( بنيه اسد ) 🖤💍

بارت 16

مرت الايام والسنين بلمحه بصر ومن دون ما نحس بيها
2022
جنت نايمه بغرفتي دخلت عليه خاله
ام دريد: موج .. موج بنتي كعدي يلاا.
موج: صباح الخير خاله.
ام دريد: صباح النور...موج يمه جهازج دك.
كمت ركض لزمت جهازي فتحته وكلت...
موج: هلا يا خراا ستوج اذكرتي موجججج مشتاقتلجج عوبه.
رقيه: وجع شبيجج طيني مجال احجي..هلا يعمري اني همم كومه كومه كومه مشتاقتلجج.
موج: همزينن.
رقيه: وجع 😂💔 ..موجه باعي احمد طلب اعزمج لانو معنده رقمج.
موج: تعزميني!؟ ..ليش شكو .
رقيه: عرس احمد السبوع الجاي وسمعت خلصتي كليه اتمنا تجين وبعدين عود رجعي روحي عادي .
موج: طبعا اجي اني ما اجي...رقوشش بشري شصار وياج.
رقيه: لحمدلله تربيه قسم رياضيات.
موج: الف مبروك.

حجيت وياها سديت جهاز وتوجهت للحمام سبحت ونزلت جوهه يمهم دا يفطرون صبحت عليهم وكعدت.
موج: خاله باجر ترحون وياي.
زينب: اني مااكدر لانو اريد اجهز غراض عرسي.
ام دريد: اني هم مااجي خاله..اهل زينب السبوع الجاي يجون.
باوعت عفهد بنضرهه ترجي باوع عليه وكال.
فهد: لا لا لتحاولين عندي شغل.
موج: افف...زين خاله اخذيني لسوك...وفهد احجزلي طياره عنهار باجر.
فهد: صار من عيوني.
كمت توجهت غيرت ملابسي لبست تنورهه طويله وقميص ابيض بي خطوط جوزي وشيله سوده وحذاء رياضي ابيض واخذت جنطه سوده نزلت جوه لكيت خاله أم دريد لابسه توجهت عليها ورحنا فهد ح يوصلنا..

اخذت كلشي اريده من السوكك من جنط وملابس للعرس وهدايهه للبنات وفساتين الهن همم وشتريت ملابس نوم الي وكماشات شعر وعطورهه .
___________
اسد

مرت الايام عايشها مابين شوكي الها وبين تربايتي لدلالي...2\2 بدينا باسبوع جديد ..عرس احمد هل ايام قررت انسه كلشي واركز ع تربايتي لبنتي دلال وبس ..
ساعه 9:00 صباحا
نزلت جوه لكيتهم كلهم كاعدين توجهت كعدت يم امي
اسد: صباح الخير
ام علي: صباح النور هلا يمه.
بست راسها صبحت عليهم كلهم ونزلت دلالي اجتي كعدت يمي.
دلال: باباا اسدد...جوعانه.
اسد: هسه يجيبون ريوك..لطيفهه خويه اكل لدلالي.
لطيفه: تأمر خويه.
ام علي: يمه اسد جا انته تبقه هيج..
اسد: شلون يمه
علي: خويه اسد امي قصدها انو لازم تزوجج...انسه الي صار خوما تبقه متعلق بيها.
اسد: اني كتلكم...ما اخذ غيرها..بعدين نسيت كلشي صار خلاص.
نزلت رقيه فرحانهه وهيه تصيح ع لطيفهه
رقيه ( بصياح) لج لطيفههه مرامم وينجنن.
ام علي: خير يمه شكو شصار.
اجي لطيفه تركض هيه ومرام من المطبخخخ
رقيه: لطوفف مرامم...عندي خبر الجن يموت.
لطيفه: شنو الخبر
رقيه: لا خوما هيج تردين اكلج كبل ادفعن يلاا كلشي بسعره.
متت ضحك من غمتها لطيفهه وطلعت فلوسها ونطتها
مرام: هيه لطيفه نطتج عشره خمسه مني وخمسه منها.
رقيه: تمام...الخبر هوه انوو....
اسد: خويه شلعتي كلبهن وكلبي وياهن احجي( بضحك)
رقيه: الخبر انو موججهه باجر جايهههه..
هناا تلاشت ضحكتي من كالت اسمها موجج باجر جايهه..!! يعني ..يعني باجر ارجع اشوفها..اشوف بنيتي من جديد.
شفتهن وهنه يكمزن بفرح امي حطت ايدها ع ايدي وهيه فرحانهه اماانه مشاعر مختلطه حب ع اشتياق ع فرح ع حزن هوايي بعد كمت طلعت للديوان بره.

________
رقيه

بعيدن ع أحداث اليوم الي جانت طويله كلش كمت سبحت و لبست دشداشه سوده بيها دانتيل اصفر منجوه.
نزلت جوه توجهت للمطيخخ.
رقيه: شنو حسون غده..!!!
لطيفه: لحم وتمن ومركك ودجاج وهيجج.
رقيه: شنو هلكد.
مرام: بيت عمي ابو موج حيجون.
حسيت كلبي نقبض تدرون ليشش..لانو اني ومحمد نفصلنا من يوم اخر امتحان الي تعاركنا وخلاص محمد مشفته وراها ولا شافني ولا شفته وراها..
رقيه: اني طالعه عالشط.
همهمتلي لطيفه طلعت من باب المطبخ الخلفي ورحت كعدت هناك احس الهوه يرد الروحح....>
بعد ساعه تقريبا
؟؟: كاعده وحدج .!!
لصوت مو غريب عليه باوعت ورا وجان
رقيه بصياح: زهووووووو واخيرا اجيتو.. ركضت حضنتها
زهراء: ولج خنكتينييي نعال.
وخرت عنها واني ميته ضحك ع شكلها طبينه جوهه واني متحمسه من ناحيه انو موج باجر جايه ومن ناحيه انو...محمد هنا..#يتبع

لك الوريد ♥️🧸