قساوه الزمن وظلمه بنت عمي مسيحيه ( مكتمله )

قرار الوصايه

خالتي من ضليت يمها حاولت بكد ماتكدر اتواسيني وشيل من همي بس هل شي ماخففف عليه جنت منهاره ومكسوره احس بفراغ على رغم من انو اني من جنت بهذا لعمر ماواعيه لدنيه ولا اعرف شنو واحد يضل بدون اهل واكثر من هاي تيتمت من ام واب واخ

ثاني يوم اني مانمت ليل كله اله على اذان لفجر غفيت وماطول ساعه ساعتين فزيت وصوره ابويه بتابوت كدامي

خالتي نايمه بصفي
حست عليه اني ابجي كعدت كامت أصلي لمسيح وتدعيلي وترتل تراتيل يعني ادعيه خاصه بدايانه مسيحيه

يا الهي وجابلي ومبدعي الفريد انت مهندسي ومصممي وعارف بادق اسراري وتفاصيل حياتي وعالم بما يجيش في قلبي وفكري وعالم بضعف طبيعتي البشرية اغسلني يا ربي الحبيب بدمك الزكي الطاهر من ذنوبي واسترني بحنانك وامحو عني ماضي الاثيم واكسيني ببرك وامنحني غفرانك ومناعة ضد الخطايا ليست بقدراتي بل بنعمتك وبقوتك وارحمني يا الله كعظيم رحمتك لانك اله محب ورحوم وحنان ورؤوف وحلو وطيب المذاق ورحمتك واسعة واعمالك كلها لخيري ولصالحي وكلامك شهد وعسل لاذني اشتهيت يا رب رضاك ولكنني عاجز عن ذلك لانني انسان خاطئ قل كلمة واحدة فتبرا نفسي واعترف لك يا خالقي بانني اخطات اليك واعترف يا رب بانك ابن الله الحي القائم من بين الاموات لتفديني يا ربي الحبيب يسوع المسيح لتقيمني معك ولك اعطي كل المجد الى الابد امين

جاانت دكول رددي وياي اني دا حاول احجي ماكدر احس واحد خانكني 

هي حست عليه حطت يدها على صدري حاولت تهديني
اني حضنتها احاول اشم ريحه امي بيها

مر سبوع  رحنه لكنيسه وشغلنه شمعه وضلينه ندعي لمغفره على روح اهلي

صح امي مسيحيه ابويه مسلم بس كل شخص علمنه مبادئ لدين وحبينه لطرفين وبابا جان يكول لطرفين يعبدون الله واحد ولازم نحترم كل دين يعبد الخالق
بس جنت اني اميل لدين السلام ودوم ويه ابويه من يصلي بس من جنت ويه امي هم ماحط بخاطرها واسوي كلشي هي اسوي بي امي جانت ادكول لابويه لازم نعلمها على شي واحد بس بابا يكول هي من توعه تختار دين حريه مو اجبار حنه علينه نعلمها صح مثل محمد هو من افتهم معنا لدين اختار شنو هو مقتنع بي  محمد جان مسلم طبعا

بنفس لوقت جان اكو فاتحه يسوهاا يوم لسابع يم بيت اهل ابويه

لعصريه اجو عمامي ثنين منهم
عم ادم وعلي

عم ادم :اني عمها لبنيه وجاي اتفاهم وياكم على لوضع واحنه نحرمنه من ابنه بسبب بتكم وهسه هاي لبنيه من لحمنه ودمنه وحنه النه حق بيها وبتربيتها وحسب مانعرف اهل امها الله يرحمها مايردوها ولا حتى سالو عليها

توما :صح كلامك بس رولا (قصده خالتي ) مامقصره عليها بشي وتعاملها احسن من بناتها

عم علي: مشكورين وماقصرتو وفضلكم ماننساه وعلى راسنه
توما : هذا واجبنه ولبنيه بتنه هم