Tee Shirt ( Mizo BL)

Part 5

A tuk ah chuan College chu Phur lo fe chuan ka han kal leh a...Nizan ka meng rei em alawm,Ka mit meng ah chuan MUT KA KHAM LO tih inziak chu a hmuhtheih a. Mahse class tan dawn pawh chuan ka hnung seat chu ala awl tlat. Ni e tu emaw lo thleng tur a nghah ruk chu ka nei ni...Lecture lak lai te chuan ka muthlu lawp lawp a..Nileng chuan ka zawi ani ber mai.

Tlai ka haw pawh chuan Workout chu sawiloh inbual pawh ka peihlo ,Khuma ka bawk chu kalo muhil chu ni in. Dar zat ka chu phone a ka en chuan Dar 8:00pm alo pel tawh a..Mahse Message Pakhat alo awm tlat

[ Vawin ah Assignment kan nei em?] tih tawp chu Remruata hnen atang chuan ka dawng a.
( Aw nei e). 
[ Chuan???]
:Ka theih ang tawk tawk chuan Assignment tihdan tur leh materials lak na tur ka hrilh a:
[ i Van sawi thiam lo tak]
: Voice note kava thawn leh: ka hrilh duh kha chu lawm hle tur ani zawk a.
[ Avan buaithlak tak in address lo sawi mai]
(Enga tan?)
[Vat.]

Kan address awmna ka sawi hnu reilo te ah chuan No. ringawt chuan Phone call ka dawng a

"Hello"

" Aw hei ka lo thleng" Remruata ni tih chu ka hre nghal a, Alo kal dawn tih pawh sawi bawk silo a,hepa zet hi chu.

tukverh ah chuan ka dak vat a" Lo chho rawh, Tumah an awmlo"

Ka room kawng ka chu a rawn kik karh karh a...Lo lut suh chu ka ti deuh kher.
A ngawih tak reng avang chuan Keimah zawk chuan kava hawng ta a..Kawngka zawn ah chuan alo ding reng. Lo luh ve mai tur alawm
"Lo lut suh tih awmzia ka hria a ka rawn lut lo"

Okay anih lo lut rawh

"Khawnge i chhungte?"

Hmun dangah chaw an ei chhuak

" Kalo kal chu i lawm vak nange"

ka lawm lo ka tih loh kha..Engmah i sawi bawk si lo a

" Ka dil che chuan ,Chhuanlam i siam ka hlau a"

Siam pawh ni ila ,ilo kal tho ang .Za lo zet chuan ka nui luia

" A dik alawm"

Sawi leh mai tur pawh ka hrelo zawk..Anih ih kha lo thu rawh chu ka ti bah nuai a,Ka study table ah chuan ka thu dun ta ran mai...A tul ang ang chu hrilhfiahin ka thiam ang ang chuan ka tihpui mawp mawp a...

Ka hawi phei chuan minlo melh leh reng tawh...chutia hnai lutuk tak maia Remruatan minlo melh reng tak ah chuan a hmel te chu ka hmu chiang in alo Tha kher mai.Ka lai lek lek zawk ani...Ka mit chu ka la sawn vat a...ka thu sawi chu i hria em ka tih chuan

Ani pawh chuan" enge kan sawi lai khah ?" ti chu a rawn ti let zawk anih chu..Chutia lai angreng taka kan awm lai tak mai chuan Ka pum chu a rawn ri rawk rawk a...Inthlahrung deuh tak chuan Engmah kala ei loa ka han ti nuah nuah a.

A tho hluai a lo kal rawh a tia..Choka ah chuan kan inzui thla a...Bungbel awmna chu min zawh pah chuan a hai rawk rawk a...A thiam ang tawk chuan Soup leh omlette leh Frozen foods eng enge maw chu min siam sak a...Min siam sak lai vel chu a hmuhnawm a sin aw...a che zeilo bawk sia Thil dahna a hre bawk silo.A ruk chuan kalo nuih let tut tut thin a..

Chutia thiam ber ni awma Eitur min siam hnu chuan Ka hma ah chuan mawihnai deuh chuan a rawn chhawp ve a...A thil kan aut nasa si,a soup siam a al bawk si..A ngaihna awmlo. Tlawmngai taka avan tui tih a har em avang chuan... tui ka tih ring deuha " A tui em?" tia min zawh pawh chuan. Ka chhang lo. A ngaih a tha ta biklo nge Ka fian ken lai chu la in ama siam tur chu a han tem ve a..a ner deuh suk a. Kan chah mai dawn nia a ti a ringawt a..

A inthlahrun tluk zet chuan keipawh chu ka inthlahrung ve tho. " Ei tur hi inah ka siam ve vak ngailo a. Midang phei chu kala siam sak lo" chu a rawn ti chuai raih a..Han nuih chiam chu ka chak a mahse tha tak chuan, iti lawm awm hrim hrim e tih pah chuan ka nuih tet tet a. Min mileh rum kher mai..chung te chuan ka nuih chu a ti za zual a.

Eitur chah pawh chu an rawn deliver thuai a, Ka ei leh nghal char char..a tam tawh em ani.I duh ve em ka tih lah chuan A duh lo bur bawk si a ...ka ei zawh chuan ka puar ta khawp. Room a kan let hnu chuan tihtur tul te kan ti leh a...kan tih zawh meuh chuan zan pawh a rei lek lek tawh...a haw dawn chuan ..Ala hma lawm te a hming chuan ka ti ve a..Anih chuan tiin..Ka room Balconey ah chuan a chhuak a.. ka va zui chhuak ve a...E ni tak..Eitur min siamsak chu ka sawi tawh kher lo anga,thil min chah sak kha ka lawm lutuk ania. " A ho lutuk Assignment min tihpui bawk sia,i phu ve reng alawm" chu a ti mai a." Cigarette ka zu dawn a pawi i tih loh chuan ,i duh ve em ?chu a rawn ti a...Kalo aw ve mai a ...A bawm chu hawngin Kha' a rawn ti a ka la ve maia..ka meizial ken lai chu ka pet a...ti chuan min rawn din hnaihin A lighter chuan minrawn Tan sak ta a..A chhan pawh ka hre lo ,Ka lung chu alo phu dup dup mai. ( tunah khan hmeichhia phei chu ni ila man ka ti ngawt ang)

Ani pawh chuan a meizial chu tan ve in...kan pahninh chuan Ka room balcony ah chuan Khawpui Eng thlirin mei chu kan han zu dun vang vang a...Nakin deuh ah chuan Remruata chuan "  A mawi ka ti" Tih te mai hi a rawn sawi chhuak a. keichuan khawpui eng chu mawi a ti nih ringin " Ni e" ka ti ve mai a. kava hawi phei chuan minlo melh reng chu niin..." i mit meng kha a mawi tih an hrilh tawh che em?" chu a rawn ti ta daih a, Chutiang thu chu ka beisei loh lutuk anih vang chuan ..Ka lai ru kher teh asin awww. Ka chhan leh hma chuan.. "Englo ania i Hmel hi a Zo lo em a" ...Chu ka chhia i tihna mi? tiin ka zawt let leh deuh kher a.

" Nilo Nilo..i hmel chu a tha lutuk a lawm ..Aih ka tih.Nia.." a han ti deuh nuai a...( A hmel te chu a tha fe zawk sia) ...Aw tak tak ah Thlapawlh chu ka nia tia bul tanin...kan family background te chu ka sawi ta teuh ringawt...uluk fe hian minlo ngaithla a,ka duh aiin ka tawng  hnem hial zawk...dar zat ka en chuan a lo tlai tawh ang reng...Kalo titi tui lutuk a i haw duh tawh ang tiro tih pah chuan kan in zui chhuk ta a.

Bike thleng chu ka va thlah ve kha...bike a chuan hma chuan " Ka rawn call na che kha lo save rawh aw. Chuan..vawikhat mah min 'Bro' tawh suh tih pah chuan a helmet chu khumin a tlan ta a...

ka nu leh pa te pawh chu an lo va haw har...mahse pawilo mai..mut hmunah chuan Call log atang chuan Remruata No. chu LUHLUL tih hian ka save a...chuan Bro tih chu avan duh lo awm em em ..enge maw le ... ti chuan amah nen a kan hun hman te chu ka ngaihtuah a, ka khi leh vur vur zel...Hriatchian chuan a Lan ang ngawt ai chuan alo fel daih zawk anih hi te chu ka ti leh ta vel a..A khat tawk chuan ka khi leh suk suk zel .>.<

****

END OF PART 5

****

Note: Story hi ngaihnawm i tih chuan sawi lo sawi hreh lo ula, a theih na na ah minlo share sak ve dawn nia Bl lover te hnen ah pawh .Chuan in comments te ka hlimpui thin lutuk ania