بنو❤️B.j.a.s
7:00ص
ام ريام ..ياله ماما ريام كومي كعدي راح تتاخرين ع دوام ..ياله بنيتي
ريام ..اممممم....اي ماما كمت ..صباح الخير ..وهيه تمد بجسمهة حتئ تتنشط
ام ريام..صباح النور ..ياله راح اسوي ريوك
ريام .كمت غسلت وفرشت اسناني ولبست ونزلت لكيتهم كلهم كاعدين
ريام ..صباح الخير
الكل ...صباح النور
ابو ريام ..ريام هاذي يوميتج وهاذي فلوس خط انطيهيا
ريام تمام بابا
....وراها اجه ابو خط ورحت للمدرسه طبعا اني رابع علمي ومستوايا وسط بس كلش اعشق الرياضيات والاحياء وفول بيهن بس باقي مواد نص ونص
بعد اسبوعين عن امتحانات نص سنه ..... اوووف مالي خلك
داليا .. ياله خيه ما بقه شي خلي نخلص جزعنه
ريام..اي والله
وراها خلص اليوم ورجعت للبيت لكيت ماما مكمله الغده ومنتظرتنه
ريام ..سلام عليكم .
ام ريام ..وعليكم سلام ..ياله ماما روحي بدلي وارتاحي بين ميخلص الغده
رحت بدلت ورجعت واجو وبابا واخوتي وهيام هم اجت من مدرسه
الاب ..اليوم بيت عمكم عازميه ع العشه ب5العصر اتحضرو انروحلهم
الكل ..حاضر بابا
ريام ..اووف اليوم راح اشوفه الحبيب كلب
صار العصر وتحضرنه ورحنه البيت عمو
وصلنه لكينه كلهم موجودين ما عدا زيد ماكو
مثل العاده ميحضر .... اوووف ليش ميكون موجود بهيج اجتماعات
...........................
زيد
زيد .. اي عيني اليوم وين انروح اليوم خميس باجر جمعه وعطله مثل كل مره انروح البغداد مو ..لبو نئاس
كريم .. لا هلسبوع ما اكدر عندي شغل وامي وصتني ع شكم حاجه تريدني اسويهن بالعطله
زيد ...هههههههه وانته خبير بشغل البيت مو ..ويغمز
كريم ..دنجب مرخصتك ... لعد اذا اني ما اسويهن منو ايسويهن انته تعرف اني وحيد لمي وابويه مات من زمان.. خطيه كل اعتماده علي .. والاحلئ من هاي دا تنك عليه تريد ازوجني ههههه
زيد.. هههههه اي ازوج وانحبس وخلي مرتك تكفخ بيك
كريم .. يعني اذا انته ازوجت مرتك اتكفخ بيك هههه
زيد .. ومنو كال ازوج
كريم ..انشوف .. زين انسوي اتفاق شنو رئيك ?
زيد .. شنو من اتفاق ابهرني
كريم ..الي يزوج اول يخصر 100 دولار للثاني شتكول
