لحن الانتقام

البارت 8.

رواية لحن الانتقام

البارت 8

ارسولان ـ اااااه يا راسي من سي الهايك يلي علي صبح ربي
مهيمن ـ يا هيبه راني حددت موقعه
ارسولان ـ دزلي الموقع في مسج
مهيمن ـ تم تم
ارسولان ناض دخل ل الحمام ـ ايوه قصي تعال ل الفيله بسرعه
قصي ـ كنك شن في
ارسولان ـ تي غير تعال بس تو انفهمك
قصي ـ تم
ارسولان غسل وجه و لبس و نزل يجري
هند ـ صباح الخير ولدي
ارسولان ـ صباح النور
شوق اعرفت ان هوا لقا المجهول يلي ايهدد فيها لي انه طالع يجري ـ ارسولان
ارسولان ـ بعدين يا شوق
شوق ـ تمام دير بالك بس
ارسولان ـ تم
و طلع يجري
حسام ـ شن في
شوق ـ شي يا عمو بس قبل بندزه ع كم حاجه
حسام ـ باهي يا بنتي قوليلي تو انجيبهن انا
شوق ـ دزيتهن لاه في مسج تو ايجيبهن
حسام ـ تمام
سمر تلعب في بوبجي ـ يا نعلي اقريب متت
اوس ـ تي باه تعالي من هنا ليش ماشيه غادي
سمر ـ اصبر بس غادي في تيم خلينا نقتلوه
اوس ـ تمام
غزل ـ هههههه
شوق ـ لا حول ولا قوة الا بالله

عند ارسولان يلي طلع هوا و قصي
ارسولان ـ حددلي موقعه
قصي ـ تي باه عندك سلاح ولا اي حاجه
ارسولان طلع مسدس من تحت الكرسي
قصي ـ باه تمام
ارسولان ـ اين شارع
قصي ـ امشي ع الليمين ايوه اهوه شكله قاعد في الكافي هذا
ارسولان نزل من السياره ولحقه قصي
قصي ـ اهوه
ارسولان ـ خير
بدر ـ خير
ارسولان ـ شن جو
بدر ـ تمام تفضل
ارسولان ـ نوض نبيك بره اشويه
بدر ـ تفضل شن تبي احكي هنا
ارسولان ـ نبيك علي انفراد
بدر ـ مانقدرش انتحرك من مكاني
ارسولان طلع المسدس و حطه ع راس بدر ـ لا تقدر هي نوض
بدر حط ايديه فوق راسه و طلع معا ارسولان و قصي
ارسولان ضربه علي راسه ب نهاية المسدس و بدر داخ شاله قصي و ارسولان و حطوه في الشنطه متاع السياره و عدو بيه ل الستراحه متاع ارسولان ربطوه و روحو ل الفيله
شوق اول ما شبحتهم ادخلو اطلعت تجري
شوق ـ ها ارسولان شن صار
ارسولان ـ في شنو
شوق ـ علي موضوعنا
ارسولان ـ اهاااا بعدين في الليل تو نحكيلك
شوق ـ لا احكي توا
ارسولان ـ قصي قاعد معايا ماتجيش انعدي و نسيبه
شوق ـ اووووف يا ارسولان باه
غزل اطلعت اتعيط ـ يا فرخه بلاااك الرجل اقريب يوصل و انتي قاعده بكناستك خشي ابرمي علي روحك
ارسولان فنص في غزل و غزل انتبهت ل قصي قاعد فا خشت تجري
اما قصي فا مات بالضحك علي عفوية غزل
شوق ـ معش اتفنص في البنت و كان شافها
ارسولان ـ خشي و انتي ساكته
شوق ـ امشي روح يا نفسيه
و دخلت غيرت حوايجها و دارت ميك اب خفيف
شوق البست فستان طويل كم و كمامه منفخات لونه اسود معا سندل بسيط لونه اسود و طلقت هيرها

سمر ـ هي انزلي بيش اتشوفك امه
شوق ـ تمام
و نزلت شوق سلمت علي امه و قعمزت يلايه اشويه
فتحيه ـ كيف حالك يا بنتي
شوق ـ الحمدالله
فتحيه ـ شن اسمك
شوق ـ بلاك
فتحيه ـ اهاا شن تشتغلي
شوق ـ محاميه
فتحيه ـ مشاءالله وين امك
شوق ـ الله يرحمها
فتحيه ـ الله يرحمها اعتبريني امك
شوق ـ مايجي حد مكان حد
هند انحرجت من رد شوق ـ ههه اها صاح
حسام ايضبح من الباب ـ بلاك بنتي
شوق اطلعت ـ نعم يا عمي
حسام ـ هي اطلعي
شوق اطلعت و ماسكه في يدها عصير ـ السلام عليكم
جبريل رفع اعيونه فيها ـ وعليكم السلام
شوق مدتله العصير و قعمزت
اما حسام فا طلع
ارسولان ـ يا باتي كنك ماقعدتش معاهم
حسام ـ لازم يقعدو برواحهم بيش يقدرو يدوو
قصي ـ اي صاح يا ارسولان
ارسولان ماعدلش عليهم و دخل ـ السلام عليكم
جبريل ـ وعليكم السلام
شوق ارفعت اعيونها في ارسولان
اما ارسولان فا قعمز جنب شوق😂🙂
جبريل ـ احم شن اسمك
شوق ـ بلاك
جبريل ـ عاشت الاسامي
شوق ـ سلمك
جبريل ـ شنو ناويه تشتغلي بعد الجواز
شوق ـ اهم حاجه عندي الشغل و السواقه و مانبيش الحجاب
جبريل ـ اهاا يعني هذينا شروطك
شوق ـ انشاءالله
جبريل ـ تمام انا موافق عليهن و انا شرطي انك تحترمي امي و باتي و اي شي ايصير في الحوش بيني و بينك مايطلعش بره
ارسولان جا بين اعيونه كلام قصي (كانتش نحسابك ضعيف هكي + حارب علي خاطرها + دمر اي حد ايجي شورها)
ارسولان ـ ماعندنش بنت لجواز
شوق شبحتله بصدمه
جبريل ـ كيف
ارسولان ـ هذا الكيف بلاك نبيها انا
شوق بصدمه ـ ارسولان خيرك
ارسولان ـ خلاص عدي خشي جوا قلت ماعندنش بنت لجواز
جبريل طلع و سيبهم
شوق ـ ارسولان خيرك النممم معقوله اتحشم الراجل هكي
ارسولان ـ خفتي علي مشاعره تبيه اعجبك
شوق ـ اي نبيه و نبي انطلعو العرس توا
ارسولان مسكها من شعرها و قرب منها هلبا ـ و انا مستحيل انخليك تنكتبي علي اسم راجل غيري مستحيل انخلي راجل غيري ايصكر عليك الدار
شوق معش اقدرت ادير شي قعدت مصدومه و بسسس
ارسولان طلقها ـ اطلعي
شوق اطلعت و وجها ل غرفتها طووول
اما جبريل فا رن علي امه و امه اطلعت
حسام ـ شن صار كنهم الناس
ارسولان مصبي و مبتسم
قصي مسكه بروحه ـ شن درت
ارسولان ـ قتله ماعندنش بنت لجواز و بلاك نبيها انا و بس
قصي ـ يا حمااار نكت الدنيا علي بعضها
ارسولان ـ هيه متنيكه متنيكه يارا خليها تخرب (سكت اشويه) اي شي ايصير في الحوش بيني و بينك مايطلعش بره امشي زب يا فاسد علي اساس بنخليك اتقرب شورها حتى شبر
قصي ـ هههههههه خلاتك تطلع في عقل مش عقلك😂😂😂
حسام ـ نوضي يا سمر كلميها ليا
سمر اركبت تجري ـ يبيك عمي بسرعه
شوق انزلت و قعدت اتغاضه في نظرات ارسولان فيها
شوق ـ نعم يا عمي
حسام ـ شن صار كنا طلع منفصل
شوق ـ يا عمي صا
ارسولان ـ انا فركشت الموضوع و قتله ماعندنش بنات ل جواز
شوق ـ ارسولاااان
حسام ـ عليش
ارسولان ـ لي اني انا نبي بلاك
هند ـ كيييف
اوس ـ نعمممم
ارسولان ـ اي انا نبي بلاك علي سنة الله و رسوله
حسام ـ انتي موافقه يا بلاك
بلاك ماردتش
صمر ـ اها موافقه يا عمي (وشبحت ل ارسولان) راهي اتحبك من زمااااان و ماتبيش اتوضحلك و اول الاسباب يلي خلنها اتروح هيه انت
شوق ـ سمرررر
سمر ـ خلاص اشششش
غزل ـ اي صح يا بابا خلاص جوزهم
قصي يحكي معا نفسه ـ غير اجوزي انتي😂
حسام ـ ردي عليا يا بلاك انتي موافقه
شوق هزت راسها فوق و تحت
هند ـ مانلقه ل ولدي خير من بلاك كل شي ع البركه
اوس ـ احم حتى انا بنقول حاجه
سمر ـ اتحفنا
اوس ـ حتى انا بنخطب
هند ـ من
اوس ـ جارتنا امل
هند ـ حتى هيه مشاءالله عليها
غزل ـ يعععع
اوس ـ علي اساس انتي شنو شد حيل قصي كيف بياخدك (وشبح ل قصي )بالله عليك وين كاين عقلك لما طلبتها من ارسولان
سمر ساكته مابتش اتقول ولا اي كلمه
ارسولان ـ كاين في سرواله
شوق ـ 😂😂😂😂
ارسولان انسحب و طلع بره
حسام ـ خيره
اوس ـ مش عارف
شوق اركبت ل غرفتها ادوشت و لبست بنطلون اسود و تيشرت اسود مكتوب عليه Hope و دارت شعرها ذيل حصان و قعمزت تقره في كتاب Dear me
ارسولان ايعيط من تحت ـ بلااااك يا بلاك
شوق اطلعت تجري ـ شن في
ارسولان ـ انزلي نبيك
شوق انزلت شافت واحد طايح علي الارض و واضح انه مضروب ضربه سوده
شوق ـ من هذا
ارسولان ـ مش ناويه تاخدي حقك
شوق ـ هذا هذا هوا
ارسولان ـ اي
حسام ـ شن في من هذا
هند ـ تي من هذا
اوس ـ ارسولان قصي فهمونا من هذا
سمر تشبح ل بدر بحقد
غزل ـ يا ماما من هذا
شوق تشبحله و عيونها حمر قربت منه و مسكاته من تيشرته و نزلت فيه بوكسات
شوق تشرب فيه ب جنون ـ ليش درت فيااا هكي ليششش لي اني انديررر في الحقققق ليش قتلت بااابا ليش خليتني يتيمههه ليشششش شن درتلك اناااا قولييي عليش قتلتلي بابا و ماماااا انت خليتني بدون لاااا عيله ولا حوش ولااا سند بسببك انا قعدت وحيده بسببك اناااا قعدت يتيمه
بدر من كثرت الضرب قعد ايتقيئ في دمم
ارسولان قعد يمسك في شوق ـ شوق خلاص اقريب ايموت بين ايديك
شوق ادف في ارسولان ـ لازم نقتله لاااازم انشوفه ميت كيف ما قتل بابا لااازم حتى انا نقتله لااااازم
ارسولان ـ شوق خلااااص
شوق قعدت كيف يلي عندها حاله نفسيه
شوق تشبح ب ارسولان ـ لالا هذا لازززم ايموت لازم ناخد ثار بابا هههه لالا هذا لااازم ايموت لازم نقتله بين ايديه
ارسولان حضن شوق ـ اشششش خلاص اهدي كل شي هايكون تمام صدقيني ربي هاياخد حقك
شوق ماسكه في ارسولان تبكي ـ انا نبي بابا يا ارسولان انا نبي بابا جيبه ليا
ارسولان ـ باه خلاص توا اهدي بس
شوق تشهق من البكاء
قصي شال بدر اعزقه في الشنطه متاع السياره و قعمز في الجنان
اوس جاب اميه ل شوق ـ اشربي
شوق اشربت اميه
حسام ـ احكيليي
شوق حكتله كلللل شي
حسام ـ لا حول ولا قوة الا بالله
شوق ـ ارسولان جيبوه ليا بنشوفه
ارسولان طلع ل قصي و شاله هوا وياه و دخلو بيه حطوه قدام شوق
شوق ـ شن اسمك
بدر ـ بدر ال ——
شوق ـ ليش درت فيا هكي
بدر ـ لي انه بسببك مات خويه
شوق ـ نعم!
بدر ـ اي انتي وقفتي ضد خويه فا احكمو علي خويه بالاعدام
شوق ـ انا مانوقفش اله معا الحق لكن يشهد عليا ربي عمري ما خديت قضيه باطله ولا عمري خديت رشوه لشئ معين
بدر ـ بس بسبب انتي هوا مات هوا ماخشش للحاجات هذينا اله علي خاطر ايوكلنا في وقت كنا ناكلو من الكنايس هوا خش ل الحاجات هذينا لي انه مضطر مش باردته و انا كنت صغير حاولت معاك لكن انتي رفضتي و برضو هوا حاول يقنعك لكن انتي كنتي مصكره راسكك حاول ايفهمك كم مره بانه كان مغصوب لشي هذا
شوق قعدت ساكته
بدر ـ خويه خش ل الحاجات هذينا علي خاطر يقدر ايعيشنا انا و امي هوا خش لشي هذا علي خاطر امي كانت تضرب في الكيماوي و معندش حق الكيماوي يلي تاخد فيه امي هه انتي اصلن مش هاتقدري تفهمي كلامي هذا لي انك من يوم مانضتي ع الدنيا و انتي بنت عز فيله و فلوس و سياره عكسنا نحن الفقراء كل همنا من يوم انجيبو الفلوس بيش نقدرو اقل حاجه ناكلو
شوق ـ بس انت عارف ان توا نقدر نرفع عليك قضية قتل شخصين و بهكي حتى انت هاتموت ب اعداام
بدر سكت
شوق ـ بس مش هاندير هكي يا بدر هانخليك تمشي في حالك علي خاطر امك بس ولو حاولت اتجي في طريقي صدقني مش هانتردد حتى لحظه في قتلتك
و ناضت فكت الحبل ـ وين تسكن
بدر ـ في زنقت ——-
شوق ـ امك في اين مستشفى تضرب في الكيماوي
بدر ـ في مستشفى——
شوق ـ تمام تقدر تمشي
بدر طلع و سيبهم
سمر ـ شن ناويه اديري
شوق ـ ولا شي مانبيش حد يجعزني راني تعبانه نبي نرقد وبس
هند ـ تمام يا بنتي
شوق اركبت ل غرفتها اعزقت روحها ع السرير و رقدت طول

الكاتبه : بيــراي

#يتابـــع