نهوه انقذت حياتي

بارت سابع💭

بنو❤️b.j.a.s

سديت جهاز وضليت صافنه ما ادري شنو راح ايصير اكيد ابويه راح يرجع مره ثانيه عليه لان خابرت عمي اوووف ندمت هواي لان ما خابرت اخوتي

.......................

زيد ..

زيد..كعدت من نوم ..ونزلت جوه لكيت ابويه ايخابر وامبين متوتر سد تلفون

زيد.. هاا خير يابه شكو شبيك

ابو زيد ..صفن بوجه زيد ..وراها كله..روح بدل وتعال عسريع

زيد خير بويه شكو

ابو زيد ...بدل واسكت معليك

زيد ..تمام

رحت بدلت ونزلت مثل الاطرش بزفه ..صعدنه بالسياره

زيد .. بويه غير تفهمني شكو وين رايحين ..ميصير هيج ماخذني واني كلشي ما اعرف

ابو زيد .. هاذ عمك هايج مدري شبي ع بيت وحاط ريام كاتلهة ورجع ع ام ريام.. واحنه هسه رايحين الهم

زيد .. شنوووو? واني شنو جايبني وياك ?منو كلك اقبل اطب بيت عمي ...انته ما شفته شلون هاني

ابو زيد .. شهلكلام يا ابني هاذ عمك اولا وبعدين هاذ بيت خطيبتك

زيد ..استغفر الله هم كال خطيبتك ..بويه انته ليش هيج اسوي

ابو زيد ..اسكت عوفه وره الله هو ايمشي الامور

زيد ..ونعم بالله ..بس انته حاط بالك اتزوجنه اني وياها

ابو زيد ..اني كتلك اخطب ?لا ...اني كتلك انهي ?هم لا ...كلشي من الله دا ايصير لتحطني بالنص

زيد .. ونعم بالله

وصلنه البيت عمي نزلنه دكينه الباب طلعت بت عمي الصغيره هيام سلمنه وطبينه

لكينه عمي ايصيح وصوته عالي طبعا احنه بيتنه مو كلش بعين 5 دقايق بسياره تقريبا ما تاخرنه ربع ساعه وصلنه بين ما بدلنه وطلعنه

ابويه جان ماخذ ع خاطره من عمي بس ما كدر ما يجي

ابويه حجه ويه عمي

ابو زيد .. خير خويه ليش اصيح وهيج منفعل ..خير خوماكو شي

ابو ريام .. هلا خويه اجيت ..هلا بيك تفضل اتفضل

ابو زيد .. زاد فضلك ..شسالفه متسئل ع اخوك ولا ادكول

ابو ريام .. ادري بيك ماخذ ع خاطرك مني .. واني ردت اليوم اجيك ..انته اخوي وما اكدر بلياك ..شعندي غيرك

ضلو ابويه وعمي بهلكلام لان فعلا همه بس اخوه ثنين ماعدهم لا اخت ولا اخ واحد سند للثاني وابويه سوه نفسه ميعرف بالعركه وكعد يسئل عمي

ابو زيد .. خير خويه شو صوتك قبل شويه عالي

ابو ريام .. لا خويه اطمن ماكو شي