( بنيه اسد ) 🖤💍

بارت ثاني

يكلي ...
واذا سألوج عن مكانج گليلهم بـ عيونه وبنص گلبه.🧿❤️

اسد....🖤
موج ...♥️
    
             ( بنيه اسد )
موج

كاعده ب السياره تقريبا صار ساعتين من طلعنا كلش جعت.
موج : بابا جوعانه .
ابو موج: محمد اوكفنا يم مطعم.
محمد: بابا بعدنا بغداد خلي تتحمل مبقه شي و اطلعها.
كعدت ساكته حسيت الموضوع صار جدي شويه.
تقريبا صارت الساعه 7:00 صبح كعدت ف امي كالت.
ام موج: دخلنا البصره موو.
موج: ياا راح اشتاق البغداد.
ابو موج: بويه محمد اخوك هشام ورانا.
موج: ذاكه ورانا بابا.
ابو موج: ها تمام
اباوع عله الطريق كلش حلو زرع صح تربيت هنا ب البصره بس من زمان لذالك ناسيه ههه احبه بس احب بغداد اكثر.
محمد: بويه يمكن بغداد راح تسقط.
ابو موج: انته شمدريك.
محمد: الرئيس صدام سفر عائلته بقه بس هوه و ابنه عدي هنا.
ابو موج: الله يستر.
_______________
اسد

كاعدين ننتضر عمي يوصل كال دخلنا البصره ابويه كال نرحب بيهم و نسوي فجران دم جوه رجلين اخويه.
اسد : بويه تقصد نجيب خروف و نذبحه جوه رجلينا.
ابو علي: طبعا جيب .
اسد : صار بويه.
طلعت اخذت مفتاح سيارتي و طلعت.
جبت الطليان و جبت دجاج هم ويا.
حطيتهن ب الحديقه و دخلت البيت ابويه كال عمك وصل طلعت ب الباب سلمت عليهم و دخلت النسوان للبيت.
اخذت عمي و ولد عمي و رحنا الديوان عمامي كلهم جمي سلمو على عمي ياسين طلعتهم مره ثانيه ابويه ذبح الطلي و الدجاج جوه رجلين عمي و طبخنا اتصلت على اخويه علي مرد كلبي ممطمن اعرف راح يصير شي.
________________
موج

وصلنا البيت عمي سلمنا عليهم دخلنا ابن عمي الي اسمه اسد اعتقد طبيت للبيت سلمنا ع عمتي و اخذونا للديوان كعدت بصف زهراء.
أم علي:جا خيهه ام هشام شلونج.
أم موج: الحمدلله تمام بخير.
أم علي: عساكم بخير نشالله.
موج بهمس:هسه اني  شجابني هنااا.
زهراء: ولج موج نجبي كافي😂.
موج: عزه ولج يخوفون شايفه انتي اول منزلنا كبل كال طبو.
أم علي: لطيفه يمه اخذيهن للغرفه خلي يرتاحن.
موج: عذرن على المقاطعه عمتي بس كلنا بغرفه.
ام علي: ههههه لا .
موج: حلو لعد يلاا.
اخذتنا لطيفه للغرفه زهراء هيه و هشام بغرفه و امي اخذت غرفه واني !.
لطيفه: راح تنامين هنا ويانا.
موج: ويانا.
لطيفه: اي اني و اختي رقيه هنا نام.
موج: اها تمام اكلج اريد اسبح.
لطيفه: تعاي.
اخذت ملابس ورحت حتى اسبح.
لبست ===》