الحضرية وابن الريف

البارت العاشر

‏ شكد مشتاقلك يا ولفي يمته تعود
قفل هجرك يولفي  شوكت أتكسره
ترى المشتاك يكره كلشي حته الروح
يحس فوك الكلب شايل وجه صخره
تجيني بيا وكت وعيوني تفرح بيك
وروحي ليا وكت بجفاك منتضره
انا بدونك يولفي تريد اعيش شلون
انا بدونك دمعتي معاشره الحسره
تعال الروح ذبلت واني افكر بيك
تعال وشوف كلبي المحترك جمره
ضحكني الدمع عاشرني من ما جيت
بقيت بدونك اني اشبه الفقره

فرح العكيدي

البارت العاشر والاخير

الحضرية وبنت الريف

نور طلعت تركض  وسلمت على ابوها وامها  وجانت رسل  موجودة  وياهم: ماما مشتاقتلج  كومه  ليش هيج سويتي بيه  هااا  ليش تخليتو عني  وعفتوني وحدي

الام: خلاص ماما اجينه  اليوم  ناخذج ويانه 

نور بصدمة وفرحة : شنووو ماما صدك تحجين  حببتي مشتاقتلكم كومة اني

الاب :  يلا بنتي لمي غراضج  خلي نمشي بسرعة 

نور: اي بابا ان شاء الله   بس سعد وباوعت على سعد

الام: ماما احنه تفقنه ويه سعد  وهو وافق تجين ويانه  لاتخافين

نور:  ان شاء الله 

سعد: روحي وياهم  نور خلاص اني وياج  لهنا وقصتتنه  انتهت  روحي ويه اهلج  ورقة طلاكج توصلج قريب

نور بصدمة: سعد انت شتحجي  تريد اطلكني  ليش شنو السبب  فهمني شسويت اني

سعد: بدون سبب كتشفت اني اني وياج  منتوالم  وقررت اطلكج  ودزيت على اهلج  عمود يجون ياخذوج 
نور بدموع: هالدرجة  هالدرجة اني رخيصة عندك  ليش هيج سعد  حرام عليك ليش هيج اسوي بيه  اني حبيتك  حبيتك من كل كلبي قبلت اعيش وياك وانت مزوج قبلي ٣ مع هذا رضيت بيك ليش سعد تكسرني  ومسحت دموعها  باوعتله بقوه  وكالت  الله يكسر كلبك مثل ماكسرت كلبي  وجعل حبوتي متعداك  ياسعد  على كسرة كلبي وقهري 

لاب: يلا ابنيتي استعجلي

راحت نور ويه اهلها  للمدينة  مر شهر ونور يم اهله  حزينة ومقهورة  مشتاقة لسعد لان حبته وزعلانه ومقهورة لان  ولامرة فكر يسأل عليها  ويطيها سبب واحد على الي سواه بيها  حست نفسها مكسورة ضلت ايام تذكر كعدتهم وسوالفهم  ضحكهم احبها اله يكبر يوم بعد يوم كلشي جان حلو بحياتها رغم صعوبته ورفضها اله من البداية بس حبته بالنهاية  حاولت رسل اطلعه  من الحزن الي هيه بيه وضل سؤال واحد يتردد براسها ليش سعد ماجه سأل عليها

رسل طبت عليها وشايله صينية الاكل : وبعدين نور راح اضلين هيج حابسه نفسج ياعمري لاسوين بروحج هيج صارلج شهر انتي على هذا الحال

نور وهي تبجي: حبيته رسل حبيته  وهو مافكر يجي ويسأل علي مافكر يعتذر مني ويشوف احوالي  مشتاقتله مشتاقه لحضنه لضحكته ولسوالفه   ليش هيج سوه  بيه ليش شسويت اني  حتى يكسرني بالهطريقة