اهلا جميعا🙋🏻♀️🙋🏻♀️
عارفة انى غيبت كتير بس انا كان ليا ظروفى
كان عندى امتحانات تالتة اعدادى وكان فيه مذاكرة طحن والحمد لله جبت مجموع ٢٦٧ من ٢٨٠ مع انه مجموع قليل بس هو مش مجموعى الحقيقى انا كان المفروض يكون مجموعى اعلى من كده وكنت هطلع الأولى على المدرسة بس بسبب ان حصل عندنا فى مصر ظلم كبير فى الدرجات والتصحيح ومش انا لوحدى فيه طلبه كتير اتظلموا وبرده كان فيه غش فى اللجان اللجنة الى انا كنت فيها الوحيدة الى كانت شادة على الطلبة جامد
انا كنت بطلع من اللجنة بعد الامتحان زملاتى الى فى اللجان التانية يقوليلى انهم كانوا بيغشوا عادى قدام الملاحظين وكانوا بيقعدوا جنب بعض ويسلموا لبعض ورق الامتحان
الصراحة تحس بالظلم جامد انك تكون تعبان جامد نفسيا وتكون هلكان فى الدراسة وتحل فى الامتحان بمجهودك وتطلع تلاقى الطلبة فى باقى اللجان غاشين وكمان فى مدارس اتسرب فيها الامتحان
ايام الامتحانات انا كنت متوترة جامد وكان عندى ارق وكنت بنام متأخر كنت بنام نص ساعة بس واما اصحى اشرب قهوى علشان اعرف اركز فى الامتحان
وكل ده والاخر يوم النتيجة الاقى درجات مش درجاتى خالص وزملاتى الضعاف شوية جايبن مجموع اعلى منى انا عيطت كتير كان حلمى انى ادخل مدارس STEM (مدارس القمة) بس للأسف بسبب ظلم المصححين مجبتش المجموع اللازم علشان ادخل المدارس دى
كان المفروض اعمل تظلم (اعادة تصحيح) علشان ارجع درجاتى بس بابا رفض
على العموم كل ده حصل ونسيت انى بكتب فى رواية اصلا من انشغالى بس حابة انى اقولكم
للى مهتم طبعا انى هكمل كتابة الرواية بس هعيد نشرها من الأول علشان طريقة السرد بتاعتى مش عاجبانى
حاسة ان طفل عنده ٣ سنين بيكتب مش شخص عنده ١٥ سنه
ممكن برده انزل روايات تانية بس مش دلوقتى خالص علشان انشغالات اولى ثانوى وهى فترة غريبة كتير وانا مش نتعودة عليها وفى مواد كتير انضافت احنا مكناش وخدنها احنا علينا ١٠ مواد تقريبا
فعلشان كده مش هقدر احدد وقت معين انشر فيه البارتات
اما اكون فاضية هنشره
وبس انا رغيت كتير
حاسة انى كنت بحكولكم قصة حياتى😭💔
باااى🙋🏻♀️🙋🏻♀️
أنت تقرأ
تائهه ....... فى اسرار الماضى
Romanceعشت حياتى بدون عائلة ....حسنا اعترف انى اكتأبت كثيرا ولكنى استطعت تخطى الامر او هذا ما كنت اظنه التقيت بأشخاص كانوا اخر اشخاص تمنيت رؤيتهم لا اعرف اهرب ام ابقى لا اعرف ما الذى ينظرنى حتى ولكنى سأصبر الى ان ينتهى هذا الى ان ينتهى صراعى مع الحي...
