه بس بنعرف في شي بينكم
ارسولان.. اي عندي تصفاي حساب بيني و بينه
مهيمن ..تمام يا هيبه تبي شي ثاني
ارسولان .. سلامتك
و رفع يده ل القرسون و عطاه الحساب و طلع

الساعه 9 في الليل
حسام .. بكره القابله
ارسولان.. بالسرعه هذي!!
حسام .. اي الراجل مستعجل بيطلع الفرح في نهاية الشهر
شوق تاكل و ساكته
هند .. خلاص معناهت يا حسام بكره خليني نطلع انا وياك انجيبو حاجات ل العرب
اوس .. كل شي ع البركه
شوق .. ارسولان معليش اشويه
ارسولان ناض هوا و شوق
شوق .. غزل موافقه
ارسولان .. تمام
و طلع ل قصي
اوس .. شن في بينكم
شوق .. يبي الرد متاع غزل و عطيته لاه
سمر .. ايدك في راسه
اوس .. هاهاهاها
شوق .. الحمدالله
و ناضت اركبت ل غرفتها
قصي .. كنك جوك ملخبط
ارسولان.. بكره خطوبتها
قصي .. كييييف
ارسولان .. اي هذا الكيف
قصي .. باه عدي قركش الدنيا و قوللها انا نبيك
ارسولان .. مانبيش انوقف في وجها هيه لو تبيني راهي قالت لا
قصي .. ارسولان معقوله سلمتها طول معقوله ماحربتش علي خاطرها
ارسولان بضعف .. مافي شي بيدي
قصي .. تي اقلب دين ام الدنيا علي خاطرها حارب علي خاطرها يارااا ماكنتش نحسابك ضعيف لدرجه هذيي الزب
  عدا و سيبه
اما ارسولان فا تنهد بتعب و طلع شيشت وسكي و قعد يشرب فيها
اما عند بلاك يلي نازله اتعبي في اميه لي انه شيشتها كامله و هيه راكبه شافت ارسولان يدعدع
شوق قربت منه .. ارسولان انت شارب
ارسولان .. تؤ تؤ
شوق سنداته .. باهي اركب معايا بس
ارسولان ايعيط .. عليش هكييي الززززب
شوق .. اشش ارسولان العيله راقده
ارسولان .. صح اشششش
شوق افتحت الباب و حطاته علي سريره
ارسولان مسكها من يدها و دفها عليه .. انتي تبيه خلاص ت تبي تجوزييي ع عليش هكي ال الزب ا انا شن درتلك يا شو شوقي
شوق .. ارسولان ارقد توا بكره الصبح تو انتفاعمو
ارسولان مسكها من يدها .. ماتس ماتسيبينيش
شوق .. حاضر
و قعدت جنبه لييين رقد بعدين ناضت ل غرفتها توضت و صلت و قرت قرأن بعدين ارقدت
طبعاً الليله هذي فاتت علي ناس فرحانين و ناس زعلانين و ناس حايرين
غزل و قصي كانت احلا ليله لي انها شبه انكتبت غزل علي قصي بس معا هذا كله قصي كاين زاعل علي رفيق عمره يلي هوا ارسولان
شوق كانت محتاره هل اتوافق علي العريس ولا لا + ارسولان شن يقصد بكلامه + محتاره بين قلبها يلي ايقوللها اتني اتحبي ارسولان و عقلها يلي ايقوللها مجرد اعجاب و هايتلاشه معا الوقت
اوس و سمر يلي راقدين و مايفكرو في شي غير اوس اينابش سمر و سمر تقصف اوس

الكاتبه : بيراي

#يتابع