(((((((( كشف حساب ))))))))
#lolo
#لولو_محمد
الحلقه الاولى
فى عماره فاخره عياده دكتور اسنان
الدكتور بيتكلم فى التليفون / الو .... ايوه يا عبد الله معقول كدا اجى الاقى العياده متبهدله ..... لا اله الا الله لا سلامتك ازاى ده حصل ..... لا اله الا الله معلش خلاص خلاص ..... انا عارف خليك مرتاح لحد مرجلك تخف و لما تقوم بالسلامه هتلاقى شغلك مستنيك .... ولا يهمك و لا يهمك
الدكتور يقفل السكه / لا اله الا الله دا وقته هعمل ايه انا دلوقت مش مشكله هخلص الحاله اللى موجوده و بعدين ربنا يسهل
الدكتور ينادى على الحاله تتفضل و لما يخلص يقفل العياده و ينزل
........
قدام البوابه البواب واقف مع بنت شابه
البنت / انت متاكد ان مفيش اى حد محتاج اى حاجه انا بعرف اعمل كل حاجه لهلوبه
البواب / الله يحنن عليكى
البنت / انا مش بشحت منك انا بدور على شغل هو فى ايه فى البلد دى نموت مالجوع يعنى و لا نشحت
البواب / يا ستى قولتلك مفيش شغل هنا محدش عاوز خدامات ربنا يرزقك
الدكتور يدخل
الدكتور / انتى عاوزه شغل
البنت / يابيه انا جايه من اخر الدنيا و بقالى شهور بدور على شغل و فلوسى خلصت و صاحب البيت هيطردنى ابوس ايدك تشغلنى
الدكتور / التمرجى اللى عندى اتزحلق عالسلم امبارح و رجله اتكسرت و هيقعد الى الجبس فتره ممكن اشغلك لحد ميرجع و بعدها ربنا يحلها
البنت / ربنا يخليك انا بتعلم بسرعه و ممكن اعمل اى حاجه
الدكتور /هنشوف تعالى ورايا
الدكتور يطلع العياده و البنت وراه
......
فى العياده
الدكتور / انا اسمى الدكتور هشام السويسى زى مانتى شايفه دى عياده اسنان المطلوب منك انها تبقى علاطول نضيفه و هعلمك ازاى تعقمى شويه ادوات الا صحيح انتى اسمك ايه
البنت / اسمه همسه محمد مرزوق
هشام / همسه ؟؟؟؟
همسه بابتسامه / اه
هشام / اسم حلو اوى انتى معاكى ايه
همسه/ انا معهد خدمه اجتماعيه انا اصلا من المنيا بس جيت انا و ابويا هنا من فتره طويله بس هو تعيش انت وانا من ساعتها و انا بدور على شغل عقبال امالتك ابويا اصله كان ....
هشام / حيلك حيلك انتى هتحكيلى تاريخ حياتك بصى انا هجربك اهم حاجه عندى الامانه و النظافه
همسه / جربنى انت بس و انا باذن الله هرفع راسك
هشام / هنشوف انا دلوقت هعلمك ازاى تعقمى الادوات دى و هسيبك و هنزل ارجع الاقيكى مخلصه و مخليه العياده فله
همسه / حاضر
هشام / تردى عالتليفون بادب و فى دفتر مواعيد عالمكتب تسجلى الحالات و تسيبى بين كل حاله و التانيه نص ساعه فهمتى
همسه / حاضر
هشام / اتفضلى قدامى
هشام يعلم همسه ازاى تعقم الادوات و يسيبها و ينزل همسه تخلص تعقيم الادوات و تبدا تنضف العياده و تمسحها و فجاه يدخل شاب شيك كدا
الشاب / احم احم
همسه / السلام عليكم اؤمرنى
الشاب / انا عندى معاد مع الدكتور
همسه / ثوانى هشوف اتفضل ارتاح
الشاب / انتى جديده هنا صح
همسه / اول يوم بس انا مش هكمل اصل التمرجى اللى قبل منى اتزحلق عالسلم امبارح و رجله اتكسرت و انا اصلا كنت بدور على شغل فبالصدفه وانا بسال البواب الغتت اللى تحت على شغل ربنا بعتلى الدكتور و سمعنى فقالى تيجى تشتغلى مكانه لحد ميخف و ادينى اهو ياربى نسيت اسالك الحجز باسم مين
الشاب بابتسامه عريضه / يس بدران
همسه / اه مظبوط بس الدكتور مش موجود دلوقت حضرتك ارتاح هو بس نزل من بدرى و زمانه جاى علاطول ان شاء الله مش هيتاخر اعملك شاى على ميجى
يس بابتسامه / لا شكرا انتى قولتيلى اسمك ايه
همسه / اسمى همسه محمد مرزوق بابا كان دايما بيقولى همس الله يرحمه بقى
يس / الله يرحمه
همسه / انت هتفضل واقف كدا اقعد استريح
يس/ و افوت على نفسى الحوار الشيق ده ميصحش حتى الا قوليلى انتى اخر مه اتكلمتى امتى
همسه / مش فاهمه
يس / اصل اللى يشوفك يقول انك بقالك سنين متكممه و مصدقتى فتحتى بقك و صعبان عليكى تقفليه تانى
همسه تبص فى الارض و تدمع
يس/ انا بهزر معاكى على فكره
همسه تبصله و عنيها كلها دموع
يس/ انا بجد اسف اوى مكنش ابدا قصدى ازعلك اوى كدا
همسه تمسح دموعها / حصل خير عن اذنك ثوانى
همسه تدخل الحمام تغسل وشها و الدكتور يوصل
هشام / يس ازيك معلش اتاخرت عليك
يس / ولا يهمك
هشام / طب يلا على جوه
همسه تطلع مالحمام و يس يبصلها و هو داخل
.......
فى اوضه الكشف
يس/ الا ايه حكايه البنت الجديده دى
هشام / تخيل عبد الله يتزحلق امبارح و رجله تتكسر و تلتربع الادوات محتاجه تعقيم سبحان الله اتبعتتلى نجده افتح بقك
يس/ بقولك ايه اجل الكشف لبكره
هشام / ليه بس
يس / معلش انا مش فالمود خالص النهرده فمش ناقصه بنج ووجع دا غير انى عندى مشوار كمان ساعه
هشام / خلاص و لا يهمك
هشام يطلع مع يس بره و همسه تجرى عليهم
هشام / اشوفك بكره سلام
همسه / فى حاله جت بره
هشام / دخليها
همسه / ممكن انزل اجيب حاجه اكلها انا جعانه اوى
هشام / ماشى بس متتاخريش
.......
قدام الاسانسير
يس/ اقدر اوصلك فى حته
همسه / كتر خيرك عن اذنك
يس/ الاسانسير جه هتنزلى عالسلم ليه
همسه تنزل عالسلم و تسيبه و يس ينزل وراها
يس / انا بعتزر تانى عن اللى حصل
همسه / مفيش اى مشكله عن اذنك
يس/ طب ممكن اعزمك على الغدى على الاقل عشان اتاكد انك سامحتينى
همسه / انا هنزل اشترى باكو بسكوت و اطلع عشان انا ورايا شغل مش فاضيه
يس/ طب هتخلصى الساعه كام
همسه / و انت مالك يا بايخ
يس مبتسم / بايخ؟؟؟؟
همسه تطلعله لسانها و هى مكشره فيبتسم و يمشى و همسه تروح الكشك
همسه / هاخد دول لو سمحت .... شكرا
يس يركب عربيته و يفضل باصص على همسه لحد متركب الاسانسير و تطلع و فى الناحيه التانيه مالشارع شاب واقف بيشرب بيبس لابس كاب ازرق و بيتفرج على الاحداث
.......
فوق فى العياده
هشام / همسه فى مواعيد تانى النهرده
همسه / لا حضرتك مفيش
هشام / حجزتى بكره لاستاذ يس
همسه باستهتار / هو كل يوم ولا ايه
هشام / ههههههههه و انتى مدايقه كدا ليه هو حد يطول يكشف على يس بدران
همسه / ليه يعنى
هشام / يس ياستى يبقى صاحب اكبر مجموعه شركات فى مصر كان عايش فامريكا العشر سنين اللى فاتت و لسه راجع مصر
همسه / على نفسه هو مقاليش احجز
هشام / حصل خير يلا روحى بقى و متتاخريش بكره
همسه / معلش انا عارفه انه اول يوم شغل بس احنا يعنى
هشام / خير فى ايه
همسه / حضرتك مقولتليش هقبض كام و امتى و لا اى حاجه و انا بصراحه يعنى حضرتك عارف
هشام / اممممم بصى انا هديكى نص شهر مقدم
هشام يطلع متين جنيه من محفظته و يديها لهمسه و همسه تبصلها
هشام / ايه مستشوياهم
همسه / لا ابدا حلوين حلوين اوى عن اذنك
......
تانى يوم همسه توصل للعياده و تفتح و تبدا تروقها شويه و يوصل يس و معاه ورد
يس / اتفضلى
همسه / بمناسبه ايه ان شاء الله
يس / على فكره اقسم بالله انا كنت بهزر مش اكتر و يا ستى للمره المليون انا اسف خلاص بقى
همسه / على فكره انا فهماك و فاهمه اللى زيك كويس انت فاكرنى ايه
يس / افندم
همسه / البيه جاى من امريكا فاكر انه يقدر يشترى اى حاجه و فاكرنى اكمن ابويا ميت و فقيره سهله لا فوق انا اشرف منك
يس / انتى بتقولى ايه
همسه / انت هنا فى عياده محترمه يا تحترم نفسك يا تمشى
هشام يدخل / هو فى ايه بالظبط هنا
يس / مفيش حاجه من الواضح ان فى سوء تفاهم
همسه / سوء تفاهم البيه جايبلى ورد و بيعاكسنى
يس / والله معاكستها
هشام / حصل خير
همسه / لا محصلش خير دا انسان مش محترم
هشام / احترمى نفسك انتى هتنسى نفسك و لا ايه لو فاكره انى هشغلك هنا عشان تقلى ادبك عالناس تبقى غلطانه و ان كان على الفلوس اللى خدتيها امبارح .....
همسه تطلع الفلوس و تديها لهشام /كتر خيرك انا ماشيه
يس / استنى بس هو ايه اللى ....
همسه تمشى
هشام / خلاص ياعم تعال بس
يس / لا معلش هبقى اكلمك و احدد معاد تانى عن اذنك سلام
يس ينزل يلاقى همسه قاعده عالرصيف بتعيط يقعد جنبها
يس / اممممممم انا مش عارف هو ايه اللى حصل
همسه / انت تانى انت عاوز منى ايه يا اخى ابعد عنى بقى انا اترفدت بسببك ومش بس كدا لو روحت البيت النهرده صاحب البيت هيطردنى لانى مدفعتش الايجار و هبقى فى الشارع و كل ده بسببك
همسه تعد تعيط
يس / بسببى ليه انا اللى خدت فلوس الايجار
همسه تبصله و تكمل عياط
يس / انا ممكن اساعدك على فكره
همسه / كتر خيرك مش عاوزه منك غير انك تسيبنى فى حالى
شاب معدى / متسيبها فى حالها بقى يا اخى هو ايه مفيش اخلاق
يس / شكرا بس الحوار ميخصكش
الشاب / اما انت بجح اوى و شكلك هتنضرب النهرده
همسه / و انت اش دخلك انت متخليك فحالك تعال يا يس
الشاب / الحق عليا اشبعى بيه
يس / شكرا
همسه / حصل خير عن اذنك
همسه تمشى و يس يمشى وراها
يس / انتى محتاجه شغل صح
همسه / ايوه
يس / خلاص انا هساعدك تعالى معايا و انا هشغلك
همسه / لا
يس/ ليه ورحمه بابا هبقى مؤدب هههههههههههههه
همسه تبصله
يس/ انتى ليه واخده فكره وحشه اوى كدا عنى طب بزمتك انا عاكستك تعالى اركبى بقى هوديكى شغل
همسه تتنهد / ماشى
يس و همسه يركبوا العربيه و يمشوا و فى الناحيه التانيه نفس الشاب ابو كاب ازرق اللى بيتفرج عالاحداث مبتسم
.........
يس يركن العربيه قدام شركه كبيره
يس / اهلا بيكى تعالى معايا
همسه / ايه ده
يس / تعالى بس مش انتى عاوزه تشتغلى انا هشغلك
همسه / ماشى
يس يدخل الشركه و همسه وراه و الكل يحيوه طول الطريق و همسه ماشيه بتبص يمين و شمال
سكرتيره المكتب / حمدالله عالسلامه يا يس بيه
يس / اهلا ازيك يا ميرنا تعالى يا همسه
يس يدخل المكتب و همسه وراه
يس يقعد على مكتبه / ها تحبى تشتغلى ايه
همسه / انت جايبنى تالس عليا تانى متحترم نفسك بقى يا اخى
يس / والله ابدا انا بس بحاول اصلح اللخبطه الكتير اللى حصلت
همسه / احلف
يس / والله قوليلى بقى تعرفى تشتغلى ايه
همسه / معرفش اى حاجه بس انا بتعلم بسرعه اوى
يس / طب مفيش مشكله
يس يتكلم فى التليفون / تعالى يا ميرنا لو سمحتى
ميرنا تدخل / افندم يا يس بيه
يس / انا عاوزك تاخدى الانسه همسه و تعلميها اصول الشغل كلها بادق التفاصيل عشان هتبقى المساعده بتاعتك
ميرنا / المساعده بتاعتى ؟؟؟؟
يس / فى عندك مانع
ميرنا / لا ابدا اتفضلى يا انسه همسه صح همسه مش كدا
همسه / ايوه
....
ميرنا تاخد همسه و تبدا تعلمها عالكمبيوتر و اخر اليوم التليفون يرن
ميرنا ترد / ايوه يا فندم ... حاضر ثانيه واحده
ميرنا / انا داخله ليس بيه ياريت لما اجى تكونى خلصتى الملف اللى معاكى
همسه / باذن الله
شويه و يس يطلع / انا ماشى هتعوزى حاجه يا همسه
همسه / شكرا يا يس بيه
يس يمشى
ميرنا / على فكره يس بيه سابلك الظرف ده بيقول سلفه تحت الحساب و طلب منى اخد بكره اجازه و انزل معاكى نشتريلك طقمين حلوين لزوم الشغل
همسه / بجد
ميرنا / انتى تعرفى يس بيه منين
همسه / دى حكايه طويله
ميرنا / تعالى اوصلك و ابقى احكيلى فى السكه
........
فى العربيه
ميرنا / هههههههههههههه
همسه / انتى بتضحكى
ميرنا / طبعا تخيلى معايا واحده كانت بتتمنى شغل و تتحايل على الناس فى يوم و ليله تتعين فى شركه كبيره زى مجموعه بدران و مش بس كدا دى كمان اتعينت عشان هزقت المدير و رئيس مجلس الاداره
همسه / هههههههههههههه على رايك
ميرنا / هو ده بيتك
همسه / اه هو شكرا متيجى تشربى حاجه
ميرنا / بكره الصبح الساعه 10 هعدى عليكى ورانا مشاوير كتير اوى
همسه / هتعبك معايا
ميرنا / ياريت التعب كلو يكون زى بكره اوعى تفتكرى انى هعمل كدا لوجه الله يس بيه صرفلى شهر مكافاه افرتكه معاكى بكره ياريت الشغل كلو كدا
همسه / ههههههههههه ياريت عن اذنك
همسه تنزل مالعربيه و تطلع بيتها
..............
فى البيت صاحب البيت يفتح الباب
الراجل / اخيرا شرفتى انا مستنيكى اهو ياترى جبتى الايجار المتاخر و لا هتهربى زى كل يوم
همسه / لا جبت شكرا اتفضل ايجار الشهرين اللى فاتو اهو و كمان الشهر ده و ادى كمان ايجار شهرين قدام
الراجل / انتى جبتى الفلوس دى كلها منين
همسه / لقيت شغل و بعدين انت مالك متبعد عنى بقى ياخى انت مش خدت فلوسك وسع كدا
همسه تطلع بيتها و تترمى عالسرير و تفتح باقى الفلوس اللى فى الظرف و تعد تعدها
...........
تانى يوم
ميرنا / صباح الخير
همسه / انتى شغاله مع يس بيه من زمان
ميرنا / انا شغاله فى الشركه دى من خمس سنين
همسه / و بتاخدى مرتب حلو على كدا
ميرنا / طبعا انا بقبض خمس تلاف جنيه فى الشهر دا غير المكافات و الحوافز و فى ديلز لما بخلصها باخد كومشن هبقى اعلمك كل الحاجات دى
همسه / اصلى مستغربه انهى سلفه دى اللى اربع تلاف جنيه ليه يعنى هشتغل ايه
ميرنا / بصى انا عارفه انك خايفه بس متخافيش يس بيه شخصيه محترمه جدا من ساعه مرجع من امريكا مشوفتش منه اى حاجه وحشه و مفتكرش ان فى حد شاف فمتخافيش
همسه / ماشى يلا هتودينى فين
ميرنا / تعالى هوديكى محل تحفه انا بجيب كل لبسى من هناك
......
أنت تقرأ
كشف حساب بقلم / لولو_محمد (كامله)
Storie d'amoreيعود رجل الأعمال يس من الخارج ليكتشف ان لوالده المتوفى ماض عاد ليفسد عليه حياته
