بنو❤️b.j.a.s
زيد .. تمام انته متريد تنطي بنتك ..تمام كلش تمام
براحتك هيه بنتك ..بس احب اكولك اني ناهي عليهة بت عمي الي مصير الغيري وفنك ازوجه الغيري واتشوف شسوي
اهنا كلهم صفنو وابويه انسطر من صدمه ميعرف شنو يحجي بس عمي ضل ايصيح
ابو ريام ..هو بكيفك بنتي واني حر بيه لو تبقه اخر واحد ما انطيهة واحد خريج سجون وابو بنات
زيد .. الي عندي اني كلته بعد بكيفكم ..انته مو تريد تستر عليه راح اضل اهنا بيتك ع كلبك ..ياله اني رايح مع سلامه
ابو زيد .. ياله امشو احنه هم انروح ..واسمع يا اخويه وابن امي احب اكلك انته بهاذ كلامك دا اهيني الي .. لان بنتك اصير جنتي ..وابيتي ومثل بنتي بس اتته كل هاذ ما قدرته
ياله امشونه ..
...................
ريام جنت بااحديقه من عافني زيد وطب بس كبشي توقعت اله انو زيد ينهي عليه اسمعه باذني واني ما مستوعبه
ريام .. مستحيل مستحيل اقبل بزيد .. صح جنت احبه بس هاذ قبل ميدخل للسجن كلش لعبت نفسي منه من دخل للسجن .. ركضت للمطبخ لمي وكتله سمعتي سمعتي الي صار
ام ريام .. اي سمعت مبروك يبنيتي خلصتي من هذاك الي خطبج ..بعد ابوج ميكدر ايجبرج ع شي
ريام .. ع شنو تباركيلي ..فهميني ع شنو اخلص من مصيبه اوكع بثانيه ..هو زيد شنو واخذه
ام ريام ..انجبي واقبلي ع الاقل بيت عمك تعرفيهم.وايحبوج وزيد هم حباب واذا طلع مو زين وياج ورجع لسوالفه عندج عيال ايحبوج ايعوضوج
احسن ما ترحين واحد بكد ابوج متعرفين شنو راح يتعاملون وياج
ريام .. تلطم ع وجه وتبجي .. شهلمصيبه جبتهم ينقذوني سوو هيج بيه ...وين انطي وجهي
صعدت للغرفه ابجي وبعد ما نزلت
طبعا حسن واكف وياي وما قبل انو ازوج ابو حسن بس حسام نفس كلام ابويه واعرف انو هو الي مشجعه ع كلشي
..................
زيد ..
زيد .. رجعت واني كايف من ردت فعل ابويه خاف ميقبل وايخليني ارفع النهوه عن ريام بس بنفس وقت سويت هيج كمساعده الريام نهيت عليهة وراح ابقيهة علما تتخرج وارفع نهوه وكلمن ايشوف نصيبه مجان غايتي ازوجه ابد
طلعت من بيت ريام وطبعا من طلعت شفت ريام مصدومه بالحديقه بس خليت وطلعت ما حجيت ويه احد ابويه واخوتي طلعو ورايه صعدنه بسيارات ورجعنه للبيت محد حجه بالموضوع
بحيث استغربت شعجب كلهم ساكتين بس ليث من رجعنه سولف لمي وامي دخلت وره ابويه للغرفه حتئ ما اعرف شنو رئيهم
سوت امي العشه وتعشينه وهدوئ سيد المكان خلصنه اجه وكت جاي ردت اكوم اروح الغرفتي لان ماعندي واهسه حتئ اطلع
