زوجي سبب عذابي ( الدرجة المغربية )

الجزء 2

✴ زوجي سبب عذابي ✴

🌸 فاطمة الزهراء مبارك 🌸

⚛ الجزء 6 ⚛

في طريقي تلقيت منى واحد صحبتي الله يعمرها دار الزغبية مشات تزوجات و عندها جوج وليدات صفوان هو الكبير و عندها ضياء شافتني و جات عندي

منى:اهلان الجنية توحشتك
تقة:حتى انا
منى:غبرتي
تقة:مع الخدمة راك عارفة و الامتحانات عاد ساليت
منى:فين غادا
تقة:الحمام
منى:سيري و شدي ليا بلاصة معاك عنجي دابا نجمع حوايجي
تقة:ايه هي الاولى

مشيت الحمام خلصت الطيابة شديت بلاصة المنى كيف بغات جابت معاها ضياء واحد الفنكوشة غير ديال العضان متشبعيش منها الله يخليها ليها

منى(عطاتني نحك ليها ضهرها):شكون هديك لي جالسة معاكم في الدار
تقة:خالتي
منى:منين خرجات معمري شفتها
تقة:زيديني عليك جا اليوم ولدها كرهتو
منى(شدات الكيس و دارت عندي):اهياتا كيفاش هذه القضية

تقة(تنهدت و عودت ليها كلشي)

منى:هاي هاي على ولد لحرام و انت مدرتي فيها مايصلاح مني سكتي ليه
تقة:شنو بغيتيني ندير اااه
منى:فضحيه
تقة:خلاص عليا راه غير سيمانة و عيمشي بحالو
منى:اجي كيف داير هو
تقة:عندو حقو في الزين
منى:واش زوين ولا خايب
تقة:صرحة اول مرة عجبني
منى(ضرباتني اليدي):اذن حاس بزينو
تقة:اممم شدي شدي غسلي و خرجي البنت راها سخفات

ضحكنا مع بعضياتنا و خرجنا بجوج لبست حوايجي و مشيت الدار معاها كنضحكو خديت ليا عصير و خدت لبنتها حتى هي سلمت عليها و طلعت الدارنا لقيت ماما و خالتي و ولدها جالس شاد البيسي

ماما:بصحة الحمام
خالتي:بصحة ما شاء الله غزالة
تقة:شكرا
(شفت في ولدها مهزش الراس مديتهاش فيه):ماما متفيقينيش العشاء بغيت النعس
ماما:معاياش فايقة
تقة:مع 5 الصباح خاصني نمشي الرباط
ماما:واخا ا بنتي

مشيت بحالي دخلت شربت داك العصير و نعست طحت دودة و مرتاحة
✴ زوجي سبب عذابي ✴

🌸 فاطمة الزهراء مبارك 🌸

⚛ الجزء 7 ⚛

صباح يوم الاتنين فقت الصباح مع 5 توصيات و صليت لبست حوايجي و خرجت كنشم ريحة القهوة ماما مسكينة دائمة مفكرة فيا دخلت الكوزينة لكن مكانتش هي كان ولد خالتي غوبشت جيت خارجة و هو يدور عندي

عامر:مرة أخرى ديري الحس
تقة:كنضن راني في دارنا ا بنادم
عامر:امم واخا عالم الله شكون غادا تصيدي في الرباط
تقة:بغيت نجاوبك لكن تفكير فيه غير الخماج معنديش ليك الوقت و صباح هادا

مرضاش شافها خرجات كل من الشرجم لقاها ركبات و كسيرات حرك راس بلا حولة و مشا البيت جلس على البيسي يخدم