قلتلها لا تخافين" تنهدت وقلت ليش ساعدتيني وانت م تطيقين وجهي؟ رديت" صح اني اكرهك بس عندي ضمير واحساس مقدر اتركك وكان كلامي مقطع بسبب نظراته لي توترت" قال مريم..... "حسيته بيقول شي بس سكت وغير الموضوع "قال اعطيني الجوال بدق ع رشاش " اخذت الجوال وجيت بعطيه يده لمست يدي ارتبكت ورحت جلست بدون م اناظر فيه
كان يكلم رشاش ويقوله اننا بفندق ويشرح له بعد م خلص قال بنمشي بكره وبنروح الحدود هزيت راسي بطيب بعدين
قمت اسوي اكل اكيد انه جوعان سويته وخلصت حطيته له ولما شفته ياكل رفع حواجبه وواضح ان الاكل عجبه ابتسمت, قال" الاكل حلو حسبتك م تعرفين تطبخين" لا اراديا حطيت يدي بخصري وقلت شقصدك يعني لا يكون طايحه من عينك؟ شفته يناظرني باستغراب وكأنه كاتم الضحكه وفجأه جلس يضحك ع وقفتي اول مره اشوفه يضحك" حسيت ع نفسي وتعدلت وحسيت بالاحراج وجلست اتفرج بالتلفزيون وسويت نفسي مو مهتمه
(مصلح)
حسيتها انحرجت لما ضحكت عليها كان شكلها يضحك لما عصبت مقدرت امسك نفسي وشفتها تتفرج بالتلفزيون وجالسه تلعب بشعرها واشوفها تبتسم وكانت مندمجه مع التلفزيون فجأه قامت تناقز وتضحك بصوت عالي كنت اناظر فيها مصدوم وكنت ضايع في عيونها وابتسامتها الحلوه بعدين استوعبت اني موجود معها في الغرفه وع طول ركضت للحمام مستحيه انسدحت ع ظهري وجالس اتذكر شكلها وهي مبسوطه مو قادر اطلعها من راسي
بعد فتره طلعت وشكلها تروشت جات ووجهها احمر وم تناظر فيني " قلت وين بتنامين قالت بنام عالكنب قلت لا تعالي نامي عالسرير وانا بنسدح
عالكنب اخر شي خليتها تنسدح عالسرير وحطيت بيننا مخده واعطتني ظهرها
