زوجي سبب عذابي ( الدرجة المغربية )

الجزء 5

✴ زوجي سبب عذابي ✴

🌸 فاطمة الزهراء مبارك 🌸

⚛ الجزء 21⚛

شاف فيا و جلس على الكرسي انا مديتهاش فيه حيت ولفت على المعيور من عندو صافي بردت هو كي شوف فيا

عامر:شكون هداك لي كنتي معاه في الجردة
تقة(شافت فيه):راجل جاب بنتو تلعب و جلس حدايا بقيت نهضر معاه
عامر:اممم كنتمنى متنسايش راسك بلي راكي مزوجة
تقة(شفت فيه بتحدي):الحمد لله الوليد رباني احسن تربية و عارفة راسي مشي بنت السوق لي تقيل هازة رجليها لشمايت

رجعت حنيت راسي على الطبسيل و كنفكر هدا منين عرف اذن حاط عليا شي واحد مراقبني خاصني نحضي راسي

اما عامر ولا كي ياكلو الشك لا تكون كتخونو من مور ضهرو دار ليها في تيلي ديالها تطبيق التجسس كي وصلو كلشي حتى منين كتكون كتهضر مع كريستوف حتى الواحد النهار دخل البيسي في الخدمة و سمع شنو دار بيناتهم

انا كنت جالسة و كناكل وليت وكالة و مكنحرم راسي من والو على قبل ولدي حتى كي صوني ليا تيلي شفت شكون كان كريستوف جاوبت ديك الساعة

تقة:كريستوف صافا
كريستوف:صافا بغيت نشوفك دابا ضروري
تقة:علاش
كريستوف؛نتلاقاو و نهضرو
تقة:سمح ليا منقدرش نخرج الا عندك شي حاجة قولها دابا
كريستوف:صرحة انت كتعجبيني بزااف و بغيت تكون بيناتنا شي علاقة
تقة(صدمني بهضرتو):كيفاش
كريستوف:كيف سمعتي بغيتك و تكون بيناتنا علاقة بلا خبار راجلك
تقة(تعصبات):سمعني نهار هضرت معاك شفت فيك خويا لي معنديش خويت عليك قلبي باش نرتاح مشي تم جاي تقول ليا هذه الهضرة انا كنبغي راجلي و اخر مرة تاصل بيا سمعتي

قطعت عليه و جلست كنفكر فلي سمعت تفو كاملين صاحب حاجتهم دازو ايام و انا قربت ندخل لشهري 3 و ليت وكالة حتى بانت عليا اما عامر ولا معايا مزيان و دائما كي ضحك في وجهي و يبغي يجبد معايا الهضرة معرفتش شنو تحت راسو حتى نهار لي وصلني ميساج كان هو جالس حدايا هزيت تيلي و حليتو لقيت مجموعة من الصور مع البنات مختالفين في البار و فوق السرير تبسمت على زهر لي عندي وخى ممعبراهش لكن منقدرش نخونو و هو كي خون قدام عيني و يضحك على الاقل يدير بحسابي راه مراتو

خرجت بقرار لا رجعة فيه نضت البيتي و سديت عليا

〰〰〰〰〰〰
شمن قرار عيكون✴ زوجي سبب عذابي ✴

🌸 فاطمة الزهراء مبارك 🌸

⚛الجزء 22⚛

عند عامر

عاشت معايا تقة في الدار و كل نهار كنبغي نهينها على الله ننسى ديك ليلة لكن مكنقدرش داكشي لي درتو فيها ميدارش مكنتش باغي نغتاصبها وليت كنجيب كارلا الدار هي سكرتيرة ديالي في الشركة باش ننساها و منعمرش راسي بيها لكن كنلاحظ انها ممصوقاش واش نسات اولا كتبغي تتناسة مفهمش والو كنمثل عليها انني كنمارس معاها باش تقطع املها فيا لكن املي فيها انا لا
كنشوفها داخلة سوق راسها حتى قررت نصالحها و نطلب منها السماح متقبلاتوش و ولات كتصدني كيف موالفة