Dear Nancy's Love (Unicode + Zawgyi)

Nancy's Love (Unicode- 1)

အဆင်​သင့်ဖြစ်​ပြီလားတဲ့​လေ။

ဘာကို အဆင်​သင့်ဖြစ်​ရမလဲ
ငါ​မေးခွန်း ပြန်​ထုတ်​ကြည့်ချင်​တယ်​
နန်​စီချစ်​သူ ။

မင်းနဲ့ခွဲရဖို့ အဆင်​သင့်ဖြစ်​​​နေပြီလား။
ဒါမဟူတ်​ ​ငွေ​ကြေးအနည်းငယ်​တန်​ဖိုးဖြတ်​ခံထားရတဲ့
စာရွက်​တစ်​ရွက်​​ပေါ်မှာ လက်​မှတ်​ တစ်​ခု အသက်သွင်းဖို့
အဆင်​သင့် ဖြစ်​တာကို ​​မေးတာလား ။ နန်​စီ့ အချစ်​။

ဒီလိုဆိုရင်​​တော့ မင်းမကြားနိုင်​​အောင်​
​ငါပြန်​​ဖြေရလိမ့်မယ်​။

ဘယ်​တုန်းကမှ အဆင်​သင့်မဖြစ်​ခဲ့ပါဘူး​လေ။

ဒါ​ပေမယ့် ပျက်​စီးသွားတဲ့ ယူံကြည်​ချက်​​တွေကို
တိုင်​တည်​ပြီး ငါကျိန်​ဆိုရလိမ့်မယ်​။ ငါဟာ
မင်း​ရှေ့မှာ ရပ်​​နေသ၍ အရာအားလုံး အဆင်​သင့်ပဲလို့
ငါ ​ဖွင့်ဟပါရ​စေ နန်​စီချစ်​သူ။

အို နန်​စီ နန်​စီ။
လှပ၍ တင့်တယ်​​သော
နန်​စီ။ မင်း သူ့ကို ပိုင်​ဆိုင်​သွားတာ
မဆန်းပါဘူး​လေ။

အနှစ်​နှစ်​ဆယ်​ နီးပါး သံ​ယောဇဉ်​ထုထည်​ဟာ
တကယ်​​တော့ တစ်​နှစ်​နီးပါး ချစ်​ခြင်းတရားဆိုတဲ့
​ခေါင်းစဉ်​​အောက်​မှာ ပြားပြားဝပ်​သွားရတာပဲ​လေ။

ဘယ်​အရာမှ တရား​သေ
မတွက်​ထား​သင့်ခဲ့တာ ငါအချိန်​လွန်​မှ သိခဲ့​ရော​ပေါ့။

​ရွှေ​ရောင်​​ဖောင်​တိန်​ကို တည်​ငြိမ်​စွာ ဆုပ်​ကိုင်​လို့
မင်းလက်​မှတ်​ထိုး​နေခဲ့ပြီ။

​ခြေနှစ်​​ချောင်းကိူ ချိတ်​ထိုင်​ပြီး ​စေ့​စေ့ကြည့်ဖို့
​တော့ ငါမ​မေ့​လျော့ခဲ့ဘူး နန်​စီ့ချစ်​သူ။

ကံ​မ​ကောင်းစွာပဲ အပြင်​ဘက်​က
မိုးဖွဲဖွဲက အလွမ်းဓာတ်​ကို
မြင့်​စေပြန်​တယ်​နန်​စီရဲ့အချစ်ရေ ။

ဒါ​ပေမယ့် ငါမငိုပါ​ဘူး​လေ။
မျက်​ရည်​ကျမိတဲ့အချိန်​က နည်းပါး​ပေမယ့်
မင်း ငို​ရော ငိုတတ်​လို့လားလို့ ခါတိုင်းလို
စ​နောက်​မှာကို ငါ​ကြောက်​မိတယ်​လေ ။

မင်းငါ့ကို ​အေးစက်​စွာ ကြည့််ပြန်​ပြီ ။
စာရွက်​​ပေါ်က မင်းလက်​မှတ်​က​လေးက
​သပ်​သပ်​ရပ်​ရပ်​နဲ့ အဆုံးသက်​တစ်​ခု​အကြောင်း တီးတိုး ​ပြောပြ​နေတယ်​။