حرب المافيا

حياتك وحياتو رح تكون اختفت

حرب المافيا
《3》
 جود:(اطلع بساعة ايدو) هلأ الساعة وحدة الساعة تلاتة ازا ما كنت عند سوسو رح تعطي التسجيل لأبوها وانا مفهمها شو تقوللو لهيك انا مارح روح لعندا حتى اصير الفيلا بأسمي مع الخدم والممرضة ومبلغ صغير تقديره خمسة مليون شو قلتو
زين:ههههه حلوة هي
جود:بنصحك تستعجل الساعة تلاتة ما كنت بوجهها حياتك وحياتو  رح تكون اختفت
احمد:جود روء نحنا رح نعطيك الفيلا بس خمس ملاين شو هاد الفيلا لحالها هداك المبلغ مليونين مناح
جود:امم
زين(بهدوء):اكتر من مليونين مارح ندفع وازا بدك روح بلط البحر بالتسجيل انا ما بخاف من حدا وانا عالحالتين كنت رح اعطيك الفيلا لانو مو زين يلي بيحكي وبيخلف بحكيو
جود:بصراحة احرجتوني موافق
---------
*فيلا جود*
جود:شو رأيك امي عجبتك الفيلا
زينا:من وين
جود:شو
زينا:من وين جبت هلفيلا
جود:فتت بصفقة وربحتها واكتر من هيك لا تسئلي الله يوفقك
زينا:مال حلال؟
جود:اكيد
زينا:الله يرضا عليك
جود(بقلبو):العز بدو شوي حقارة يا امي
---------
*بعد مرور ساعتين*
زينا:مين انتي يا بنتي
سلمى:انتي ام جود
زينا:اي والله وانتي
سلمى:انا رفيقتو ممكن فوت
زينا:اكيد تفضلي
سلمى:مرحبا جود
(جود كان متسطح عل كنباية عم بتفرج بالتلفزيون وبس شافة نقز ووقع علأرض)
جود:سلمى انتي شو جابك وشو عرفك ووين ساكن
سلمى:هههه مبروك الفيلا شو بعت الاسلحة يعني
زينا:اسلحة شو يلي عم تحكي عنها
جود:هي هي عم تمزح امي
سلمى:لأ ما عم امزح
زينا:ككيف
جود:ام السوس تعي عغرفتي تعي ورجيكي ياها
سلمى:موافقة
جود:ماما قولي للخدامة تسويلنا شي نشربو سلام
*الغرفة*
سلمى:شو قايل للماما تبعك انك بتشتغل
جود:بشركة
سلمى:هههه بايع الاسلحة ما
جود:ليش اجيتي ما رح قلك كيف عرفتي البيت لانك سلمى سيف بس ليش اجيتي
سلمى:اشتقتلك
جود:ليش لتشتاقيلي
سلمى:جوجو بيني وبينك
جود:جوجو؟ ؟
سلمى:انت حلو وانت عجبتني
جود:وانتي عجبتيني
سلمى(بفرحة):عنجد
جود:اي عنجد دبريلي شوف ابوكي واشتغل عندو وكون ايدو اليمين وانا ألك شو اتفقنا
سلمى:بردلك خبر بكرة سلام هلأ بحبك
----------
*المكتب*
زين:لك اناا زين اليسر اتهدد من واحد فصعون
احمد:روء انت ليش دائما معصب خلص انسا
زين:لك هلأ بكون مفكر اني خفت من تهديدو البهوي ااخ بس لو ما عاطي كلمة كان يحلم بالفيلا والمصاري
احمد:انا حاسس انو في بكلامو كزب وكمان في صدق
زين:خيلتني والله
احمد:هو كان واثق
زين:بس بدي شوفو ل....ل ...
احمد:ل.. ولا شي انسااا بقا ارتحنا خلينا ملتهين بشغلنا
زين:انا رايح عالبيت بدي ريح عقلي شوي سلام
احمد:الله معك وانسااااه لجود
زين:ادعي
-----------
*بيت زين*
لميس:زوزو حبيبي واخيرا اجيت
زين:استغفر الله العظيم منك وك كم مرة قلك لعد تقولي زوزو ما يسمعك شي واحد من موظفيني غير صير مسخرة
لميس:ولوو اخي انت وموظفينك انسى قلك شي كتير مهم
زين:مع انو تعبان كتير وانا جاي عالبيت لريح من شغل الشركة بس يلا تفضلي
لميس:مبارح بحفلة عيد ميلاد رفيقتي شفتلك شب بيفلج بطير العقل
زين(بتعب وبقلة حيلة):لك لميس انا اخوكي تأدبي شوي
لميس:قوم ريح بدي قلك لسا عنو وانت مرتاح منشان تعصب شوي
زين:(قام واتجه لغرفتو):مجنونة والله مجنونة
《لميس وزين اهلن مطلقين وكل واحد انزوا بحياتو وراحو واتزوجو واسسو حيات جديدة وتركو لميس مسئولية زين ولميس ما بتعرف عن شغل اخوها ولا شغل ابو رفيقتها سلمى》
لميس:زينو ارتحت
زين:جلطة شو بدك
لميس:انا حلوة مو
زين:بدك الصراحة
لميس:اي اكيد
زين:لأ
لميس(بحزن):ليش
زين:بتجنني وانتي بتخلي احلا شب بالعالم يركعلك
لميس:بدي ياه
زين:لميسو حبي انا اخوكي وبدي مصلحتك ازا هو ما بدو ياكي ازبلي وفي غيرو كتار
لميس:اجتني فكرة
زين:عم احكي مع حالي
لميس:رح اتصل بسلمى رفيقتي وأسألها عنو شكرا اخي سلام اموااه
زين:بخلص من احمد السئيل بتجيني لميس المجنونة اووف على حظي
------------
*بيت احمد*
احمد:والله رح جن من اسبوع عطيتك خمس مية ألف لحقت تخلصن
شادي:ما دخلك ما لك حق تحاسبني بدي مصاري
احمد:ولك كيف مالي حق كيف مصاري شغلي
شادي:شغلك بتجارة الأسلحة
احمد:نوص صوتك ليسمعوك
شادي:ليك يا شاطر يا بتعطيني مية ألف يا رح افضحك قدام اهلك
احمد:ماشي ماشي بس مافي غيرن فهمان
شادي:انا بقرر فهمان
《شادي اخو احمد بيعرف شغل اخوه وبضل ياخذ مصاري منو منشان ما يقول لأبو وام شادي وما في غيرهن
شادي عمرو 30سنة وشعرو اسود وسمين شوي وطولو 170 واسمر
ام شادي شمس مرة كبيرة بالعمر بس قوية وقد حالها ومشيا ولادها عطريك المستقيم او هي هيك مفكرة
ابو شادي ماجد بيشتغل بمحل سمانة 》
ماجد:احمد شادي وينكن
احمد:اي بابا
ماجد:شو كيف كان شغلك بالمحاسبة
احمد:تمام بابا
شمس:اديش معك مصاري
احمد:معتازين شي
شمس:لأ بس مصاري ما بينحطو بأيد شب هات كلشي معك او خلي معك الفين
احمد:مع عشر تالاف
شمس:هاتن
احمد:تفضلي بدك شي تاني
شمس:سلامتك
احمد:انا رايح عند رفيقي سلام
ماجد:انشالله هاد الغبي زين
احمد:بابا هو منيح كتير بس انتو ما بعرف ليش ما حبيتو سلام
يتبع...
رأيكن؟...

الراوية بقلمي وايا سرقة من النص سيعامل معاملة قانونية