طلعت وشفت سيارات الشرطه واقفه متقدر تسوي شي لانه رافع علي السلاح وركبني سياره فيها اشخاص مسلحين واشكالهم تخوف ومن الخوف اغمى علي قمت لقيتني وسط صحراء ومافي احد وكلهم واقفين يطالعون فيني قمت مخروشه ومسكت عبايتي وبكيتتت قام قرب مني رشاش وقال يانك تلتزمين معي وتمشين صح ياني برميك في البر لين تخيسين ومحد يقدر يصلك قام قال شخص معه نظراته تخرش ويخوف قالي ردي عليه يمره! ولما يكلمك تناظرين له م التفت له كنت ابكي ومو مركزه قام سحبني من راسي وقالي تسمعين يابنت الكلب لا اذبحك هنا !!وكنت اصارخ وابكي ومحد راحمني جا الشخص الي قابلته بالصيدليه يقول يخوي بشويش عليها هذي بنيه ماتتحمل يدك ،،وقومني من عنده وقالي ادخلي الخيمه هذي دخلت وانا مهدود حيلي من البكا ويدي تعورني منه جلست شوي ولقيت محد دخل فكيت العبايه وجلست امسح وجهي من الدموع وانا مو مستعوبه الي صارلي بلحظات تغيرت حياتي وصرت بين رجال مسلحين وم اعرف انا وين ووش مصيري...
