الحضرية وابن الريف

البارت الاول

بقلم فرح العكيدي

الحضريه  وابن الريف

البارت الاول

#خسرنه گلوبنه الما عرفت تعاشر

       #خلصنـه العمـر مـن باچر لـباچر

            #خلصناها تگظي الله كريم تهون

                   #واحنه جروحنه شما كبرت نكابر 

                        #وادمنه اعلى طيبك تستغل البيك

             #ومن توگع لجلهم تنحسب خاسر.... 🤍

دخلت الام للغرفة  وهي تفتح البردات  وأصيح: نووور  ولج نور اكعدي  كافي نوم 

نور: .......

لج نور شلعتي كلبي  لج اكعدي   ساعة ١٠ كومي كافي نوم  بيت خالج  راح يجون علينه اليوم  وانتي بعدج  نايمه  لج كوووومي  عاد

نور تململ  بفراشه  وصدت على صفحة الثانية  وتكمل  ننومته 

الام بعصبية: نور قسما بالله  اذا ماكمتي   اجيب مي بارد واجب عليج  كووومي  ساعدني  بشغل  البيت  كومي شكبرج  بعد اصيرين  كل خير مابيج  بس نوم واكل

كامت  نور  وكعدت  عالجرباية وهي بعدها نعسانه: اووو شبيج ماما  بس اصيحين يعني متخلون واحد ينام  شوي

الام: لج انتي صدك ماتستحين  على نفسج  لج دنيا الظهر  لشوكت اضلين  هيج  اها  باجر اذا ازوجتي  هم عود  حجي هذا الحجي  الرجلج لو لعيالج

نور بتأفف: اهووو  هم رجعنا  لنفس  المنوال  ياماما  ياحيبتي  جم مرة كتلج  اني مازوج  وكاعدة هنا على كلبج  كليلي  احد يعوف هذا الدلال  ويروح  النكد  وشلعان  الكلب 

الام بتعب:  ماكو فايدة منج  الحجي وياج  ضايع  كومي كومي ساعديني  خالج وعائلته  على جيه   يلا استعجلي  وعافته  وطلعت

أما في مكان آخر بريف 

الله يساعدك  بويه  شلونك  اشلون  اشغل وياك

هلا هلا بويه  الحمدالله  كلشي تمام  والشغل  ماشي مثل الساعة

صوت ثاني: طبعا الشغل  لازم  يمشي مثل الساعة  دام سعد هو الي مشي كلشي  منو يكدر يكول غير شي

سعد : هلا  راضي  اشلونك  ابن عمي

راضي: هلا بيك خويي   انت شلونك  طمني عليك

سعد بلمحة حزن  وصوت تعبان: الحمدالله  على الله

ابو راضي:  لاتزعل  بعد عمك  الي الله كاتبه يصير  

سعد : والنعم  بالله 

نروح لبيت سعد بيت جبير كلش واسع  ومانسمع الا صوت اصياح  نسوان  : انجبي  اليوم الدور عليج 

لا حببتي ادور عليج  انتي اني مالي شغل 

لاوالله  مالي شغل  اني انتي روحي نظفي  الحضيرة  اني نضفته  ذالك الاسبوع

لاجذبين   سعاد نظفته  الاسبوع  الاراح  وهسه  دورج
كتلج مانظفها سمعتي انتي روحي نظفي  وبعدين اني حامل لو نسيتي

شنوشنو عيني اشو  كلنا حبلنه  وجبنه  ماسوينه  مثلج  اكلج كومي شتغلي  حالج حالنه  ولاضلين  تتلوكين  سمعتي  لولا

نزلت سعاد من الدرج  وهي شايله   سلة  مال ملابس: هاي شكو صوجن  وصل لاخر الديرة  ولجن انتن  ماجوزن  من سوالفجن  كافي  تتمالخن  لو يجي سعد ويسمعجن  يصلخ من جلدجن  جلد   صدك ماتستحن

عشتووو  شوفي من تحجي عفنى المستحى الج حببتي  اكلج سعاد  اتكفي شري  احسلج  وخري من يمي

سعاد : لج هنيه  انتي صدك  وحدة صفلة   ومتستحين  اني اكبر منج احترميني اشوي 

هنية :  هي لاشيخين علينه سوين نفسج الجبيرة العاقلة عيني عفت المستحى  الج  ست الحسن  

علياء:  والله يالله  انوب علينه  العاقر  تجي تعلمنه  المستحى 

سعاد انقهرت حيل  وحزت  بكلبها الكلمة  ونزلن ادموعها  لارادي 

وفجأة  سمعن  صوت  قوي:  هاي شكوووو