« أنت حلمي»
بقلم: آية علي
البارت الثاني عشر
___________________
"والله لن تجد أجمل من اختيارات الله لحياتك، كلها تنصبّ في صالحك وأنت لا تعلم، وكل الخير في تدابير الله .. فقل بقلبٍ راضٍ "رضيت يا رب ".. ولا تكره شيئًا اختاره الله لك، فعلى البلاء تؤجر، وعلى المرض تؤجر، وعلى الفقد تؤجر، وعلى الصبر تؤجر، فرب الخير لا يأتي إلا بالخير 💙💙💙💙💙💙
___________________
مليكة باللغة الفرنسية: انا جاهزة للعلاج
الدكتورة: تمام احب اطمنك إن نسبة شفائك عالية جدا لأنك لسة في المرحلة الاولى من المرض
مليكة: تمام هنبدأ إمتى
الدكتورة: في اي وقت إنتي عايزة
مليكة: دلوقتي
الدكتورة: تمام بس الاول فيه شوية تحاليل وفحوصات لازم تتعمل وبعدين نحدد معاد الجلسات
مليكة: تمام
الدكتورة: تعالي معايا
راحت مليكة مع الدكتورة وعملو التحاليل والفحوصات
الدكتورة بعد ما شافت نتيجة التحاليل: تمام زي ما قولتلك انتي لسة في المرحلة الاولى يعني كلها كام جلسة وتخفي و بإذن الله مش هنحتاج تدخل جراحي
مليكة: بإذن الله
الدكتورة: تحبي نبدأ امتى
مليكة بإصرار: من دلوقتي
وبدأت مليكة اول جلسة ليها
__________________
عند ادهم كان لسة بيفكر في مليكة وحاسس انو تايه
ومش عارف يفسر احساسو هل هو حبها ولا لاء
ادهم: لا بقا حوار إنها مسافرة باريس عشان الشغل ده محدش يصدقو أكيد فيه سبب تاني وأنا لازم أعرفو
عقلو: وأنت مالك مهتم كدا ليه
قلبو: مش عارف ممكن اكون حبيتها
عقلو: إخرس يا مهزق أنت مابتحرمش
قلبو: ولا ولا اقعد وانت ساكت ايوة انا حبيتها
عقلو:لا ماحبيتهاش بطل هبل
قلبو: لا بقولك إيه حوار إن العقل هو اللي بيكسب والكلام ده مش عندي
ادهم: بس بقااا يخربيت كدا انا هروح اسأل ابوها
وقام ادهم لبس هدومو ( بنطلون جينز اسود وقميص ابيض وكوتشي ابيض) وخرج ركب عربيتو وراح عند ابو مليكة
شاكر: ادهم!! ازيك يا ابني اتفضل
ادهم: عامل إيه يا عمي
شاكر: الحمدلله يا ابني انت اللي عامل ايه
ادهم: بخير الحمدلله بقولك يا عمي هي مليكة فين
شاكر: مليكة سافرت باريس النهارده الصبح
ادهم: النهارده الصبح!! طب حضرتك متعرفش هي سافرت ليه
شاكر: قالتلي إنها مسافرة تتفسح بس انت بتسأل ليه؟!
ادهم بتوتر: هاا لا ابدا انا كنت عايز اشكرها على اللي عملتو معايا بعد اذنك بقا انا لازم امشي
شاكر: الاه تمشي ازاي من غير ما تشرب حاجة
ادهم: معلش مرة تانية
شاكر: على راحتك يا ابني
خرج ادهم من عندو وركب عربيتو ومشي وهو مقرر إنو هيعمل حاجة يا ترا إيه الحاجة دي
__________________________
( العنكبوت النونو خطفت قلبو عنكبوتة
من يومها جن جنونو وعقلو اتلخبط لخبطوطة)
وده كان منبه عائشة اللي بتصحى عليه كل يوم 😂
فصلت عائشة المنبه وقامت غيرت هدومها وصلت وخرجت عشان تفطر وتروح الشركة ( تكبر وتروح المدرسة وتصاحب شلة كويسة 😂😂 مش عارفة إيه اللي جابها في دماغي دلوقتي بس حسيتها على وزن تفطر وتروح الشركة 😁 )
