انت حلمي

البارت الحادي عشر

« أنت حلمي»
البارت الحادي عشر
_ بقلم آية علي
____________________
اللهمَّ اكتب لي تغييراً للأفضل في نفسي وحالي، وحقّق لي ما أتمنى، ولا تجعلني وجعاً ولا عبئاً لأحدٍ من خلقك💜🍂.
صلو على الحبيب المصطفى اللهم صلِّ وسلم وبارك على سيدنا محمد وعلى آله وصحبه أجمعين 💙🌍.
_____________________
عند ادهم في المستشفى
الدكتور: الحمدلله النبض رجع اشتغل تاني
الجميع: الحمد لله
الدكتور: وفيه حاجة كمان
لؤي: حاجة إيه يا دكتور
الدكتور: أقدر اقولكم إن المريض والحمد لله فاق من الغيبوبة بس هو نايم دلوقتي وهيصحى بعد ساعتين وبما إن الحادثة كانت بسيطة ف الحمد لله مفيش اي كسور كلها كدمات بسيطة وهتروح مع الوقت الف حمدالله على سلامتو مرة تانية بعد اذنكم
مشي الدكتور وكلهم فرحو اوي إن ادهم فاق واكترهم فرحة كانت مليكة
نوال ( والدة ادهم) لمليكة: روحي انتي يا بنتي اكيد تعبتي
مليكة: لاء يا طنط متعبتش ولا حاجة ومش همشي غير لما اطمن على احم دكتور ادهم
نوال: على راحتك يا بنتي
وبعد ساعتين فاق ادهم وكان الكل حواليه
ادهم: هو انا فين
علي الحديدي ( والدو): أنت في المستشفى يا ابني
ادهم: انا جيت هنا ازاي؟ انا اخر حاجة فاكرها إني كنت بجري على طريق في ستة اكتوبر وعربية خبطتني وبعدها مش فاكر حاجة تاني
مليكة: يعني أنت مش فاكر أي حاجة بعد الحادثة دي؟
ادهم: لاء وبعدين هو حضرتك مين؟
مليكة بحزن: احم انا اللي خبطك بالعربية وجبتك هنا
لؤي: انا عايز اعرف انت كنت فين طول المدة دي ومكنتش بترد على تليفونك ليه
ادهم: هقولك حاضر
وبدأ ادهم يحكيلهم كل حاجة من اول إعجابه بعائشة لرفضها ليه لضربو لزين لخطف أسد ليه وضربو وهروبو من هناك ( يعني بالبلدي كدا حكالهم الحوار كلو من طقطق ل سلام عليكم 👀)
ادهم: بس والله ندمت و خلاص نسيت عائشة والله 😥
سمعتو صوت حاجة بتتكسر؟ لاء! اكيد مش هتسمعو لأن ده صوت قلب مليكة ( معلش يا حبيبتي كلب وراح متزعليش نفسك 🙄) 
على الحديدي: طيب يا ادهم انت مش فاكر اي حاجة بعد الحادثة دي
ادهم: لاء هو حصل إيه
لؤي: هقولك انا حصل إيه
وبدأ اؤي يحكيلو كل حاجة حصلت من اول ما مليكة خبطتو لحد ما كان هو ومليكة رايحين حفلة خطوبة وكتب كتاب عائشة واسد
مليكة بصدمة: عشان كدا انت اول ما شوفت اسد باشا وعائشة جريت لبرا
ادهم: صراحة مش فاكر كل ده بس هما اتجوزو؟
مليكة: كتبو كتابهم
ادهم: ربنا يسعدهم يارب
مليكة بكسرة: طيب بعد اذنكم انا خلاص دوري خلص والف حمدلله على سلامتك يا دكتور ادهم مرة تانية
ادهم ببعض الحزن: انتي هتمشي خلاص
مليكة:اه
ادهم: طب مش هنشوفك تاني
مليكة بحزن: اعتقد لاء لأني مسافرة مأمورية في باريس تبع شغلي واحتمال بعد ما اخلصها انقل شغلي هناك
نوال بحزن: ليه كدا يابنتي
مليكة: معلش بقا يا طنط انا اصلا كنت مقررة ده من قبل الحادثة بتاعت دكتور ادهم يلا استأذن انا مع السلامة
الجميع: سلام
خرجت مليكة من المستشفى وهي بتداري دموعها وركبت عربيتها وراحت بيتها وجهزت شنطتها والمفروض هتسافر بكرة
شاكر: هتروحي فين يا حبيبة بابا
مليكة: اخدت اجازة من الشغل وهسافر باريس شوية كدا عشان اتخنقت من الجو هنا
شاكر بحزن: وهتسيبيني لوحدي
مليكة: طب ما تيجي معايا
شاكر: مينفعش يا بنتي شغلي هنا وحياتي كلها هنا
مليكة: اللي يريحك يا حبيبي
شاكر: تصبحي على خير يا مليكتي
مليكة: وانت من اهل الخير
خرج شاكر ونامت مليكة وهي حزينة
( تلميح بسيط: انتو فاكرين طبعا ان ابو مليكة اسمو السيد بس في الحقيقة وانا براجع على الرواية اكتشفت اني كنت كاتبة شاكر مش السيد ف قررت إنو يبقى ليه إسمين عادي اللي هو شاكر ده في البيت و السيد في الشغل اشطا؟ اشطا إن شاء الله 👀😂)
عند أدهم كان حاسس بحزن لأنو مش هيشوف مليكة تاني طبعا هو فاكر كل حاجة بس محبش يحرج نفسو قدامهم ومش عارف يفسر احساسو إيه هل هو تعود ولا إعجاب ولا حب هو مش عارف بس كل اللي يعرفو انو مش عايز مليكة تبعد عنو ثانية واحد ( يا محنو 🙄 والله يا جماعة دي اكتر حاجة بكرها في الروايات: المحن 🙂)
___________
تاني يوم الصبح صحيت مليكة ولبست هدومها وخرجت عشان الطيارة فاضلها ساعتين
شاكر: مش هتفطري يا حبيبة بابا؟
مليكة: مليش نفس والله هبقى افطر بعدين
شاكر: طب يلا عشان اوصلك
مليكة: يلا
وهرجت مليكة وباباها ووصلو المطار وركبت مليكة الطيارة بعد ما ودعت شاكر واحب اقولك عزيزي القارئ إن الحكاية منتهتش لحد دلوقتي لساااا بدررري 🚶‍♀️
_____________
عند عائشة صحيت الصبح ولبست هدومها ونزلت لقت أسد مستنيها قدام العمارة بالعربية بتاعتو
عائشة ببسمة: صباح الخير
اسد: صباح الورد يلا بقى عشان منتأخرش على الشغل لحسن المدير يرفدنا وعيالنا يتشردو 😂
عائشة بضحك: اول مرة اعرف ان دمك خفيف وبتهزر ذينا
أسد: طب يلا يا اختي اركبي
ركبت عائشة وأسد العربية وراحو الشركة ودخلو المكتب وبعد شوية خبطت فريدة ودخلت
فريدة: أسد بيه في واحد عايزك برة
اسد: طيب تمام خليه يدخل
فريدة: امرك يا فندم
خرجت فريدة
عائشة: طيب هروح انا مكتبي
اسد: لا خليكي
عائشة: طيب خلاص انا هروح اقعد على الكنبة اللي هناك دي
اسد: تمام
وراحت عائشة قعدت على كنبة موجودة في اخر المكتب وطلعت كتاب ( يحكى أن للكاتب ادهم الشرقاوي) وبدأت تقرأ فيه
شخص خبط على الباب ودخل بعد ما اسد ادالو الاذن واول ما الشخص ده دخل عائشة قامت مفزوعة وراحت بسرعة استخبت ورا اسد اللي اول ما شافو قام بكل غضب
اسد بغضب : انت جايلي هنا برجليك بعد كل اللي عملتو يا مرحب يا مرحب
الشخص ده بحزن: انا عارف اني خلطت واوي كمان بس انا جيت هنا عشان اتأسفلكم وقولكم إني والله ندمان على كل اللي عملتي ومش هتعرضلكم تاني والله
عائشة بخوف وبكاء: أنت كداااب ندمان؟ ندمان ازاي بعد كل اللي عملتو انطق؟
الشخص واللي هو ادهم: والله ندمان
اسد بهدوء: طب اقعد يا استاذ ادهم خلينا نتفاهم
قعد ادهم على الكرسة اللي قصاد المكتب
اسد لعائشة: روحي يا حبيبتي عند فريدة واحنا هنتكلم كلمتين كدا وخلاص
عائشة بخوف: لاء لاء نش هسيبك معاه لوحدكم
اسد: ما تخافيش والله هنتكلم بهدوووء خالص يلا روحي
خرجت عائشة وراحت قعدت مع فريدة
اسد بهدوء وهو بيقعد على الكرسي المقابل ل ادهم : إيه اللي جابك هنا
ادهم: جيت عشان اعتزرلكم واقولكم إني والله ندمان ولو عاوزين تحبسوني احبسوني معنديش مانع بس سامحوني
اسد: طالما أنت ادركت خلطك وندمان واتأسف ف إعتزارك مقبول
ادهم بسعادة: بجد!!
اسد: جد الجد كمان بس عايز منك وعد إنك ملكش علاقة بينا خالص لا من قريب ولا من بعيد عشان وربي بعد كدا هنسفك من على وش الارض نسف
ادهم: اوعدك بده عن اذنك انا لازم امشي
اسد: اتفضل
خرج ادهم ومشي هو فرحان ومبسوط
دخلت عائشة المكتب عند اسد بعد ما ادهم مشي
عائشة: عملتو إيه
اسد: ولا حاجة اعتزر وانا قبلت اعتزارو واخدت منو وعد انو ملوش علاقة بينا
عائشة براحة: هيييح الحمدلله هم وإنزاح
اسد: يلا يا هانم روحي شوفي شغلك احنا جايين نهزر ولا إيه
عائشة: خلاص ياعم متزوقش رايحة اهو 
في اللحظ دي جات وتين
وتين بفرحة: انا جييييت
عائشة بضحك: نووورت البيت 😂
وتين: إش إش وحشتيني اوووي
وحضنو بعض، اسد : عايز افكركم بس انكم كنتو مع بعض إمبارح
عائشة و وتين في صوت واحد: غيراااااان
اسد: يا شيخة اتنيلي انتي وهي صحيح على رأي المثل حلة ولقيت غطاها
وتين بضحك: إيه ده يا أبيه أنت بقيت بيئة كدا امتى
اسد: امشي يا جزمة من قدامي واحترميني شوية
وتين: خلاص خلاص انا أسفة بس استأذنك هاخد عائشة معايا لأني محتاجة أعمل شوبنج ومعرفش اي حاجة هنا
اسد: تمام وخدو حراسة معاكم واوعو تتأخرو
وتين وعائشة: إشطاااات
وخرجو وتين وعائشة وقعد أسد يكمل باقي شغلو
_________
عند زين ومريم كانو في المستشفى ولسة خارجين من اوضة العمليات
مريم بتعب: اااااه يا اني يا اما اخيرا خلصنا
زين: ومين سمعك انا خلاص كان فاضلي تكة ويغمى عليا من كتر الإرهاق
مريم: بقولك ايه
زين: إيه
مريم: انا جعااااانة
زين: خلاص الله يخرم بيتك فضحتينا تعالي احنا اصلا خلصنا شغل هاخدك ونتغدى برا وبعدين اروحك
مريم: إشطا بس نتغدى في ماك وبعدين تجبلي شكولاتة
زين: طب يلا يا طفلة
وراحو غيرو هدوم العمليات وخرجو يتغدو في مطعم وبعدين زين وصلها بيتها وراح بيتو عشان يرتاح
___________
عند مليكة وصلت الطيارة باريس ونزلت اخدت تاكسي وراحت الشقة اللي هتعيش فيها واكلت ودخلت ترتاح شوية وبعد ساعتين صحيت غيرت هدومها وخرجت راحت مستشفى...... في باريس
ودخلت مكتب دكتورة هناك
مليكة باللغة الفرنسية: انا جاهزة للعلاج
الدكتورة: تمام احب اطمنك إن نسبة شفائك عالية جدا لأنك لسة في المرحلة الاولى من المرض
مليكة: تمام هنبدأ إمتى
الدكتورة: في اي وقت إنتي عايزة
مليكة: دلوقتي
الدكتورة: تمام بس الاول فيه شوية تحاليل وفحوصات لازم تتعمل وبعدين نحدد معاد الجلسات
( يا جماعة انا بكح تراب في الفرنساوي عشان كدا اختصرت عليكم وجبتلكم الحوار مترجم زي اي كاتب في مصر 😂)
يا ترا ايه المرض اللي عند مليكة وهل هتشفى منو او لاء ده اللي هنعرفو في الحلقات القادمة
اشوف وشكم بخير 👋🏻
سلابطيييخ 👋🏻😂😂😂😂.