Dear Nancy's Love (Unicode + Zawgyi)

Nancy's Love (Unicode - 2)

Mr. James David ထံတင်​လိုက်​တဲ့
​ပြောင်း​ရွှေ့စာက တပတ်​အကြာမှာ
ပြန်​တုံ့ပြန်​လာတယ်​။

ခင်​မင်​ရင်းနှီးမှုသက်​တမ်း
အနည်းငယ်​ကြာမြင့်နေပြီ ဖြစ်တာကြောင့်ရယ် ကျောင်းအရေးအရာကိစ္စများပါ အကြံညဏ်ကောင်းတွေ ပေးနိုင်တဲ့ ငါ့လို ပါ​မောက္ခတစ်​​ယောက်​ကို လက်​မလွှတ်​နိုင်​​ပေမယ့်
Mr. James Davidက စိတ်​မ​ကောင်းစွာပဲ ​
ပြောင်း​ရွှေ့ခွင့်​ပေးခဲ့တယ်​။

​ခလုတ်​ထိမှ အမိတဆိုသလို အမိမဲ့ ငါ့အတွက်​ အမိ​မြေကို သက်​သာလို
သက်​သာငြား အားကိုးမိတာ မဆန်းပါဘူး​လေ။

တကယ်​​တော့ မင်းမရှိတဲ့ ဆစ်​ဒနီဟာ
သိပ်​ကို အဓိပ္ပါယ်​မဲ့စရာ​ကောင်းလွန်းခဲ့တဲ့အကြောင်းကိုတော့ ငါတစ်​ယောက်ပဲ သိနေရင် ရပါပြီပေါ့ ။

အိမ်​နီးချင်း Leoကတော့ ငါ့ကို​တွေ့တိုင်း
မျက်​​မှောင်​ကြုတ်​ပြီး ​သူ အရင်​က ​ပြော​ပြောခဲ့တဲ့ "မင်းတို့နှစ်​​ယောက်​ဟာ သိပ်​ကို အံ့သြစရာ​ကောင်းတဲ့ လူတွေပဲ" ဆိုတဲ့ စကားအစား ​နောက်​ဆုံး​တော့ "မင်းတို့တစ်တွေဟာ လူထဲကလူမှန်း ငါ သဘောပေါက်သွားပါပြီ ၊ မိန်းမတွေဟာ သိပ်ကိုင်တွယ်ရခက်တဲ့ အမျိုးအစားတွေပါပဲ" လို့ စိတ်ပျက်လက်ပျက် ငြီးငြူနေတော့တယ်။

ငါ ရယ်​နိုင်​ခဲ့ပါတယ်​ ။
သူ့စကားကို ​သေချာတာ​ပေါ့လို့
​ထောက်​ခံရင်း ငါရယ်​နိုင်​ခဲ့ပါတယ်​။

Leo ရဲ့ ငါတို့နှစ်​​ယောက်​​အ​ပေါ်အားကျမှု​အစား စိတ်​မ​ကောင်းဖြစ်​မှုကို မျက်​နှာ​ပေါ်မှာ တစ်​ဆင့်မြင်​​နေရတဲ့အခါ မင်းကိုမုန်းချင်​လာတယ်​ နန်​စီ့ချစ်​သူ။

မင်းမရှိတဲ့ ပတ်​ဝန်းကျင်​ဟာ
ငါ့အတွက်​​တော့ ရှောင်​လွှဲဖို့ခက်​ခဲတဲ့ နေ့စဥ်ဘဝတစ်ခုလိုဖြစ်နေခဲ့တယ်လေ ။

​နောက်​ဆုံး​တော့ ငါ ဆစ်​ဒနီက ထွက်​ခွာဖို့
ရက်​နီးကပ်​လာခဲ့တယ်​။

အကြိမ်​ဖန်​များစွာ သွားဖူးခဲ့တဲ့
Sydney Opera House
ကို အမှတ်​မရှိ ငါ​ရောက်​သွားခဲ့တဲ့
ည​နေခင်းတစ်​ခုမှာ မင်းနဲ့ နန်​စီကို
ထပ်​​တွေ့ပြန်​တယ်​။