لحن الانتقام

البارت 12.

رواية لحن الانتقام

الحلقه 12.

طبعاً شوق كانت مولعه اغنيه في او مافيش دي حاجه ماتخصنيش
غزل اتصور و تغني
و كاين الطريق زحمه و ضيقه (كانكم تعرفو شارع عشرين في بنغازي طريق ضيقه و طويله و الجوانب شباب موقفين و طاولات و اغاني و صبايه ماشيات جايات)

سمر ـ يا ناري شوفي كراعه مقطوعه و يدفو فيه
غزل ـ يا حبيبي شوفي كيف ايعاملو فيه
شوق وقفت السياره و نزلت تجري قعدت تسند فيه و الناس تشبحلها ـ نوض معايا
الشاب ـ الجو تمام يا اختي نقدر انوقف
شوق ـ نوض بس
الشاب وقف ـ بارك الله فيك
شوق ـ فينا و فيك (و شبحت ل الشباب) هذي مش مرجله يا ذكر انت وياه
الشباب يشبحولها و ساكتين
شوق عدت ولعت سيارتها و طلعت

(العبره الاولى : 1 ردو بالكم تسكتو ع الحق
العبره الثانيه : 2 ردو بالكم اتقاوو علي يلي اضعف منكم
العبره الثالثه : 3 ساعدو الناس الضعفاء)

سمر ـ وعجني الصراحه
غزل ـ اي ربي معاه و خلاص
شوق ـ هي انزلن
انزلن قعدن ايدبشن لعند الساعه 9 عدن ل المطعم تعشن و روحن
سمر و غزل ـ السلام عليكم
الكل ـ وعليكم السلام
شوق اركبت ل غرفتها
اوس ركب وراها ـ بلاك
شوق ـ نعم
اوس ـ ارسولان كيفه كيف اي شي حب و دار علاقه ليش اتكشخي عليه
شوق ـ ليش ماصرحنيش يا اوس واعره راه اتجيك وحده و تقول تذكر يا ارسولان يوم يلي جيتني فيه في الحوش
اوس ـ اي عارف بس انتي ادوي معا ارسولان تفاهمي معاه ماتجيش هكي
شوق ـ انشاءالله خير
اوس ـ نستاذن
شوق ـ اذنك معاك
و طلع اوس و شوق قعدت اتفكر في كلام اوس بس قالت خليه قرست وذن بيش مره ثانيه مايدسش عليا شي
غزل ـ شن صار
اوس ـ دويت معاها بس ماعطتنيش اي رد
سمر ـ انشاءالله خير
اوس ـ انشاءالله
سمر اركبت ل شوق قعمزت معاها
شوق تقره في كتاب
و سمر تلعب في بوبجي
سمر ـ بلاك
شوق ـ هممم
سمر ـ زعمك صح اوس يبي يخطب
شوق ـ يمكن و يمكن لا
سمر ـ كيف
شوق ـ علمي علمك
سمر ناضت ـ اووووف
شوق ـ صكري وراك الباب
سمر اطلعت و صكرت الباب
غزل ـ خيرك
سمر ـ ولا شي ليلتك سعيده بنرقد
غزل استغربت ـ في حاجه مضايقتك
سمر ـ لا
غزل ـ تمام ليلتك سعيده
سمر ـ ليلتك اسعد
و عدت كل وحده ل غرفتها

ثاني يوم الصبح
ارسولان ـ صباح الخير
الكل ـ صباح النور
ارسولان ـ هي نوضي خلينا انعدو
شوق ناضت و ماردتش عليه
هند ـ باهي افطرو قبل
ارسولان ـ معش في وقت مزال اسبوع و نص و انا مازلت مادرت شي
هند ـ باهي ربي معاكم
شوق ـ انشاءالله
و طلعو شوق و ارسولان هما الاثنين في صمت مافيش اله صوت المسجل فقط
ارسولان ـ هي انزلي
و نزل هوا وياها
ارسولان ـ السلام عليكم
الناس ردو عليه السلام
شوق وقفت تختار في لون الصالون
ارسولان ـ خلاص متاكده هذا
شوق ـ امممم
ارسولان ـ تمام نبو اللون هذا
شوق ـ الفرشه هذي كم في الكم
الراجل ـ 5•4
شوق ـ تمام نبي هذي
ارسولان ـ شن تبي الصالون
شوق ـ نبيه 4 كنبات
ارسولان ـ تمام
شوق شبحت ل الراجل ـ نبي 6 عزقات دميات
الراجل ـ تمام
ارسولان ـ امتى ايكون واتي
الراجل ـ الاسبوع الجاي
ارسولان ـ تمام كم السعر
الراجل ـ الفرشه ب 650 و الصالون 3000 يعني 3650
ارسولان طلع الفلوس ـ تفضل
الراجل ـ معوضات
ارسولان ـ سلمك
و طلع هوا و شوق
ارسولان ـ توا مزال حاجت المطبخ
شوق ـ المطبخ و الحمام و دار النوم عليا
ارسولان ـ تعالي بس خلينا ناخدو حاجات المطبخ و نختارو دار النوم
شوق ماردتش عليه
و خشو ل حاجات المطبخ
شوق ـ شن لون المطبخ
ارسولان ـ ابيض
شوق ـ تمام
و خدت حاجتها كلها علي اللون الاسود و طلعو عدو ياخدو في دار النوم
ارسولان ـ شن رايك في هذي
شوق ـ هذي احلا
ارسولان ـ تمام
و خلصو حقها و طلعو
ارسولان ـ ها شن مزال
شوق ـ خلاص معش مزال شي حاجات بسيطه و بنجيبهن انا
ارسولان ـ كيف شنو
شوق ـ حاجات الدار نوم و الحمام بس
ارسولان ـ كملتي حوايجك
شوق ـ مزال
ارسولان ـ اها هي انزلي خلينا ناكلو حاجه من الصبح و نحن مش واكلين شي
شوق انزلت هيه وياه ل المطعم و قعمزو ع الطاوله و طلبو سندوتشات
ترن ترن ترن
شوق ـ ايوه
سمر ـ وينك راه الساعه 5 مش ناويه تطلعي ل المحلات
شوق ـ لا اليوم فوتي انحس في روحي متكسره
سمر ـ باهي براحتك
شوق ـ تم
سمر ـ تم
ارسولان ـ كولي
شوق بدت تاكل و ماردتش عليه
ارسولان ـ شوق لعند امتى تبي تقعدي هكي؟
شوق ماردتش
ارسولان ـ ندوي معاك ردي عليا لعند امتى بنقعدو ع الحال هذا مزال علي عرسنا 10 ايام و نحن لا ندوو معا بعضنا لا شي
شوق ـ شوف روحك شن داير
ارسولان ـ شن درت وين الغلط يلي درته كيفي كيف اي شاب درت علاقه و طلعت علاقه فاشله
شوق ـ ليش ما جيتني و صارحتني ماه انا جيتك و صارحتك
ارسولان ـ قصدي هيه حاجه من الماضي مافيش داعي نفتحها و نكد عليك
شوق ـ ياريتك فتحت الموضوع و نكدت عليا انت مش اتجي وحده اتقولي ديري بالك منه و تذكر يوم جيتني في الحوش قصدي ارسولان حط روحك مكاني
ارسولان حط يده علي يد شوق ـ اسف اسف اسف معش هاتعاود انتي عارفتيني قد ايش انحبك و مانتحمل فيك شي صح
شوق ـ اي نعرف
ارسولان ـ باهي عليش اتعذبي فيا
شوق ـ شن درت انا
ارسولان ـ لما ماتعدليش عليا انا ننحرق من جوا يا شوق
شوق ـ لازم منها قرصت الوذن🙂
ارسولان ـ 😂😂😂😂
شوق ـ اضحك
ارسولان ـ شن رايك نطلعو ل المول
شوق ـ عليش
ارسولان ـ اتعدي اتكملي حوايجك
شوق ـ لا وين تعبانه اليوم
ارسولان ـ شن رايك انريحك🙂🙋🏻‍♂️
شوق ـ بطل قلت ادب راني نقتلك
ارسولان ـ ههههه باهي ندويلك جد شن رايك انعدو
شوق ـ اوك
و ناض ارسولان سلك حق السندوتشات و طلعو ل المول
عاد مانحكيلكمش علي ارسولان و صياعته يبي شوق تشري الارواب كلهن😂❤️
ارسولان ـ شوفي هذا يطلع عليك نار
شوق ـ ارسولان تحشم الناس تشبحلك
ارسولان ـ بالحلال المهم شوفي بس سمح صح
شوق ـ يا ربي الصبر
ارسولان ـ ناخدلك سمول
شوق ـ اي
ارسولان ـ خديتلك حمر راه
شوق ـ ارسولان الارواب كلهن خذيتهن ليا حمر
ارسولان ـ اي لي انه طالع عليك نار
شوق حطت يدها علي راسها ـ الصبر يا ربييي هيا ارسولان معش نبي نشري
ارسولان ـ باهي خلاص اهوه اخر واحد ناخدلك لونه ابيض باهي
شوق ـ باهي خوده
طبعاً البنات يلي في المحل ايتهامسو عليهم في يلي عجبه جو شوق و ارسولان و في يلي لا
و بعد جهد جهيد روحو
شوق و ارسولان ـ السلام عليكم
الكل ـ و عليكم السلام
سمر ـ وين طالعه من الساعه 11 الصبح روحتي 9 في الليل
شوق ـ تعالن بس شوفن شن شريت
و ركبن شوق و سمر و غزل
سمر ـ نعلييي هذا ايهبلل
غزل ـ حي علي هذا
سمر ـ بس ليش خذيتيهم كلهم حمر
شوق ـ ارسولان هلكني بالحمر
غزل ـ خويه طلع صااايع
سمر ـ ههههه قويه
شوق ـ بنخش ندوش
سمر ـ تمام
و قعدن عاد البنات ايتفرجن لين اطلعت شوق
سمر ـ الصراحه مشاءالله الله اكبر حاجتك حلوه
شوق عطتهن التليفون ـ شوفن دار نوم
غزل ـ مشاءالله حلوه
سمر ـ ليش حاجات المطبخ كلهم لونهم اسود
شوق ـ لي انه الدولاب ابيض فا قلت اندير حاجتي اسود في الابيض