« انت حلمي»
البارت الخامس
اسد وهو بيشمر اكمام القميص: انا بقا هوريك ازاي تتجرأ انك تقرب من حاجة تخص اسد المهدي..
ومسك ادهم طحنو مسابش فيه حتة سليمة
اسد بغضب جحيمي:ودي جزات اللي يحاول يقرب من حاجة تخصني ( وادي جزات اللي ميسمعش كلمة ماما تقولها 😂😂🤭) وبعدها بص للحرس بتوعو وقالهم: يفضل متلقح كدا لا اكل ولا شرب لحد ما اجيلو تاني
الحرس بصوت واحد: تحت امرك يا فندم
خرج اسد من المخزن وركب عربيتو وراح على فيلتو
اخد دوش وغير هدومو ولبس بنطلون قطن رماضي وتيشرت ابيض ونام وهو بفتكر كلام عائشة واخد قرار انو لازم يربيها الاول ويخليها تعترفلو انها بتحبو
عند عائشة في اوضتها بتفكر: يا ترا اسد سمع كلامنا انا ومريم لا لا لا مستحيل اصلا كان باين على ملامحو الجدية يبقى اكيد مسمعش ( مسكينة متعرفش انو سوسة وسمعها يا عيني 😂😂)
طب هو عمل ايه في ادهم طب هو هيخطب فيروز بجد انا ممكن اروح فيها لو اتجوزها 😢 لا انا لو فضلت كدا هتجنن انا هنام احسن وذهبت في ثبات عميييق
تاني يوم الصبح صحيت عائشة اخدت دش وصلت الضحى ولبست هدومها اللي كانت عبارة عن ( دريس اخضر واسع وخمار اوڤ وايت وكوتشي ابيض)
وخرجت عشان تفطر وتروح تقدم على وظيفة
عائشة: صباااااح الخييير يا اهل الدااار
امها بإنزعاج: يابت متعرفيش توطي صوتك شوية حد قالك اننا مش بنسمع
عائشة: برضو كدا يا سوسووووو طب حتى قولي صباح النور الاول ما تقول حاجة يا ميدو
امها بغيرة: ميدو في عينك يا جزمة انتي انا بس اللي ادلعو
محمد وهو بيحضن سهير: مالك بس يا سوسو البنت بتتدلع علينا شوية سيبيها
سهير بتذمر: ما هو دلعك ده هو اللي مودينا في داهية
عائشة: لا بقولكو ايه انا همشي احسن وانتو اتصافو مع بعض
محمد بجدية: رايحة فين يا آش
عائشة: رايحة اطمن على زين وبعدين هروح اقدم على شغل في شركة المهدي جروب
الاب بمكر: شركة المهدي جروووب امممممم تمام تمام
عائشة: بتقول حاجة يا بابا
الاب: بقول ربنا معاكي يا حبيبتي
الام: طب اقعدي افطري الاول
عائشة: لا معلش هبقى افطر بعدين عشان مش اتأخر يلا سلاموز
وخرجت عائشة راحت تطمن على زين الاول
عائشة بمرح وهي بتطبل على باب شقة اهل زين: احمد احمد احمد احمد ب اعز الحبايب احمد
فتح احمد ( ابو زين) بانزعاج: يابت انتي مش هتبطلي حركات العيال دي ابدا
عائشة وهي تدخل: معلش بقا يا حمادة انت عارفني
احمد بقرف مصطنع: حمادة يابت احترميني شوية ده انا في مقام ابوكي
عائشة: ايه يا ابو حميد بدلعك يا جدع ومش عايزة اكبرك الاه 😂
زينب مرات ابو احمد وهي بتخرج م المطبخ: هو انتي جيتي يا سوسة وبعدين تعالي هنا بقالك فترة يا جزمة مش بتسألي ولا بنشوف خلقتك
عائشة وهي تحضن زينب: اعلش بقا يا زوزا انتي عارفة المشاغل وابو العيال اللي يولع مش سايبني في حالي يا اختي مرمطني في شغل البيت يا اختي اهئ اهئ اهئ
زينب وهي تجري وراها باشبشب: ابو العيال يا بت الجزمة خودي هنا يابت
عائشة وهي بتجري: فيه ايه يا زوزو بضحك معاكي
وجريت عائشة دخلت اوضة زين وقفلت الباب عشان زينب متضربهاش
زينب: ماشي يا عائشة لما تطلعي بس
عائشة وهي مطلعة دماغها بس من الباب: طلقني لو مش عاجبك طلقتي
هوووووب شبشب طنط زوزا لزق في وش عائشة
زينب ب إنتصار: احسن عشان تقلي ادبك تاني يا جزمة
عائشة بمسكنة: كدا يا زوزو ده انا غلبانة وكيوت ونسمة كدا نسمة
زين وهو ماسك عائشة من قفاها: انتي نسمة انتي ده انتي داهية يابت هو انتي لازم تدخلي كدا بالزوبعة بتاعت كل يوم في ناس نايمة وتعبانة
عائشة: سيد عيب احنا اهل، وبعدين انت ماسكني كدا ليه بهدلت الخمار يا عم سيب
زين: نفسي اعرف انتي مش بتكوي الخمار زي باقي البنات ليه حتى لما امسكك من قفاكي افرح فيكي ان الخمار اتبهدل
عائشة: خمار ايه ده اللي يتكوي اصبر بس كلها شوية وهتطلع موضة الخمار المكرمش على يدي هعهعهعهع
زين بقرف: ابو تقل دمك يا شيخة امشي يا بت شوفي انتي رايحة في انهي داهية
عائشة وهي بتعدل خمارها ب غرور مصطنع: عمتا انا كنت جاية اطمن عليك قبل ما اروح الشركة
زين بغباء: شركة ايه دي انتي بقا عندك شركة وانا معرفش
عائشة: ياض يا اهبل افهم انا رايحة اقدم على وظيفة في شركة المهدي جروب ولو متقبلتش هحروح على شركة النجار
زين: اممممم تمام طب يلا روحي بسرعة قبل ما تتأخري ومتلاقيش مواصلات
عائشة: لا هو انا مقولتلكش
زين: لا مقولتليش
عائشة بضحكة مستفزة: مش انا هاخد عربيتك اروح بيها هههههه
زين بفزع: نعم يا روح امك عربية مين ده انتي اخر مرة اخدتيها لبستي بيها في الشجرة
عائشة بتذمر: قولتلك الراجل هو اللي طلع قدامي فجأة وبعدين انا كنت لسة بتعلم جديد ودلوقتي معايا رخصة سواقة هات بقا المفاتيح متعطلنيش
زين وهو بيديها المفاتيح: خدي يا بلوة بس عارفة ما الاقي فيها خربوش واحد بس هعلقك على باب الشقه هاه
عائشة وهي بتخرج: يا ابا متنبرش فيها بس عشان نبرك ده هو اللي موديني في داهية يلا سلام
خرجت عائشة وركبت عربية زين وراحت شركة المهدي ( متفكروش كتير دي شركة ابو اسد عادي جدا 😁😂) دخلت عائشةالشركة والكل مستغرب من لبسها وهي عادي مش فارقة معاها
راحت وسألت على مكتب المدير وطلعت عند مكتب السكرتيرة
عائشة: لو سمحتي انا كنت جاية اقدم على الوظيفة
فريدة السكرتيرة: تمام اتفضلي اقعدي وانا هروح ابلغ المدير
دخلت فريدة عند اسد بعد ما سمح لها تدخل
فريدة بإحترام: اسد بيه في واحدة برة جاية تقدم على وظيفة
اسد بدون اهتمام: بصي انا مش فاضي دلوقتياي حد جاي يقدم على وظيفة ابعتيه على مكتب حمزة
فريدة: اوامرك يا فندم بعد اذنك
خرجت فريدة ل عائشة
فريدة: اتفضلي معايا هوديكي لمكتب باشمهندس حمزة
عائشة: تمام ، هو انتي اسمك ايه
فريدة: اسمي فريدة وانتي
عائشة: انا عائشة
فريدة: اتشرفت بمعرفتك واكيد هنبقى اصحاب ولا ايه؟
عائشةبفرح: هو انتي لسة هتستأذني احنا بقينا صحاب خلاص وخصوصا اني حبيتك اوي
واخدو ارقام بعض ، وصلو قدام مكتب حمزة ودخلت فريدة الاول تبلغو
فريدة: مستر حمزة اسد بيه بيقولك انو مشغول ومش هيعرف يكمل الإنترڤيو مع باقي اللي جايين يقدمو على وظيفة ف هو بيبلغ حضرتك وبيقولك كمل انت معاهم
حمزة: تمام روحي انتي شوفي شغلك وخلي هايدي تدخلهم بالدور
فريدة: هو مفيش غير واحدة بس يا فندم
حمزة: تمام دخليها
خرجت فيردة وبلغت عائشة
دخلت عائشةوسابت الباب مفتوح
عائشة وهي بتبص في الارض: السلام عليكم
حمزة: وعليكم السلام ، هاتي السي ڤي بتاعك واتفضلي اقعدي
ادتو عائشة السي ڤي وقعدت
حمزة وهو بيبص في السي ڤي: حلو وكمان معاكي لغات، طيب بصي يا انسة عائشة احنا مش محتاجين موظفين في المجال ده لكن محتاجين مترجمة ف انتي هتشتغلي مترجمة و هتبدأي من دلوقتي
عائشة: تمام يا فندم
حمزة: خودي بقا الملف ده وتروحي ل فريدة هتوريكي مكتبك وتترجمي اللي موجود في الملف ده خلال ساعة عشان عندنا اجتماع مع شركة تركية
عائشة: تمام يا فندم بعد اذنك
وخرجت عائشةراحتل فريدة عشان توديها مكتبها وقعدت تترجم الملف ومكملتش الساعة وكانت مخلصة ترجمة
اخدت الملف وراحت لفريدة
عائشة: ديدا انا خلصت
فريدة بصدمة: انتي ترجمتي الملف بالسرعة دي
عائشة: اه وبعدين ده تركي ف عادي يعني مش حكاية
فريدة: تمام طب يلا ننزل نشرب حاجة عشان لسة فاضل نص ساعة على الاجتماع
نزلت عائشةوفريدة الكافيه اللي في الشركة وطلبو قهوة وهما قاعدين بيشربوها جه شاب وحب يرخم على عائشة
الشاب: والله الواحد مش محتاج يبص للسما والعيون دي موجودة
عائشة: يلا يا فريدة نمشي عشان الاجتماع
قامت عائشةو فريدة ولسة هيمشو راح الشاب مسك ايد عائشة: ايه بس يا جميل ماشي وسايبني كدا ليه
في اقل من دقيقه كانت عائشةمطلعة ال صاعق الكهربي وكهربت بيه الشاب لحد ما الشاب ده اغمى عليه وفريدة مصدومة وبتحاول تستوعب اللي حصل
جه اسد يشوف ايه اللمة دي
اسد: ايييه اللي بيحصل ده ( ايه اللي بيحصل ده ايه اللي انا شايفه ده 😁😂😂)
وبعدين بص شاف عائشةماسكة الصاعق و الشاب مغمى عليه
اسد بصدمة: عائشةانتي بتعملي ايه هنا، ومال معتز
حكت ليه فريدة كل اللي حصل
اسد بغضب وهو بينادي على الحارس بتاعو: مازن يا مازن
جه مازن بسرعة: امرك يا فندم
اسد: خد الزفت ده من قدامي
مازن: حاضر يا باشا مازن اخد معتز ومشي
اسد: كل واحد على شغلو يلااااااا
راح كل واحد على شغلو
اسد لعائشة: وانتي ايه اللي جابك هنا
عائشة: انا المترجمة الجديدة
اسد: ماشي قدامي ع الاجتماع وبعدين ليا كلام تاني مع ابوكي
ومشي اسد من قدامهم بعصبيه
فريدة بجهل: بت يا عائشةهو اسد بيه يعرفك منين لاء وكمان عارف ابوكي
عائشة: اصلو يبقا ابن عمتي
فريدة بصدمة: احييييه يعني انتي بنت خالو
عائشة: اه ويلا على الاجتماع احسن نترفد احنا الاتنين
ومشيو هما كمان راحو اوضة الاجتماعات
بدأ الاجتماع وبدأت عائشة تترجم باحتراف
وصاحب الشركة التركية كان بيبصلها ب إعجاب واضح بس هي مكانتش مركزة غير في الترجمة بس اسد كان ملاحظ وكان نفسو يقوم يقتل صاحب الشركة، بعد ساعتين الاجتماع خلص ومشي صاحب الشركة التركية و السكرتيرة بتاعتو
اسد ل عائشة: شغلك خلص تقدري تروحي
عائشةبإرهاق: تمام يبقى احسن برضو
اسد: احم تحبي اوصلك
عائشة: لاء شكرا معايا عربية زين
اسد: تمام خودي بالك من نفسك
خرجت عائشة وراحت لفريدة
عائشة: ديدا انتي خلصتي شغل صح
فريدة: اه يا حبيبتي خلصت
عائشة: اشطا تعالى اوصلك
فريدة: ماشي يلا
خرجت عائشةوفريدة وركبو العربية وهما ماشيين كانو بيتكلمو وفجأة صرخت فريدة: عائشة حاااااسبي
كان فيه عربية هتخبط فيهم بس عائشة بعدت عنها بسرعة بس للأسف خبطت في شجرة ودماغها اتجرحت بس جرح بسيط
عائشةبلطم: احيييييه العربية زين هيولع فيا يالهوووووووووووي
فريدة بلطم: هي كمان مش عربيتك حسبي الله ونعم الوكيل فيكي يا شيخة طالما مش بتعرفي تسوقي بتركبي زفت ليه كنا هنموت بسببك
عائشة: ايه بس بس ايه كل ده اهدي كدا ريلااااكس عادي جدا اللي اتكسر يتصلح يلا في ورشة قريبة من هنا نروح نصلح العربية وكأن شيئا لم يكن
فريدة: طب يلا يا اختي
وبعد ما صلحو العربيةوراجعين فجأة صرخت فريدة: عائشة يخرم بيتك دماغك بتنزف جامد انزلي اركبي مكاني وانا هسوق خلينا نروح المستشفى
نزلت عائشة وركبت مكان فريدة وراحو المستشفى
اخدتها بسرعة لعند الدكتورة وكانت الدكتورة دي مريم خيطتلها الجرح وجابتلها خمار تاني لبستو عشان الابيض اتبهدل
مريم: يلا يا عائشةانا خلصت شغل تعالي نوصل فريدة وبعدين اوصلك عشان مش هينفع تروحي لوحدك
وركبو العربيه وصلو فريدة بيتها وبعدين راحو على بيت عائشة وطلعو خبطو على الباب فتحلهم اسد
اسد بقلق: انتي كنتي فين كل ده والدتك هتموت من الخوف عليكي
عائشة بتعب: يا عم اوعى دخلني الاول
دخلت عائشة هي ومريم وأول ما سهير شافتها جريت عليها حضنتها: كنتي فين يا آش كل ده قلقتيني عليكي يا حبيبتي😢
عائشة: اهدي يا ماما كل الحكاية ان........ وحكتلهم اللي حصل
الام: تاني يا عائشة تاني مش نبهنا عليكي قبل كدا تاخدي بالك وانتي بتسوقي
عائشة: معلش يا ماما جات سليمة، المهم محدش يقول لزين اني خبطت العربية تاني لأحسن ده حالف لو خبطتها هيعلقني
زين: ما انا هعلقك فعلا
عائشة وهي خلاص هتعيط: ماما بالله قوليلي ان انا سمعت غلط وان ده مش صوت زين
زين: لا زين يا روح امك تعالي بقا وربنا ما هسيبك
عائشة: استهدى بالله كدا يا برووو ده انا اختك برضو
زين: انا مش قولتلك تاخدي بالك قولت ولا ما قولتش
عائشة: نبرت فيها يا فالح ما هو كلو من زنك يا اخويا
وبعدين عايز تضرب اختك حبيبتك اللي متعورة وتعبانة اهئ اهئ
زين: ايوة اتمسكني يا اختي اتمسكني برضو مش هسيبك يا عائشة
احمد ابو زين: خلاص يا زين سيب اختك انت مش شايف انها تعبانة
زين: يا بابا دي كسرت العربية
احمد: طب ما هي صلحتها عايز ايه تاني
زين: عايز اربيها عشان تبقى تخوفنا عليها تاني
عائشةوهي بتحضن زين: خلاص بقا يا زيزو
زين بعتاب: مش تاخدي بالك افرض كنتي خبطي في العربية وجرالك حاجة 🥺
عائشة: خلاص والله
وبعدها قعدو يهزرو شوية واكلو كلهم مع بعض وقاعدين بيشربو شاي وتليفون اسد رن
اسد: ايوة يا مازن فيه ايه
مازن:..........
اسد بصدمة:............
ستووووووب البارت خلص 😁
وصف الشخصيات اللي ظهرت جديد
فريدة عبد الرحمن: سكرتيرة اسد بنوتة جميلة وطيوبة جدا عنيها لونهم اسود وبشرتها بيضة ورموشها كثيفة وعندها غمازة واحدة في خدها الشمال.
حمزة: صاحب اسد وبيشتغل معاه في الشركة مهندس معماري عنيه لونهم اخضر وعندو لحية خفيفة وبشرتو حنطية وبيحب فيروز بس بيكابر .
