Tee Shirt ( Mizo BL)

Part 1

Guwahati atangin flight in Lengpui lam pan chuan kan chhungkua ,Kei ka nu leh ka pa nen chuan Mizoram lam panin kan rawn thlawk chhuak ta a. Tukverh awmna seata ka thut avangin hla ngaihthlak pah chuan tukverh atang chuan Assam khawpui pharh duai chu a thlir tha a chutih lai chuan Ka earphone atang chuan Kodaline - ' High Hopes' ngei mai chu a rawn zai ral ral a...Ka lung chu a rawn leng chho tan ta viau e.

E..Chuan Keihi Marvyn Lalnunpuia ka ni a... Shillong ah hian kan chhungkua hian  Ka Pi leh Pu te bulah kan awm a.Ka Pa in Transfer order a hmuh hnuin Mizoram lama transfer alo ni a.Chu thu ka hriat chuan ka Phur viauin ka lung te  pawh a leng tel sa deuh a...Mizoram lama awm chhoh chu ka chak ve thin viau a,Bakah kan Mizo pui te ngei...bula han khawsak chu eng ang tak nge ni ang tih hi ka tet lai atang a ka lo suangtuah ve thin ani a,Hetah Mizo tam tak zirna vangin an rawn awm tawh a,Thian tha tak tak te pawh ka siam ve nual tawh, Mahse Zirlai te kan zir zawh chuan An haw alo hun a..."Lo La zin ve ngei ngei rawh" tia kan in thlah liam fo a ngai thin ani.

Kan family background kan sawi leh lawk. Ka Pi hi Khasi leh Mizo thlahpawlh ani a Ka Pu erawh Scottish lam mi ani thung . Khasi hnam ah chuan Hmeichhia te hi an Lal em em a, Nu te Hnam Hming an Chhawm a, A Mipa lam hi hmeichhe inah an lawi lut fo a. Ro thil leh inhmun pawh hi Hmeichhia in an Khawm thin ani. Ti chuan Ka Pi leh Pu inkar ah chuan ka Nu te unau an rawn piang a. Tichuan ka Pa nen hian an in tawng a, Ka Pa chhungte lam hi an darh mai bakah chhung hnai tak tak anga sawi tur a nei tawh loh va. Shillong NEC lamah hna a hmuh hnu in Ka nu nen hian an innei a. Remchanna avangin Ka Pi te inchung lam an Luah lut a..Ka pu hi a thih tawh avangin Ka pi leh ka Nu leh Pa te chu Cheng ho ang Tho anni mai...Ka Nuteii leh Putea te chhungkua pawh an la awm bawk a...Kalo pian hnu phei chuan Ka pi hian min duat em em a,Unau dang ka neilo bawk nen A Tupa rangkachak kha chu ka ni ve chiang alawm. Ka nu leh Pa te Phalloh thil chu Api ka dil anga Alo phal nghal ani mai...

Chutia Chhungte Duat rawn ta chu Ka thang Tha ve viau chuan ka hria, Nia ka Nu leh Pa te an hmel chhe lo bawk nen...Vun lamah hian Ka Pu ka chhun a.. ka ngo phuk mai .. ka Mit meng pawh hi a buang paw lampang ania...i Pu i chhun anih kha an ti fo reng ani , Sam lamah pawh ka nu ka chhun a a kir kawi deuh a, Ka Pa ka chhuna hi chu Height ah ani,Ka pa hi Mizo Pa ah chuan Sang tha ve tak anih vang aniang kei hi 5'11 inch. ka ni , ka Nu hi a tawi ve angreng a...heti lama ka chhun lo hi chu ka lawm tho e >.<.

Lehkha zirna lamah hian ka Tluang ve viau a ,a thiamthei pawl chu ka ni ve thin...Sports lam hi chu badminton leh TT hi ka thiam ve ber ania..a bak hi chu ka ti thei ve nual a...ka tuitak tak lo..Thian kawm nuam ti mi ka nia, Ahmei aPa in ka kawm thei vek a...hmeichhe tam tak min star tu te pawh hi Thian ah hian ka chhuah leh mai zel...Hnam dang zinga sei lian ka ni a, Zu leh ruihtheih thil hi chu ka ti ve thei vek a ,a hun leh hmun a zirin, Mahse a eng ngawl mah ka vei lo thung. 

Luck ve viau e tilo hian Ngaihzawng Mumal hi kala neilo reng reng. Biak nil nual te, chhuahpui zuai te chu han nei ve mah ila Tunlai khawvel ah hi chuan mi hi an rinawm tak tak tawh lo ni hian ka hre thin. Vawi khat pawh Ig ah hmeichhe tleirawl hmeltha ve deuh hian ka story a rawn react a...Ka va be zui ve mai bawk a, a hnu ah a bialpan min rawn hau hrep ringawt lehnghal. Ka Tluang thlawt lo alawm he lamah hi chuan. Thian te pawn Hmeltha Vanduai tia min fiam an ching reng ani.

***

Ti chuan  Ka Pi chu ka Nuteii leh Putea te bulah chuan kan kalsan ta a.Mittui tla chung a min vai liam lai te chu Shillong atanga Guwahati lam kan panna ah te chuan ka mithla ah chuan alo lang a keipawh chuan ka ngai ve dawn hle.Mahse chawlh remchan apiangin Tlawh ka tum tho tho. Ti chuan Mizoram chu kan rawn chuang chho a... Khulam nen chuan a Boruak pawh a dang zar mai,Khaw chhung kan luh chuan Bulding lian leh tha zet zet te chu ka thlir phei a,hei hi maw Zawlkhawpui ngei chu lo ni...Mizoram pawh hi alo va Thang nasa in kan va changkang ve tawh tak em.Mahse Traffic jam a rei fe kan tan hnu chuan Kan Chenna tur Quarter pawh chu kan thleng ve thei ta a...Ka Thiannu Zorinpuii te chhung chuan minlo hmuak a( Zorini hi Shillong ah 11-12 a rawn zir a,Heta tanga inkawma in ngaina chho kan ni a...kan inah te rawn lengin ka chhungte pawn an ngaina a..A chhungte an lo zin pawn kan inah vek anlo thleng thin...Khatia kan Awm chho tur a hriat khan..kei ai aiin a lo phur a,kan quartar bul lawkah an awm thu kan hriat chhuah hnu phei chuan kan hlim dun kher mai.a awihawm loh zawk hial ani.)

Zorini chhung te pawh chuan minlo lawm thiam em em a..A tul tul ah chuan minlo pui ve a,bungraw thenkhat chu kan thawn chho lawk tawh a.inchhung thil tlem lei belh ani tawh mai ...Kan quarter luah tur pawh chu a zau tha in a building pawh ala thar viau a,Mi Pathum chen nan chuan a thawl lek lek zawk ani.Thlen hlim atang chuan kan han buai deuh char char a...E api pawh ka call tawh a...Min ngaihtawh thu leh lo chhuk leh vat turin min rawn chah a..Zan lamah chuan Zorini nu chuan tih tak te a min sawm avangin...an inah pawh chuan zanriah chu kan va ei ve nghal a.

Kar a liam a..Zorini nen chuan hun chu kan hmang dun tam viau a,chhungte pawn min chhaih fiam zeuh zeuh chang an nei thin...ni e 12 kan zir lai pawh khan kan ni emaw an ti fo thin.College pawh Aizawl a Private College Tha ve takah chuan eng tin tin emaw ka in Transfer ve thei mai bawk a, chu mai bakah Zorini luhna ani leh zel bawk...A chang chuan Thian ni tur hrim hrim a khuanu ruat kan ni emaw tih hial tur ani.

Thla a ral leh meuh chuan College Tan pawh alo hun tawh a...Aizawl khaw chhung leh Thalai te awmdan leh Mizo te nunphung pawh ka man chak chho viau...Zorini hi lawm min vah pui leh nasa hman tawh lutuk a.

****

END OF PART 1

****

Note:Manga translate tur ka zawn chhung chu keiman story pangai hi ziah ve chhin ka duh a,Enge a an dawn chu ka hrelo a Mahse ngaihnawm in tih ngei ka beisei. He story hi zep loh chuan Based on True story deuh hlek ania...a tul dan azirin a thawnthu hi Siam danglam ani e.