بمدرسة الثانويه بنات ..... في الامتحانات النصفية كنت اقف مع رفقاتي عم اضحك وضحكتي وصلاه لاخر الشارع ف لمحتو جاي من بعيد اختفت ضحكتي وديرت وشي وسمحت لدمعتي الي نزلت غصب عني بدون ماحدا يحس من رفقاتي بس وحدة حست .. ياترى اية قصة هالشخص؟؟
● رح عرفكم عني وعن عيلتي ..
(اسمي سارة عمري 18 سنةوهالسنة بكلوريا ووحيدة علي تلت شباب
عيلتي بتتكون من ماما وبابا وتلت شباب محمود الكبير ويزن الوسطاني وعمار اصغير بين الشباب وانا اخر العنقود يزن متجوز ومحمود وعمار مسافرين محمود متجوز وعندو بنوتة وعمار عزابي لسا )
● صفاتي 😊 ( سمرا وعيوني سود كبار رموشي طوال وشي مدور وإيلي خدود وإيلي غمازة بخدي اليمين وتمي صغير ومنفوخ وجسمي مخنصر نحيفة وطويلة يعني جسمي بيجنن بكل معنى الكلمة وشعري طويل لاخر ضهري محجبة وبلبس بلوزات عند الركبة )
● شخصيتي .. ( عنيدة كتير وعصبية لابعد درجة بس قلبي طيب وبسامح فورا و مرحة وبحب الضحك والاغاني ومابحب الحزن والحقد )
▪︎▪︎▪︎▪︎▪︎▪︎▪︎▪︎▪︎▪︎▪︎▪︎
رجعت من المدرسة درست شوي وبعدين رحت ع المطبخ لعند ماما .
سارة : يعطيكي العافية .
ماما : الله يعافيكي خلصتي دراسة .
سارة : اي خلصت لاني دارسة المادة من قبل .
ماما : الله يوفقك ولا يضيعلك تعب .
سارة : امين يارب ... ساعدك بشي .
ماما : اي تعي فرمي السلطة جنب المجدرة .
سارة : ياعيني غير شكل .
ساعدت ماما اجا بابا اكلنا قعدت معهم شوي وطلعت علي غرفتي فتحت وتس لاحكي مع جوري ( رفيقتي المقربة مابخبي عني شي ابدا متل اختي )
سارة : هاي جوج .
جوري : هلا سوسيتي شلونك .
سارة : ماشي الحال خلصتي دراسة .
جوري : اي خلصت مالك مو علي بعضك ليش فينك شي .
سارة : لا مافيني شي .
جوري : لاتكذبي في شي احكي شفتي علاء؟
سارة : اجا اليوم ع المدرسة .
جوري : عنجد ما شفتو .
سارة : مابعرف بيجوز مانتبهتي .
جوري : اييي اش صار .
سارة : ماصار شي بس من كل قلبي الله لا يسامحو .
جوري : امين خلص بقا لاتفكري في ونسي .
سارة : شلون لانسا وهو بيتو جنب بيتي كل يوم بشوفو ع البلكون ماعبقدر مو بأيدي .
جوري : لك سارة شفتي بعينك كلشي وصار قدامك .
سارة : خلص جوري سكري ع الموضوع .
جوري : سارة لأيمت لتضلي هيك خلص انسي وكملي حياتك واحد حقير مابيستاهل دمعة من دموعك .
سارة : ان شاء الله يلا لأنام انا .
جوري : اي يلا عمري تصبحي ع خير .
سارة : وانتي بخير .
_ سكرت وتس وحطيت راسي ع المخدة ودموعي ع خدودي وسرحت بذاكرتي ..
● فلاش بااك ...
ماشيين انا وجوري ع الحديقة وعم ناكل بوظة .
سارة : طيبة موو ..
جوري : مووو ..
سارة : ياالله هلقد شتقتلو لعلاء صرلي اسبوع ماشفتو .
جوري : يلا مو عساس بكرا لينزل من طرطوس .
سارة : اي هيك قلي قبل مايسافر .
_ دخلنا ع الحديقة وشفتو لك ايي شفتو آعد مع وحدة وعم يبوس ايديها وهي عبتتغنج علي نزلت دمعتي حرقت خدي رحت لعندو وصرت اسفق .
سارة تبكي : اي اش هالرومانسية هي .
علاء متلبك : سارة روحي شتقتلك لاتفهمي غلط هي بتكو .
سارة : ولا حرف ولا كلمة شفت كل شي بعيني ماحدا قلي لك ليييش ليييش اش ساويتلك انا لحتا تساوي فيني هيك .
علاء : سوسو فهمانة غلط ولله .
سارة : اسمي ماتقولو ياحقير .
_ صرت اضربو ع صدرو بكل قوة وانا عم ابكي مسكني من كتافي واجا ليضمني دفشتو عني .
سارة : اووووعك تمد ايدك علي ياحقير لك عطيني سبب واحد لتخوني ها ولا لاني ماعطيتك رقمي ولا خليتك تمسك ايدي لاني حافظت ع حالي وحافظت ع سمعة اهلي .
علاء : سارة اهدي .
سارة : خلص ولا حرف كلشي صار قدامي كلمتين مارح اقول غيرن الله لا يسامحك .
_ تركتو ومشيت وانا عم ابكي بحرقة ونسيت جوري ... انا حبيتو من كل قلبي كان الي كلشي بالنسبة الي كنت دائما ادعي بكل صلاة نكون لبعض جزاتي اني ماعطيتو رقمي كنت خايفة يحسو اهلي ومانكون لبعض هيك جزاتي لحقتني جوري مسكتني وطالعتني ع البيت وقالت لماما شافت قطة صغيرة ميتة زعلت عليها ضلت جوري معي لحتا هديت جوري كانت قطعة مني كأني انا كانت تحس بكل شي عم بيصير معي ضلت معي وحاولت تخفف عني لحتا قدرت انسا شوي واتخطا الموضوع بس لهلا جرحي عم ينزف ..
