حرب المافيا

البداية

حرب المافيا
《1》
زين(بعصبية):كيف هيك كيف؟!
احمد(بتوتر):روء شوي الشغلة ما بدها عصبية بدها رواق لنعرف نفكر
زين:ما عم اقدر يا احمد هي خيانة ألي وتحدي كمان في حدا عم يتحداني ليسرقني وبنفس الوقت كارثة بتعرف شو يعني ..يعني راسي وراسك على المحك عند الريس
(حط احمد ايدو على رقبتو وبلع ريقو وطلع من المكتب)
《-زين عمرو 25 شعراتو شقر وعيونو زرق وابيض وطولو180 رئيس عصابة مافيا بلبنان
-احمد عمرو24 شعراتو سود وعيونو عسلي وابيض وطولو168 ايدو اليمين لزين بالعصابة وصديقو برات المافيا》
*بعد مرور ساعتين*
*المكتب*
احمد:لقيت الحل
زين:شو هو احكي بسرعة
احمد:انلبس التهمة لشي واحد ونحنا ما دخلنا
زين:كيف يعني
احمد:نحنا ما اخذنا كمية الاسلحة يلي نسرقت صح
زين:صح بس الريس الكبير ما بيعرف هاد الحكي هو بيعرف انو تهريبة الاسلحة هي كانت علينا واختفت كمية منها فمين اخذها غيرنا
احمد:نحنا رح نخلي شخص تاني يحمل كل هاد ويقول انا يلي اخذتن للريس الكبير
زين:احمد مو ناقص لبياختك بدك تروح انت تعترف تفضل روح
احمد:لك المصاري بتخلي أيا واحد يعترف بأي تهمة
زين:ايوة يعني بدك مصاري لتعترف
احمد:يا صاحبي ليش مخك مسكر اليوم عم قلك انلبس التهمة لشي واحد من عصابتنا كان معنا وقت التهريبة ويكون فقير منشان نبتزو بالمصاري
زين:ومين هالشخص بلا
احمد(بتردد):جوود
-----------------------
*بيت بقرية فقيرة*
زينا:شبك يا ابني من اول ما اجيت مبارح بليل وانت عم تدور بهلبيت شوفي؟
جود:مافي شي امي بس شويا مشاكل بالشغل
زينا:خير يا ابني
جود:لا ولا شي بس مدير الشركة مسروقلو ملف مهم وما عم يلاقي هي كل الشغلة
زينا:انشالله يلاقيه دير بالك يا ابني عحالك واوعى تسرق شي مو ألك
جود:شوو امي عم تشكي فيي مفكرة انو انا يلي سرقت الملف
زينا:دائما اللص بضل متوتر وخايف ينكشف لو انت ما دخلك كنت هلأ مانك متوتر
جود:امي انا(قاطعو رن تلفونو)الو.. اي معلم ....حاضر ....جاي جاي ...يلا..(سكر)انا رايح ادعيلي امي
زينا:رجع الملف للمدير يا ابني رجعوو خليك نظيف ما صدقنا ايمتى لقيت شغل نضيف بشركة محترمة وصرت موظف فيها لا تخسر الوظيفة يا ابني
جود(بقلبو):اااخ يا امي لو تعرفي اني بشتغل اوسخ شغل شو رح تعملي
《جود عمرو 23 شعرو بني فاتح عيونو خضر وبشرتو بيضة وطولو174
زينا ام جود كبيرة بالعمر ومؤمنة ما عندا غير جود وزوجها مات بظروف غامضة قبل خمس سنين كان بيشتغل شرطي》
*المكتب*
احمد:شو قلت المبلغ مو قليل
جود:...مستحيل ..كيف ...بس ...انا ما بدي ..العلقة مع الريس الكبير مو سهلة
احمد:جود انت فكر بالمبلغ
جود:لا مستحيل معلم
زين:ليك يا شطور الشغلة رح تلبسك رح تلبسك ان قلت اي او لأ الفرق الوحيد انو ازا قلت اي رح نعطيك مبلغ ولا بلخيال ورح نساعدك لتطلع منها اما ازا قلت لأ رح تكون معزب ونص ميت ومافي ولا فرنك وما رح ندخل ابدا وهلأ انقلع لبرا وبعد نص ساعة بالضبط بتجي وبتقلنا قرارك يلا من هون
جود:بس سيدي
زين:طلاع
*بعد مرور نص ساعة*
احمد:شو يا جود
جود:طيب لبسوها لواحد غيري، غيري بيرضا انا ما بدي اترك امي لحالها
احمد:منشان امك ما تئلئ نحنا رح نوفرلها ممرضة خاصة وطبعا بعد ما تسكن بأحسن فيلا وانت بس تطلع لانو نحنا مارح نتركك رح تعيش مع امك بفيلا ما بتحلم فيها
جود:مزايا حلوة واكيد تلت رباع الفريق رح يقبل فيها بس انا..
زين:انت اخترت بأيدك رح تموت ورح تموت امك ورح تلبس التهمة يا خالد تعا شحطو لبرا
جود:خلص موافق بس لا تقربو من امي
احمد:هيك انت عيني سماع لقلك شو رح تعمل(بقلبو)سامحني يا جود بس مافي غير هالطريقة ووعد حساعدك لتطلع
---------
*اليوم التالي*
ياسر:سيدي في واحد برة بدو ياك
سيف:شو اسمو؟
ياسر:جود كاظم
سيف:مين هاد؟
ياسر:بيشتغل بفرقة زين وكان وقت سرقة الاسلحة
سيف:دخلو
ياسر:حاضر سيدي
جود(بتوتر):احترامي معلمم
سيف:ويلي بعدو
جود:سسيدي اناا ...
سيف(بعصبية):انت شو؟..قول بسرعة ما عندي وقت
جود(بسرعة):انا يلي اخذت كمية الاسلحة المفقودة
سيف:شو؟!
جود:سسيدي انا جود كاظم امي مريضة احتجت مصاري سرقت كمية الأسلحة ونحنا عم نهربها وبعتها لواحد وعملت عملية لأمي بالمصاري
سيف:ليش؟
جود:مممنشان عملية اممي
سيف:ليش جاي تعترف؟
جود:لانو انت رح تعرفني لهيك قلت ازا انا اعترفت لحالي بترحمني شوي وبوعدك معد عيدها
سيف:هههههه انت لعبت مع سيف بتعرف مين سيف هلأ رح عرفك،ساامي
سامي:امرك سيدي
سيف:اقتلو لهاد الجرذ انا ما بحوي خاينين
جود:سيدي بترجاك
سيف:سامي نفذ
(طلع سامي مسدسو ووجهو على راس جود وجود بلشو يدمو عيونو وبلحظة...)
يتبع..

الراوية بقلمي وايا سرقة من النص سيعامل معاملة قانونية

مرحبا لكل حدا دخل...
يلي عجبتو البداية يعطيني رأيو
ويلي ما عجبتو يقلي رأيو كمان😊