زوجي سبب عذابي ( الدرجة المغربية )

الجزء 1

✴ زوجي سبب عذابي ✴

🌸 فاطمة الزهراء مبارك 🌸

⚛الجزء 1⚛

في بيت جالس و شادة ستيلو في يدية قدامي كتابي هذا عامي الاخير في الماستر ضروري ناخدو تفتح عليا الباب و دخلات منو ماما الحبيبة الله يخليها ليا هازة في يديها كاس ديال اتاي و كيكة حطاتهم و جلسات حدايا

ماما:الله يهديك ا تقة بنتي حيدي داك الدفاتر و خودي تاكلي
تقة:غير خليني ا ماما مبقاش بزاف و نكمل راك عارفة هذه الوقت هو لي عندي فيه نراجع
ماما:لي بغيتي المهم عتقي رسك بالماكلة شوفي كيف وليتي صفرة
تقة:اري اري اميمتي ما يكون غير خاطرك

خديت من عندها و بديت كناكل و عيني في الكتاب ناضت خرجات البيتها و انا بقيت كنراجع سليت و نضت خرجت الكوزينة قلبت في التلاجة لقيت المخ و انا كنحماق عليه منين كان بابا حي كنتخاطفو عليه هزيتو و ديرتو مع مطيشة و البيض و ماما ديرت لها الكفة عمرت اتاي و حطيت الخبز غوت ليها تاكل

ماما:غدا عندك الخدمة كيف ديما
تيقة:راك عارفة سيرفير gestion de production
ماما:و الامتحانات كيف عديري فيهم
تقة:هضرت مع المدير خلاني كيف العام لي فات
ماما:اوا الله يعاونك
تقة:انت دعي معايا بالخير
ماما:الله يوقف معاك ا بنتي
تقة:امين

كملنا العشاء غسلت الماعن و مشيت نعست طيحت دودة معقلتش على راسي

سمحو ليا دخلت هذه الدخلة المهم نعرفكم براسي انا تقة المنصوري 23 سنة هذه العام عندي الماستر و خدامة في شركة الاستراد و التصدير انا مساعدة المدير في قسم التدبير بنت طويلة و حروفي كوحل شعر طويل و اسود عندي حقي من الزين عايشة غير مع ماما باب مات الله يرحمو فاش كنت كنقرى في الباك عندو اجونس ديال طونوبيلات شريك مع واحد الراجل لكن خليت ليه كلشي في الاخير السنة كنتحاسبو رجل حقاني الله يعمرها دار معتابرني كيف بنتو هذه القصة لي عنحكيها ليكم هي قصتي معرفاش القدر شنو مخبع ليا نهائيا المهم انا بنت مأمنة بالقضاء و القدر و ان الله هو المسير و المدبر

✴ زوجي سبب عذابي ✴

🌸 فاطمة الزهراء مبارك 🌸

⚛ الجزء 2⚛

فيقت الصباح كيف العادة مشيت توضيت و صليت لقيت ماما الحبيبة موجدة الفطور فطرت معاها و خرجت الخدماتي ركبت طونوبيلتي و كسيريت الشركة دخلت ليها و دوزت النهار كامل غير من دوسي الدوسي حتى 4 العشية خرجت و دوزت الباتسري خديت الحلوة و شي كرواسات ورجعت لقيت مولات الحرشة خابزة شافتني و بتاسمات

خ.نعيمة:بنتي تقة خاصك شي حاجة
تقة:عطيني واحد 5 دراهم الحرشة و واحد 5 من هذه الرغايف
خ.نعيمة:هي الاولى ابنتي هي شي حفلة هذه
تقة:اشمن حفلة ا خالتي الله يهديك راه مبغيتش نعدب ماما و صافي
خ.نعيمة:اوا ردي ليها البال الله يخليها ليك هاكي ا بنتي
نقة:ربي يتهلا ا خالتي بسلامة
خ.نعيمة:بسلامة ا بنتي