(unicode)
မနွယ်ထား၏ အိပ်ရာဘေးတွင် ရာရာ
မှေးကနဲ အိပ်ပျော်သွား၏။
"မနွယ်ထား...မနွယ်ထား...."
"ဟင်..ကလေး..ဒို့ရှိတယ်လေ"
"မနွယ်ထား.....ရာရာတို့ အားလုံးကိုရင်ဆိုင်ကြမယ်..ဒါမှမဟုတ် နှစ်ယောက်ထဲထွက်သွားပြီး
တစ်နေရာမှာ သွားနေကြမလား...ဘယ်သူမှမသိတဲ့နေရာမျိုး"
"ကလေး....ဒေါ်စိန်ထားဆိုတဲ့သူက ရက်စက်တယ်။ ကြမ်းကြုတ်တယ်။ သူ့လက်ကနေလွတ်တဲ့နေရာဆိုတာရှိမယ်မထင်ဘူး"
စကားအဆုံး၌ ရာရာသည် မနွယ်ထားကို တင်းတင်းကြပ်ကြပ်ဖက်ထားလိုက်သည်။
မနွယ်ထားရယ် တစ်သက်လုံး
မလွှတ်စတမ်း ဖက်ထားလိုက်ချင်တယ်။
အချစ်စစ်တို့ လမ်းခရီးဆိုတာ မဖြောင့်ဖြူးစမြဲပဲဟုတ်လား။
****************
"နွယ်ထား...နွယ်ထား....."
"ဪ မောင်မျိုးနိုင်ပါလား....ဘာကိစ္စလဲကွဲ့"
"နွယ်ထားဆီလာတာပါ ကြီးကြီးမေ"
"ဪ အေးအေး ခဏလေးစောင့်နော်"
ဘိုးဘိုးပါလား။လက်ထဲမှာလည်း အနီရောင်သေတ္တာကိုင်ထားသေး၏။
"ဪ...ကိုမျိုးနိုင်....ဆိုဘာကိစ္စနဲ့
လှည့်လာတာလဲ"
မနွယ်ထားရောက်လာတော့ ဘိုးဘိုးက မျက်နှာပျက်နေသည်။ ဘာဖြစ်လို့များလဲ။
"နွယ်...နွယ်ထား...ကိုယ် လုံမေနဲ့ လက်ထပ်ပေါင်းသင်းရတော့မယ်....."
"ဪ.....ဝမ်းသာပါတယ် ကိုမျိုးနိုင်"
ဘယ်လို....။ဘိုးဘိုးဟာ မနွယ်ထားကို ချစ်လှပါသည်၊ကြိုက်လှပါသည်ဆိုပြီး ခုကျ
တခြားသူနဲ့ လက်ထပ်ပါတော့မည်တဲ့လား။
ရာရာ ချောင်တစ်နေရာကနေ လှမ်း၍နားစွင့်နေလိုက်သည်။
"ဒါပေမယ့်...နွယ်ထား..ကိုယ်လေနွယ်ထားကိုပဲချစ်တာပါ...."
"နွယ်ထားကို ချစ်တယ်ဆိုတော့ရော
ဘာလုပ်လို့ရမှာတော့လဲ ကိုမျိုးနိုင်ရယ်"
"လက်ထပ်ပြီးရင်လည်း အရင်လို နွယ်ထားနဲ့..."
ဖြန်းးး.........
YOU ARE READING
ချစ်ရပါသော မနွယ်ထား (My dear Ma NweHtar)
Paranormal၂၁ရာစုမှ နိုရာမျိုးနိုင်သည် ၁၉၅၉ ခုနှစ်မှ မနွယ်ထားကို ချစ်မိသွားသောအခါ.....။ ဤဇာတ်လမ်းထဲမှ ဇာတ်ကောင်များ၊ပတ်ဝန်းကျင်များသည် စာရေးသူ၏ စိတ်ကူးယဉ်သက်သက်သာဖြစ်သည်။
