Tee Shirt ( Mizo BL)

Part 3

In ka haw hnu chuan Ka nu chuan Minlo be luama, vawin ka college kal chanchin te chu min zawt a..ti chuan room ah chuan ka inthlak sawk sawk a , ka han hahdam hnu deuh chuan Workout tur chuan ka in siamfel leh a...ka workout mawlh mawlh lai chuan Vawin ka hun hman te chu ka han ngaihtuah let a..Ehe Lalremruata kha,kawr ka lei ang che ka ti tak!! 
ka tho chhuak thut a, ka closet chu ka hai rawk rawk a,ka H&M T shirt var chahsa kala hawn loh chu ka han phawrh hluai a..A hak tawk ve mai dawn hi tih pah chuan naktuk a ka theihnghilh loh nan ka dah chhuak ta a.

Zan ah chuan mut pah in phone ka han khawih neuh neuh a, Notification ka dawn chuan ka en vat a, No. hriat loh hian College group  pakhat ah chuan minlo add hi alo ni a, Malsawma nih chu ka ring nghal mai a..." tunge?" Welcome" tih chu an rawn ti neuh neuh hlawm a...Zorini thian thenkhat te khan Ka instagram profile screenshot te chu an rawn dah a,Tulo kher ve...ti chuan min han sawi thla leh neuh neuh a, Fakna dawn chu a nuam ve reng mai...ti chuan ka IG ah pawh chuan request chu a rawn lut nak nak a..Mahse profile pakhat chuan ka mit a la deuh tlat a. Remruata_19 tih chu  Stalk ka han tum a private account tho alo ni. request chu ha han accept a ka follow back ve mai bawk a...mi dang dang chu reply in.Thil engengmaw ka enkual hnu chuan ka mu ve ta a.

**

A tuk ah chuan college chu ka han Kal ve leh ta a, Remruata ka hmuh chuan thil hriat chhuah nghal chu ka nei nghal...Mahse engtin nge T shirt chu ka pek tak ang??? ...ti chuan period khat chhung chu T shirt pek dan tur ringawt chu ka ngaihtuah ta a...Mi awm laia ka pek chuan mak an ti dawn sia ..lunch ah chuan Malsawma nen an inzui leh daih bawk si, bakah biak tan dan tur ka hre thlawt lo,ka be chak em em hran bawk lo. Bakah vawin chu nileng in biakna hun ka neilo,min pumpelh zel emaw tih tur zawk ani, Class a mi awmlai a ka hmuh bak chu a lo bo leh daih zel. 

Ti chuan ban alo hun leh ta a,  haw tura gate kan pelh hnu chuan Remruata a bike a chuang tur chu ka va hmu fuh ta hlauh mai, Zorini te chu minlo va kal san ru thil theihnghilh ka nei ka ti a,rang tak chuan Remruata chu ka va pan a...Aw lai rut chuan "Remruat" ti chuan ka han ko a,Bike a tang chuan a rawn hawi vat a..Min melh leh reng tak avang chuan ,ka bag atang chuan T shirt chu ka han phawrh sawk sawk a " Kha" chu ka han ti leh thawr a, a ngawih vang vang hnu chuan" Ka Duh lo" alo ti leh hmuk pek anih chu. a duh loh kha chu ka ring sa tho a mahse ka hrilhhai angreng  viau tho,A bag chu hawngin ka thun rawk rawka hawi pawh hawi let lovin ka kal ta nal nal a.

Zanah chuan Mut hmunah chuan, Vawin a Remruata min tih dan leh kha t shirt pek tuma ka buai nilen zia te chu ka ngaihtuah a,ka thin chu a rim ani, kalo ner leh nawng nawng zel. Mahse ti nge ti khan a bag ah khan ka thun luih ve ringawt le, khatia ka tih chhan pawh kha ka inhre tawh biklo, Engtin nge a ngaih ang le tih te chu ka han ngaihtuah a, Ka zak thar leh viauuu mai, ka blanket sin lai chuan ka han inkhuh leh rih vel.

Ti chuan Mu tur a ka han in peih hnu chuan IG ah chuan ka han lut zuai zuai a...Story chu ka han en phei a...Story pakhat zawn ah chuan ka tawp chat.  Lalremruata chuan ka T shirt pek a hak na ngei mai chu ani. Caption pawh a awmlo,Hla pawh a dah lo .Hepa ve hi, Ka duhlo ti kha ti vel a, a ha leh tho sia ...thinrim titih lawm deuh tho si bawk chuan ka awm a. Ka reply duh angem aw,(i ha leh duh tho sia.)....(lawmthu sawi a ngai lo nia).....(iva inhmeh)....  Aaaaa thawn leh lo mai ang tiin ka thil type sa apiang chu ka delete leh zel a. Ka va biak leh chhan tur hi a awm tawh lo chu ka ti ve tlat a, bakah ka zak ve deuh bawk ani.

Chung thil ka ngaihtuah lai tak chuan Notification chu a rawn lut a...Remruata alo ni, Ka lawm e.  tih te mai hi.Reply danah chuan ka buai leh nghal. Thian pawh kan nilo a,kan in nel bawk heklo,ka ngaihtuah leh fe hnu chuan ..ka polite na zawng zawng sawng khawm in " Keipawh le, i inhmeh khawp mai" te chu ka va tih ve kha.
Hmela chu!!! min seen khum leh hmak reuh anih chu...Mahse enge ...A lak atang hian beisei ka nei sang vak lo reng ani.
Podcast chu ngaithla in ka mut san ta daih a.

A Tuk chu Saturday anih avangin Class ka neilo a...Zing ka han thawh chuan Ka phone te chu ka han check nghal zung zung a...A ruk tak chuan Remruata hian minlo reply tak mialin ka ti ani...Mahse engmah awmlo...Zorini message tih vel bak leh Dm a mi min biakna ka hawn peih loh ho bak anilo. Mahse eng vanga Remruata message chang chu nge ka nih pawh ka inhre lo..keihi ngati nge khapa kha ka ngaihtuah ve ringawt.Aaaa ka hrelo Mut rei ni ani tho Mu leh daih ang.

Ti chuan Chawhnu lamah chuan Zorinin min bazarpui lawk rawh a tih vang chuan kan chhuak a, Remruata chungchang pawh chu ka hrilh duh lem lo...Ani pui hi Bl drama,webtoons leh wattpad ami hi a chhiar a a en vek bawksia. Eng eng emaw a ngaihtuah kual a hlauhawm tlat. Ti chuan Zanriah pawh chu An inah chuan A Nu in min sawm tlat avangin ka ei ve ngal a.

Ka haw hnu chuan Movie te enin. eng eng emaw ka ti kual a Zan chu alo rei leh duai tawh.
hla ngaithla ila mu daih ang tih pah chuan Spotify chu ka han hawng a, Hla chu ka han ngai thla vang vang a...Chutah Birdy - Tee Shirt ngei mai chu a rawn in play fuh ta.

~~~..."In the morning when you wake up
I like to believe you are thinking of meAnd when the sun comes through your windowI like to believe you've been dreaming of meDreamingI know'Cause I'd spend half this morningThinking about the t-shirt you sleep in"...~~

Chu hla a rawn sa chho chu , Ka rilru ah chuan Mak tak mai in Lalremruata mawlh chu a rawn lang leh nghal anih chu . Eng vangin nge hepa hi kalo ngaihtuah leh thin...a ngeiawm teh lul nen..ka ngei vang niang tiin ka in hrilh ta tawp a.

****

END OF PART 3

****

Note: A ngaihnawm dawnin in hriat chuan ,khawihngaih takin readers fel tak tak te,ka story te lo vote a comment hreh lo turin ka sawm a che u...