mi mute li jan pi kama sona. mi kama sona e toki Tosi lon ma pi kama sona mi li kama sona e sona nanpa e sona pi toki Inli lon ma sona ni. tenpo suno ni la, mi kama sona e toki Tosi. jan Wilise li pana e sona tawa mi. ona li jo e linja lon anpa nena pi sinpin ona. linja ni li lukin nasa. jan mute pi kama sona li musi tan linja ni. taso, jan pi pana sona li kiwen lon pali ona. mi ike la, ona li pana e musi ike tawa mi. jan mute li monsuta e jan Wilise tan ni: ona li wawa. mi pona ala tawa ona la, mi kama lon kulupu ante. kulupa ante ni li ike mute.
jan Wilise: nimi ni li seme lon toki Inli?
pakala a! mi sona ala e nimi ni. ona o anu ala e mi! taso, mi jo e tenpo ike. tan ni la, ona li anu e mi.
jan Wilise: jan Polo o, sina o pana e nimi Inli tawa mi!
mi pilin ike. sijelo mi li tawa lon supa mi. mi pilin e suno lon sijelo mi. telo li kama lon insa mi tawa selo mi tawa sinpin mi. mi wile ala monsuta e jan Wilise a!
mi toki: mi sona ala a! taso, mi wile ala e ni: sina pana e ike tawa mi. mi mute li jan ma! mi mute li jan pi kama sona! mi mute li wile ala pilin e telo loje lon selo pi mi mute! mi mute li wile ala pilin e seli lon selo pi mi mute!
mi tawa lon sewi supa li pana e luka mi lon sewi sewi.
jan ante kin li tawa lon sewi supa sama mi. mi pilin pona.
mi mute li toki: sina o pana ala e pilin ike tawa mi!
lukin pi jan Wilise li tawa tan poka wan tawa poka tu. ona li pilin nasa. ona li pilin e telo lon selo ona. ona li pilin e telo lon linja ona. ona li pilin e telo lon sinpin ona. ali ni li open kamalawala.
(lipu ni li nasa mute mute a! XD)
