بعد اسبوع واقفة بشارع عم استنا جوري لتنزل ةكنت ليبسة بنطلون جينز كيشف وجاكيت كحلي لتحت الركبة وخفافة بيضا وشال ابيض وشنتاي بيضا
سارة: تأخري اماانة اكتر ها
جوري: لك ايي لعما شقد بصلتك محروقة امشي يلا تأخرنا
رحنا ع الجامعة لنسجل وسجلنا تنيناتنا هندسة ديكور وكان بعد اسبوع الدوام مر الاسبوع بسرعة وكان اول يوم النا بجامعة رحنا تنيناتنا وكنا متل الاطرش بالزفة😂🙂💔ماكنا منعرف حدا ولا حدا بيعرفنا اخدنا الجدول ورحنا ع قاعتنا وطبعا اول يوم النا بجامعة ساوينا حالنا شاطرين وماروحنا ولا محاضرة 😁 كان الجو كتير حلو بالجامعة صبايا اشكال والوان وشباب كمان اشكال والوان كان كتير حلو اليوم رجعت ع البيت وانا هلكانة الجامعة بعيدة ع البيت كنت امشي شوي وبعدا اخد سرفيس لحتا اوصل ..
مر اسبوع ع دوامنا بالجامعة وكلشي تمام كانت ماما مرضانة ماحسنت اروح ع الجامعة ضليت معا وكنت عبحوس وحيطة الاكلة ع النار طبعا ماما معلمتني الطبخ وبعرف اطبخ كلشي يعني ست بيت بعجبكن🌚😌😁 خلصت حوسة دق الباب طلعت من العين شفت مرة فكرتا مرت اخوي فتحت الباب وفعلا طلعت مرت اخوي بس معا اما الله لايرويكن ع هيك خجلة كنت ليبسة روب امي النوم يمكن بتسع مرت واخوي واما معي وريبطة شعري كعكة وشحاطة ركدت ع غرفتي من خجلتي غيرت غراضي وساويت شعري وطلعت لعندن
سارة: اهلا وسهلا خالة لاتواخذيني بس كنت عبحوس
اما للين: اهلين فيكي عادي روحي ولايهمك يعني اكيد مارح تكوني ليبسة فستان سهرة انتي وعبتحوسي
لين: سارة شلون صارت مرت عمو
سارة: يعني احسن ثواني لحتا اقلا
رحت لعند ماما وقلتلا اجت اما للين قامت وأعدت معا وعم يحكو ساويت قهوة وضيافة ضيفتا وأعدت معن
اما للين: اش سجلتي سارة
سارة: هندسة ديكور
اما للين: حلو الله يوفقك يارب ولايضيعلك تعب
سارة: امين يارب
بعد شوي راحو اجا بابا اكلنا وعطيت الدوا لماما ورحت ع غرفتي لانام فتحت وتس ولاقيت حدا باعتلي رقم غريب
..?هاي ياحلوة
سارة: هلا مين معي
..?مفكرة اذا حظرتيني مارح اقدر اجيب غير رقم واحكي معك منو
سارة: هاد انت
..?بعرفك زكية اكتر من هيك
سارة: انا مو قلتلك اذا بترجع بتحكي معي لاحكي ليزن
..?اي احكيلو بلكي انا كمان بحكيلو ع اخو يلي ضحك ع اختي
سارة: اش دخل اختك
..? اخوكي ياخانم ضحك ع اختي وخلاها تتعلق في وبالاخير كبلا مي باردة
سارة: بالله وانا شلون لاسدقك
..? بتحبي دقيلو وسألي
سارة:انا اخواتي شريفين ومابيعملو هيك شي
..? قصدك انا الوسخ
سارة: انتي الي قلت ماانا
..? انا بفرجيكي ياسارة
سارة: ايدك وماتعطي
مسحت الرقم ونسيت احظرو وصرت افكر معقول اخوي عمار يعمل هيك شلت الافكار من راسي واكيد هداك عبكذب علي وغطيت بنوم عميق ..
فقت الصبح فرشيت سناني وغسلت وشي وتطمنت ع ماما لبست ونزلت ع الجامعة بالاستراحة كنت آعدة بالكافيه عم اشرب ميلو انا وجوري دق موبايلي رديت
سارة:الو
..? دخيل هالفضي انا مايبلا
بحلقت عيوني بخوف وبلعت ريقي
سارة:لكك انت مابق تحل عني
..? بأحلامك عمري بس حبيت اقلك بدك تقولي لاخوكي قوليلي واذا لتقولي لابوكي كمان قوليلو ماعندي مشكلة بس هالمرة رح احكي انا كمان عن اخوكي وعنك
سارة: عبتهددني
..? فهميا ع كيفك
سارة: الي عندك عندي وعكل حال انا مابخاف غير من الخلقني ويكون بعلمك بتجي بتحكي لاهلي بروح بحكي لاهلك عن اعمالك الوسخة ع القليلة انا ماخنت حدا
..? انا بفرجيكي ياسارة عملي وكتري الا مايجي يوم وتندمي
سكرالخط وانا عيوني حمرو من عصبيتي وحكيتلا لجوري من اول مرة دقلي كنت خايفة كتير هدتني جوري وانا طلعت من الجامعة قبل مايخلصو المحاضرات ماعاد قدرت اضل الله لايوفقو كانت حياتي ماشية تمام .. قررت مااقول لحدا وحكيت مع اخوي عمار ع الوتس وحاولت اجرو بالحكي
سارة: شلونك عمورتي
عمار: اهلين سوس الحمدلله منيح ونتي وشلون دراستك
سارة: الحمدلله كلو تمام
عمار: ماما وبابا ويزن شلونن
سارة: كلنا مناح ناقصنا شوفتكن انت ومحمود
عمار:الله كريم
سارة: اي طمني اشفي مافي ماحاجتك لازم تخطب
عمار: لا اختي مابدي
سارة: ليش ليقوم في وحدة براسك
عمار: كان في وهية عندكن بالبلد بس الشغلة صرلا من وقت كنتي بكلوريا
سارة:يعني حكيت معا
عمار: حكيت معا فترة شهر وتعلقت فيا مابعرف اش صرلا بلشت تتغير علي ومرة بعتتلي .............
سكرت من عمار وانا عيونو متل الجمر من العصبية هالواطي كنت متأكدة انو عمار مالو علاقة ابداا بالقصة ....
___
تاني نهار السااعة 1:00 محاضرتي بتبلش بالونص لبست ونزلت ع الجامعة وصلت ع الجامعة شفت جوري هنيك واقفة مع عامر ماحبيت ازعجن بس صاحتلي جوري وكانت فرحانة
سارة: مرحبا😊
جوري وعامر: اهلين سارة
سارة: خير جوري في شي لحتا صحتيلي
عامر: في خبر كتير حلو
سارة: وهوو?🤔
عامر: بكرا رح نروح انا واهلي لعند جوري مشان الخطبة
سارة بفرحة: عنجد يااااي ان شاء الله الف مبروك ياعمري😘♥️😌
جوري بخجل:الله يبارك فيكي وعقبالك
اجا شب من ورا عامر وسلخو طيارة ع رقبتو
محمد: بدك تخطب ومارح تقلي 🙂
عامر بعصبية: لك كسرا مابتبطل عادتك
محمد بأبتسامة وعبطلع ع سارة: شلونكن صبايا
جوري وسارة: هلا ☺
عامر: انت مو هي ايخر سنة الك ليش مابتحضر محاضراتك شتهيت شي مرة الاقيك بالقاعة
محمد: لعما ضربك لسا كلو ليوم ماحضرت بعدين انا ع القليلة مارسبت سنتين بالبكلوريا😂😏
عامر: كول هوا لعما ضربك امشي امشي قدامي حاج تنشر غسيل بقا
سارة بضحكة: خلينا نمشي جوري هدول مصيفين
محمد سرحت بضحكتا وغمازتا وقلت بقلبي اااخ يارب صبرني
_____
بالبيت آعدة عباكل بشفايفي وبفكر بقصة عمار لازم الاقي حل جوري مارح تقدر تساعدني رح تلتهي بخطبتا لازم الاقي حدا ضروري ..
تاني نهار نزلت ع الجامعة مااجت جوري ملتهية بالحوسة 🤣 كانت عندي محاضرتين خلصتن وكنت لاروح في حدا مسكني من ايدا نترت ايدي وندرت لحتا انزل بالعاصفة 🤣😨🙂
سارة: لك مين انت لحتا تمسك ايدي .... هاد انت
...? اي انا دخيل العصبي
سارة: مارح تحل عني بقا
...? بأحلامك ولله
رجع مسكني من ايدي بقوة صرت اعيط علي لاجا حدا وبعدو عني
محمد:بكسر ايدي اذا بترجع بتمد ايدك عليها وبعدين مين انت لحتا تمد عليها ها قلي 🙂😠
...? شو ست سارة تقوليلو ولا اقلو انا 😉😁
محمد: هيييي احكي معي انا
...? وبصفتك مين بلا صغرة😏
محمد : مو شغلك
سارة : محمد من بعد ازنك ممكن تروح انا بتفاهم معو
محمد: سمحيلي هالمرة شوف ولاك اذا بترجع وبتمد ايدك عليها او بشوفك معا بدي احسب الله ماخلقك يلا نقلع من هون
...?حاج تطول وتقصر ع كل حال انا رايح وقصتك كبرت ياسارة عملي وكتري بعدين مبالك اذا جبتيلي هالطولان لاخاف
محمد بعصبية وهجم علي مسكو من قميصة: بدك تخرس ول...
سارة مسكتو من معصم ايدو وعيونا مدمعا: محمد بترجاك بعد عنو هاد واحد وسخ
محمد وقت مسكت ايدي هديت بعدت عنو : نقلع من هون يلا وانتي قدامي ع الكافيه
سارة: بس
محمد بعصبية : قدااامي
سارة وقت شفتو معصب ماجادلتو لاني مارح استفاد شي أعدنا بالكافيه
محمد: مين هاد
سارة عببكي بصمت
محمد بعصبية: لك حاااج حااج تبكي حااج
سارة ببكي: لككك شايفني عببكي وعبتعيط علي
محمد هديت : اسف تسرعت شوي بس ممكن افهم مين هاد انا بعرفو واحد كتير وسخ اش علقك معو
سارة ببكي اكتر
محمد: ياربي دخيلك
قربت منا لامسح دموعا دفشتني بخفة ومسحت دموعا
محمد: اسف
سارة: عادي انا بعتذر ع شي الي صار وهلق عن اذنك تأخرت ع البيت
محمد:روحة ع البيت مافي لاعرف مين هاد
سارة: بترجاك خلص
محمد: لكك انتي بتعرفي مين هاد اوسخ عباد الله وكل يوم مع بنت شكل ومن كبريه لكبريه
سارة ببكي: لك خلص بكفي بكفيي حااااج
محمد: سارة انا بعرفك بنت مرباية شلون وصلتي لهاد
سارة: رح احكيلك بس بتمنى هاد الشي مايطلع لبرا ابدت ولا حتا لجوري ولا عامر
محمد:تطمني واحكي مارح اقول لحدا
سارة: حكيتلو كل القصة وقصة اخوي عما
محمد: انتي متأكدة انو اخوكي مالو علاقة
سارة: اخوي وبعرفو مستحيل يعمل هيك شي وحتا حكي كان بزور يحكي معا
محمد: طيب قومي هلق لاوصلك ع البيت وبكرا بشوفك ومنحكي
سارة: لا شكرا مابدي اعزبك معي واسفة ع الشي الي صار ليوم
محمد:لاتحكي هيك انتي شي كتير غالي ع قلبي
سارة خجلت ورحت من قدامو وصلت ع البيت كنت فيرطة من التعب دقتلي جوري
جوري:وليك ياكلبة مابتسألي
سارةبتعب: تعبانة ولله .. طمنيني اجو اهلو لعامر
جوري: اي اجو وحكو مع بابا وقلن بابا ليسأل عليهن
سارة: سألك اذا بتعرفي
جوري: اي سألني قلتلو معي هو بالجامعة
سارة: يلا كلو خير ان شاء الله
جوري: ان شاء الله اي وانتي اش صار معك ليوم
سارة: ها .. لا ولاشي عادي حضرت المحاضرات وجيت
جوري: اممممم
سارة: لتنزلي ع الجامعة بكرا
جوري: اي وانتي
سارة: اي اكيد بكرا عنا محاضرات هامة يلا جوجو بشوفك بكرة نعست كتير ولانام
جوري: طيب ماشي عمري يلا باي
سكرت من جوري وغطيت بنوم عميق
______
بطرف تاني آعد عم يدخن ويفكر بخبث ودق لرقم
...1? بدي ياك بخدمة
...2? امرني
...1? بدي ................. وحقك موجود😈
...2? مو تكرم عينك بكرا بجيك الخبر
...1? عبستنا
فصل الخط وابتسث بخبث
اش قصة هالشخص يلي معلق ع سارة ومين هو??
محمد عنجد بيعرفو??
اش مستني سارة بعد هالشي ??
#يتبع...
